 |
| ( pho to by:Pong Phoonsab Tvs) |
ໃນທ້າຍອາທິດຜ່ານມາ ເມືອງວັງວຽງ ແຂວງວຽງຈັນ ໄດ້ຈັດງານບຸນບັ້ງໄຟຂຶ້ນຕາມຮີດຄອງປະເພນີທີ່ປະຕິບັດສືບທອດກັນມາ
 |
| ( pho to by:Pong Phoonsab Tvs) |
ການເຮັດບຸນບັ້ງໄຟນັ້ນ ແມ່ນປະຕິບັດຕາມຄວາມເຊື່ອທີ່ວ່າ: ເທິງຟ້າມີສິ່ງສັກສິດ ຫຼື ຊາວພຸດເອີ້ນວ່າ:“ ພະຍາແຖນ” ເຊິ່ງຄວາມເປັນມາຂອງບຸນບັ້ງໄຟນັ້ນມີຜູ້ເຖົ້າຜູ້ແກ່ຢູ່ຫຼາຍເຂດຫຼາຍທ້ອງຖິ່ນ ເລົ່າໃຫ້ຟັງວ່າ: ໃນສະໄໝກ່ອນດົນນານມາແລ້ວ ບ້ານເມືອງເກີດຄວາມເດືອດຮ້ອນ ຝົນຟ້າ ບໍ່ຕົກຕາມລະດູການ ຜູ້ຄົນ ແລະສັດສາວາສິ່ງ ແມ້ກະທັ້ງພືດພັນທັນຍາຫານຕ່າງໄດ້ຮັບຄວາມເດືອດຮ້ອນໄປຕາມໆກັນ
 |
| ( pho to by:Pong Phoonsab Tvs) |
ໃນນັ້ນເອງຍັງມີພະຍາຄັນຄາກທີ່ມີອິດທິລິດ ເປັນສັດວິເສດປົກຄອງຢູ່ພື້ນດິນ ຈຶ່ງອອກໄປກວດກາຫາສາຍເຫດວ່າ: ຝົນຟ້າບໍ່ຕົກລົງມາ ເປັນຍ້ອນສາເຫດຫຍັງ?ຈຶ່ງໄດ້ຮູ້ຄວາມຈິງວ່າ: ເປັນຍ້ອນພະຍາແຖນບໍ່ສົງຝົນລົງມາ, ພະຍາຄັນຄາກຮູ້ຢ່າງນັ້ນ ຈຶ່ງຂໍອາສາສູ້ກັບ ພະຍາແຖນ ໂດຍເອົາຝົນຟ້າເປັນເດີມພັນ ຫາກພະຍາຄັນຄາກ ຊະນະ ພະຍາແຖນຕ້ອງເຮັດໃຫ້ຝົນຕົກລົງມາ ພະຍາແຖນ ແລະ ພະຍາຄັນຄາກ ຕໍ່ສູ້ກັນ ຕາມທີ່ໄດ້ຕົກລົງກັນແລ້ວຜົນປະກົດວ່າ: ພະຍາຄັນຄາກ ເອົາຊະນະ ພະຍາແຖນດ້ວຍເຫດນັ້ນພະຍາແຖນຕ້ອງສົ່ງຟ້າຝົນໃຫ້ຕົກລົງມາໃນໂລກມະນຸດ ແຕ່ມີຂໍ້ຕົກລົງວ່າ: ຊາວໂລກຈະຕ້ອງເຮັດບຸນບັ້ງໄຟ ແລ້ວຈູດຂຶ້ນ ເພື່ອໄປບອກດ້ວຍວ່າ: ຕ້ອງການຝົນເມື່ອໃດ ເວລາໃດ ຍາມໃດ.
 |
| ( pho to by:Pong Phoonsab Tvs) |
ດັ່ງນັ້ນ ເມື່ອເຖິງລະດູການເຮັດນາ ຊາວນາ ຕ້ອງການຝົນ ກໍ່ຕ້ອງເຮັດບຸນບັ້ງໄຟ ເພື່ອຈູດບັ້ງໄຟຂຶ້ນເມືອບອກພະຍາແຖນ ເປັນສັນຍານໃຫ້ຮູ້ ເພື່ອໃຫ້ພະຍາ ແຖນດົນບັນດານຝົນຕົກລົງມາ. ດ້ວຍເຫດຄວາມເຊື່ອທີ່ກ່າວມານີ້ ຈຶ່ງໄດ້ມີການເຮັດບຸນບັ້ງໄຟ ຈົນເຖິງປັດຈຸບັນນີ້.
 |
| ( pho to by:Pong Phoonsab Tvs) |
ບັນດາບັ້ງໄຟທີ່ບ້ານຕ່າງໆນຳມາຈູດໃນງານຄັ້ງນີ້
 |
| ( pho to by:Pong Phoonsab Tvs) |
ຫຼັງຈາກຫລິ້ນບຸນບັ້ງໄຟແລ້ວ ກໍໄດ້ເວລາພັກຜ່ອນເລາະຊົມນໍ້າຊອງໃນຍາມຄໍ່າ ມາຄັ້ງໃດກໍຍັງປະທັບໃຈ
 |
| ( pho to by:Pong Phoonsab Tvs) |
 |
| ( pho to by:Pong Phoonsab Tvs) |
 |
| ( pho to by:Pong Phoonsab Tvs) |
 |
| ( pho to by:Pong Phoonsab Tvs) |
 |
| ( pho to by:Pong Phoonsab Tvs) |
---------------------
ປະເທດລາວ: ຄວາມງາມທີ່ສຳພັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
