ວັດຈອມເພັດ ເມືອງຈອມເພັດ ຫຼວງພະບາງ
ສ້າງຂຶ້ນໃນ ປີ ຄສ 1888 ໃນຣາຊການຂອງເຈົ້າມະຫາຊີວິດ ມະຫິນທະເທພ ( ອຸ່ນຄຳ ) ຢູ່ຂ້າງນອກໃຕ້ອາຮາມ ( ສິມ ) ມີທາຕຸນ້ອຍລູກຫນຶ່ງ ທີ່ບັນຈຸອັດຖິທາຕຸ ຂອງມະເຫສີທອງດີ (ພັນລະຍາ)ຂອງເຈົ້າມະຫາຊີວິດສັກກະຣິນ ທີ່ສະຫວັນນະຄົດ ເມື່ອປີ ຄສ 1929 ວັດແຫ່ງນີ້ຕັ້ງຢູ່ຈອມພູນ້ອຍ ທີ່ຊື່ວ່າ ຈອມພູເພັດ ແລະເປັນວັດແຫ່ງຫນຶ່ງໃນຫລວງພຣະບາງທີ່ສາມາດຂຶ້ນໄປເພື່ອຊົມທຳມະຊາດຂອງວິວທິວທັດຂອງເມືອງຫລວງພຣະບາງໄດ້ດີອີກມຸມຫນຶ່ງ
ວັດແຫ່ງນີ້ຜູ້ເຖົ້າຜູ້ແກ່ເຄີຍເລົ່າໃຫ້ຟັງເປັນນິທານວ່າ ກ່ອນຈະສ້າງບ້ານສ້າງເມືອງຫລວງພຣະບາງແຫງນີ້ ໄດ້ມີການປະກາດຂ່າວປ່າວຮ້ອງໃຫ້ມີການຝັງເສົາຫລັກເມືອງກັນ ແຕ່ວ່າມີບັນດາພຣະລືສີ ໄດ້ມີໃຈສັດທາໄດ້ຫາບແກ້ວມະນີ ເຄື່ອງຄ້ຳຂອງຄູນ ໃສ່ ກະບຸງ ກະຕ່າ ກະຊ້າ ມາ ແຕ່ຄວາມຮູ່ງຄວາມເຫລືອມຂອງບັນດາແກ້ວເຫລົ່ານັ້ນ ຮຸ່ງແຈ້ງຫລາຍ ຊາວບ້ານຊາວເມືອງຈຶງນຳເສົາຫລັກເມືອງລົງຂຸມກ່ອນ ເຮັດໃຫ້ ພຣະລືສີມາບໍ່ທັນພິທີ ດັ່ງນັ້ນ ພຣະລືສີເຈົ້າເສົ້າໂສກເສຍໃຈ ໂດຍ ໂຍນຊ້າ ກະຕ້າ ຖິ້ມຝັ່ງນ້ຳຂອງ ບັນດາເພັດນຶນຈິນດາ ກໍ່ຕົກໄປເປັນຫນ່ວຍພູ ທີ່ຊື່ວ່າຈອມເພັດ ສ່ວນກະຕ່າ ກະບຸງ ຕົກໄປຢູ່ແຖວວັດໜອງສະແກ້ວ ຫລືເວົ້າວ່າ ໜອງຊ້າແກ້ວ ນັ້ນ
ທິວທັດວັດຈອມເພັດໃນຍາມລະດູຝົນທີ່ມີໝອກພັດເຢັນໆ
ອາຮາມດ້ານຫນ້າຂອງວັດຈອມເພັດ
ອາຮາມ ( ສີມ ) ຂອງວັດຈອມເພັດ ທາງຫນ້າຫນ້າເປັນຈຸດຊົມວິວທິວທັດເມືອງຫລວງພຣະບາງໄດ້180 ອົງສາ ເລີຍ
ພຣະທາຕຸຄູ່ ທີ່ຢູ່ດ້ານຫລັງຂອງອາຮາມ ( ສີມ ) ຂອງວັດຈອມເພັດແຫ່ງນີ້
ພຣະປະທານຂອງວັດຈອມເພັດ
ພາບວິວທິວທັດຂອງເມືອງຫລວງພຣະບາງ ທີ່ເບິ່ງເຫັນໄດ້ໃນມູມ 180 ອົງສາ ທີ່ເບິ່ງຈາກວັດຈອມເພັດ
ວັດຈອມເພັດ ທີ່ເບິ່ງຈາກເມືອງຫລວງພຣະບາງ
ວັດຈອມເພັດ ທີ່ເບິ່ງຈາກເມືອງຫລວງພຣະບາງ ສ່ວນດ້ານລຸ່ມຂອງວັດແຫ່ງນີ້ກໍ່ແມ່ນບ້ານຊຽງແມນ ຂອງເມືອງຈອມເພັດ ແຂວງຫລວງພຣະບາງ
