ເຮືອນໄມ້ບູຮານລາວ ແບບຮ່ວມສະໄຫມ ຕ່າງ ຍັງພໍມີໃຫ້ພົບເຫັນຢູ່ ແຕ່ກໍ່ຍັງເຫລືອນ້ອຍແລ້ວ ອີກບໍ່ 10 ປີ ເຮືອນດັ່ງກ່າວກໍ່ຄົງເພພັງ ຫລືດັດແປງ ຫລືມ້າງໄປເປັນເຮືອນກໍ່ ເຮືອນໄມ້ເຫລົ່ານີ້ຍັງມີສະເໜ່ ໃຫ້ຫວນລະນຶກເຖິງອະດິດ ທີ່ເຄີຍຢູ່ ທີ່ເຄີຍອາໄສ ຂອງຫລາຍໆຄົນທີ່ເຄີຍມີເຮືອນແບບນີ້
ເມືອເຫັນເຮືອນແບບເກົ່າໆ ແບບນີ້ແລ້ວ ກໍ່ນຶກເຖິງ ບົດຮຽນຂອງຊັ້ນປະຖົມໃນເມື່ອກ່ອນ ທີ່ກ່າວເຖິງຄົນໃນຄອບຄົວທີ່ອາໄສຢູ່ເຮືອນແບບລັກສະນະແບບນີ້ ເຄີຍທ່ອງແລະເລົ່າກັນຕິດປາກ ທີ່ວ່າ :
ໃນຄອບຄົວ ເຮືອນຊານຂອງຂ້ອຍ
ເອື້ອຍອ້າຍຊ່ອຍ ພໍ່ແມ່ຄົວກິນ
ຂ້ອຍໄດ້ຍິນ ນ້ອງນ້ອຍຂ້ອຍແອ່ວ
ໄຫ້ແຈ້ວໆ ຫາແມ່ກິນນົມ
ຂ້ອຍໄປໂຈມ ອູ້ມນ້ອງຕາງແມ່
ເອື້ອຍແລະແມ່ ຂອງຂ້ອຍດີໃຈ
ຂ້ອຍບໍ່ໄປ ທ່ຽວແລ່ນແລະຫລິ້ນ
ກິນເຂົ້າແລ້ວ ຫາອ່ານຫນັງສື
ບໍ່ເຮັດຄື ເຫມືອນດັ່ງແຕ່ກ່ອນ
ເຮືອນໄມ້ເຫລົ່ານີ້ ແມ່ນໄດ້ບັນທຶກໄວ້ເມື່ອວັນທີ່ 17/06/2017 ທີ່ຜ່ານມານີ້ເອງ ເພື່ອເກັບພາບເຫລົ່ານີ້ໄວ້ໃຫ້ຫລາຍຄົນທີ່ຢາກເຮັດເຮືອນແບບນີ້ອີກຄັ້ງ ຈະໄດ້ເບິ່ງເປັນແບບຢ່າງ
ບັນດາເຮືອນໄມ້ເຫລົ່ານີ້ແມ່ນຢູ່ແຖວບ້ານ ຫາດດອກແກ້ວ , ຫົວຫ້າ , ໂພເງິນ , ໂພສີ , ສະຫວ່າງ , ປ່າຫງ່າວ , ຈອມທອງ ເຂດບ້ານຫ້ອມ ເມືອງຫາດຊາຍຟອງ ນະຄອນຫລວງວຽງຈັນ
ເຊີນຊົມບັນດາເຮືອນໄມ້ແບບຕ່າງໆດັ່ງລຸ່ມນີ້ໄດ້ເລີຍ
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອະນຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
