ພຣະພຸທທະຮູບປະທານ ຂອງວັດສຼີບຸນເຮືອງ ຫລວງພຣະບາງ ງົດງາມອ່ອນຊ້ອຍ ແທ້ໂອ໋.

ພຣະປະທານໃນອາຮາມ ( ສີມ ) ຂອງວັດສຼີບຸນເຮືອງ ເມືອງຫລວງພຣະບາງ ເປັນອົງບໍ່ໃຫຍ່ ບໍ່ນ້ອຍ ສ້າງດ້ວຍປູນ ແຕ່ມີລັກສະນະທີ່ງົດງາມ ອ່ອນຊ້ອຍ ຖືກສັດສ່ວນ ພຣະພັກອິ່ມເອີບ ເຮັດໃຫ້ຜູ້ທີ່ມາຂາບໄຫວ ສະຫງົບ ທັງກາຍ ວາຈາ ໃຈ.

ເຊິ່ງນັບວ່າເປັນພຣະພຸທທະຮູບທີ່ງົດງາມຫລາຍ ແລະທັງຊື່ຂອງວັດ ທີ່ວ່າ ສຼີບຸນເຮືອງ ກໍ່ເປັນສິຣິມຸງຄຸນກັບຜູ້ທີ່ມາເຫັນມານົບ ອີກດ້ວຍ.

ປະຫວັດຫຍໍ້ຂອງວັດ ສຼີບຸນເຮືອງ ນີ້ແມ່ນສ້າງເມື່ອປີ ຄ.ສ 1758 ໃນຣາຊະສະໄໝ ຂອງພຣະເຈົ້າໂຊຕິກະກຸມານສິລະປະຂອງວັດ ເປັນແບບະຫລວງພຣະບາງ ມີຊໍ່ຟ້າ 15 ຊັ້ນ ຄວາມໂດດເດັ່ນຂອງວັດນີ້ຈະຢູ່ທີ່ຕົວອາຮາມ (ສິມ) ເຊິ່ງມີຮູບຊົງຫລັງຄາແອ່ນຂະໜາດໃຫຍ່ ຊຶ່ງເປັນສິລະປະ ແບບຊຽງຂວາງ ທີ່ມີສີໜ້າລາຍນົກຍູງ ລວດລາຍດອກຮວງເຜິ້ງອັນອ່ອນຊ້ອຍງົດງາມຫລາຍ .

ຮູບເຫລົ່ານີ້ໄດ້ມີຄູບາ ຈາກວັດພຣົມມະສິລາ ແຂວງສະຫວັນນະເຂດ ໄດ້ເຫັນຮູບພາບທີ່ຖ່າຍກ່ອນຫນ້ານີ້ແລ້ວ ເຫັນພຣະປະທານອົງນີ້ ງົດງາມຫລາຍ ຈຶ່ງຂໍໃຫ້ໄປຖ່າຍໃຫ້ເພື່ອຈະເອົາໄປເປັນແບບສ້າງຈຳລອງ ນອກຈາກຈະເອົາໄປສ້າງແລ້ວ ທຸກຄົນທີ່ໄດ້ເຫັນຮູບພາບນີ້ຍັງໄດ້ອະນິສົງຈາກຄູບາ ຈະສ້າງພຣະແບບນີ້ອີກດ້ວຍ ຂະນ້ອຍກໍ່ຂໍອະນຸໂມທະນາ ແລະສ້າງໃຫ້ງົດງາມແລະສຳເຣັດທຸກປະການດ້ວຍເທີດ ຂະນ້ອຍເດີ.

ພຣະພຸທທະຮູບປະທານ ຂອງວັດສຼີບຸນເຮືອງ ຫລວງພຣະບາງ

ພຣະພຸທທະຮູບປະທານ ຂອງວັດສຼີບຸນເຮືອງ ຫລວງພຣະບາງ

ພຣະພຸທທະຮູບປະທານ ຂອງວັດສຼີບຸນເຮືອງ ຫລວງພຣະບາງ

ພຣະພຸທທະຮູບປະທານ ຂອງວັດສຼີບຸນເຮືອງ ຫລວງພຣະບາງ

ພາບຖ່າຍວັດສຼີບຸນເຮືອງ ຫລວງພຣະບາງ ໃນອະດີດ

ພາບຖ່າຍວັດສຼີບຸນເຮືອງ ຫລວງພຣະບາງ ໃນອະດີດ

ພາບຖ່າຍວັດສຼີບຸນເຮືອງ ຫລວງພຣະບາງ ໃນອະດີດ

ຮູບໂດຍ:Houmphet Manisouk

---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com