ໃສ່ບາດທີ່ວັດອົງຕື້ ມະຫາວິຫາຣ ໃນມື້ບຸນອອກພັນສາປະວໍຣະນາ ພສ 2560
ວັນທີ່ 05/10/2017 ຮ່ວມເຮັດບຸນໃສ່ບາດ ໃນມື້ບຸນອອກພັນສາປະວໍຣະນາ ທີ່ວັດອົງຕື້ ມະຫາວິຫາຣ ເຊິ່ງເປັນບຸນປາງໃຫຍ່ຫນຶ່ງ ໃນຮີດ 12 ຄອງ 14 ຂອງຄົນລາວ ໃນບຸນອອກພັນສາແລະໄຫລເຮືອໄຟ ແມ່ນມີຄະຕິຄວາມເຊື່ອວ່າ :
1 . ເປັນການຕ້ອນຮັບສະເດັດຂອງພຣະສັມມາສັມພຸທທະເຈົ້າ ທີ່ສະເດັດລົງຈາກສະຫວັນ ຫລັງຈາກທີ່ເພິ່ນສະເດັດຂຶ້ນໄປໂປຣດພຸທທະມານດາເພຶ່ນຕັ້ງແຕ່ວັນເຂົ້າພັນສາ.
2. ເປັນການຣະນຶກເຖິງບຸນຄຸນຂອງແມ່ກາເຜືອກ ຕາມຄະຕິຄວາມເຊື່ອເລື່ອງພຣະພູທທະເຈົ້າ 5 ພຣະອົງ ທີ່ແມ່ກາເຜືອກໄດ້ນຳເອົາໄຂ່ ທີ່ເປັນໄຂຂອງພຣະເຈົ້າທັງ 5 ອົງ ມາລ້ຽງ ແມ່ນຊາດກ່ອນໆ ຜ່ານມາຄືພຣະສັມມາສັມພຸທທະເຈົ້າທັງ 5 ອົງ ປະກອບມີຄື : ກຸກຸສັນໂທ , ໂກນາຄະມະໂນ , ກັດສະໂປ , ໂຄຕະໂມ ແລະ ອະຣິຍະເມຕໄຕໂຍ.
3. ເປັນການສະເຫລີມສະຫລອງໃຫ້ພຣະສົງສະມະເນນໃນການຈຳພັນສາ ເພື່ອຈະໄດ້ອອກໄປໂປຣດແກ່ເພື່ອມະນຸດທັງຫລາຍ
4. ເປັນການຂອບໃຈບັນດາແມ່ນ້ຳຄົງຄາທັງຫລາຍທີ່ອຳນວຍໃຫ້ແກ່ແຜ່ນດິນ ໃຫ້ຄົນໄດ້ມີຄວາມຊຸ່ມຊື່ນ ເຊິ່ງເປັນຜົນໃຫ້ເກີດພຶດພັນນາໆປະການໄດ້ອຸດົມສົມບູນ ...
