ເມື່ອບໍ່ດົນມານີ້ ພະອາຈາຣຍ໌ໃຫຍ່ ມະຫາເຫວດ ມະເສໄນ ຮອງປະທານ ສູນກາງ ອພສ ແລະ ຜູ້ຊີ້ນຳລວມວຽກງານເຜີຍແຜ່ສິລະທັມ ແລະວິປັດສະນາກັມມະຖານທົ່ວປະເທດດ້ໄປຢ້ຽມຊົມ ສຳຫລວດ ເພື່ອຫາທິດທາງໃນການປະຕິສັງຂອນແລະອະນຸລັກ ພຣະທາດ 2 ທາດ ທີ່ຢູ່ເຂດບ້ານໂສກປ່າຫລວງ.
ເພາະພຣະທາດທັງ 2 ອົງນີ້ ປະຈຸບັນແມ່ນຂາດການເບິ່ງແຍງຮັກສາ ແລະ ນ້ອຍຄົນຫລາຍທີ່ຈະຮູ້ບ່ອນທີ່ຕັ້ງແລະປະຫວັດທີ່ແທ້ຈິງ ແຕ່ກໍ່ມີການເລົ່າແລະສັນນິຖານກັນມາວ່າ :
ພຣະທາດອົງທີ່ 1 ທີ່ຕັ້ງຢູ່ເຂດວິທະຍາໄລສັບພະວິຊາ ນັ້ນແມ່ນພຣະທາດທີ່ບັນຈຸອັດຖິທາດ ຂອງພະອໍຣະຫັນແລະອັກຄະສາວົກ ຜູ້ເປັນເຊື້ອສາຍຂອງພະສັມມາສັມພຸດທະເຈົ້າ ແລະກົງກັບນິທານອຸຣັງຄະທາດໃນຄັ້ງທີ່ ພະມະຫາພຸດທະວົງສາ ໄດ້ສັ່ງພຣະມະຫາສັຕສະດີວ່າ ຂໍໃຫ້ທ່ານສັງສອນ ພະພິກຂຸສົງ ແລະອອກຕົນຍາດໂຍມ ຂ້າພະເຈົ້າ ຈະໄປກຣຸງຣາຊະຄຶ ເພື່ອໄປນຳເອົາອັດຖິທາດຂອງພະອໍຣະຫັນ ແລະອັກຄະສາວົກ ເຊິ່ງເປັນເຊື້ອສາຍ ຂອງພະສັມມາສັມພຸດທະເຈົ້າ ມາບັນຈຸໄວ້ທີ່ນີ້.
ພຣະທາດອົງທີ່ 2 : ຕັ້ງຢູ່ທາງຮ່ອມຕັນເຂົ້າໄປຈົນສຸດທາງເລີຍ ( ຫລັງໂຮງຮຽນກຽດຕິສັກ )
ພຣະທາດທັງ 2 ອົງນີ້ ສ້າງຂຶ້ນໃນສະໄຫມຂອງເຈົ້າພຣະຍາບູລີຈັນອ່ວຍລ່ວຍ ແຕ່ຍັງບໍ່ທັນຮູ້ວ່າພະທາດອົງນີ້ບັນຈຸອັດຖິທາດຂອງພະສົງອົງສຳຄັນອົງໃດເທື່ອ.ທັງ 2 ພຣະທາຕຸນີ້ ແມ່ນສ້າງຂຶ້ນເມື່ອປະມານ 2200-2300 ປີ ຜ່ານມາແລ້ວ ແລະໄດ້ມີການບູຣະນະເລື້ອຍໆມາ ຈົນມາຮອດສະໄຫມສົງຄາມລະຫວ່າງ ລ້ານຊ້າງກັບສະຫຍາມ ພະທາດທັງ 2 ອົງນີ້ກໍ່ຖືກປະປ່ອຍ ເລື້ອຍໆມາ ຮອດປະຈຸບັນ
ບົດແລະຮູບຈາກHoumphet Manisouk
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
