 |
| ງານບຸນນະມັດສະການພະທາດຫຼວງ ຮູບໂດຍ: viengvatsana vongthongchith |
ຂປລ. ສປປ ລາວ ຈະເປີດປີທ່ອງທ່ຽວລາວ 2018 ພ້ອມກັບ ພິທີເປີດບຸນນະມັດສະການພະທາດຫລວງວຽງຈັນ, ໃນວັນທີ 28 ຕຸລາ 2017 ໂດຍຈະໄດ້ເຊີນບັນດາແຂກທັງພາຍໃນ ແລະ ຕ່າງປະເທດເຂົ້າຮ່ວມກິດຈະກຳດັ່ງກ່າວ, ເພື່ອເປັນການສົ່ງເສີມໂຄສະນາ ແລະ ດຶງດູດການທ່ອງທ່ຽວ.
 |
| ງານບຸນໄຫລເຮືອໄຟທີ່ຫຼວງພະບາງ ຮູບໂດຍ Noy Saylakham |
 |
| ງານບຸນໄຫລເຮືອໄຟທີ່ຫຼວງພະບາງ ຮູບໂດຍ Noy Saylakham |
ໃນວັນທີ 12 ຕຸລາ 2017 ທີ່ນະຄອນຫລວງວຽງຈັນ, ທ່ານ ສອນໄຊ ສີພັນດອນ ຮອງນາຍົກ ລັດຖະມົນຕີ, ປະທານຄະນະຮັບຜິດຊອບຊີ້ນຳລະດັບຊາດ ໃນການຈັດປີທ່ອງທ່ຽວລາວ 2018 ໄດ້ຖະແຫລງຂ່າວຕໍ່ສື່ມວນຊົນ, ບັນດາທູຕານຸທູດ, ອົງການຈັດຕັ້ງສາກົນ ແລະ ຫົວໜ່ວຍທຸລະກິດຕ່າງໆ ໃຫ້ຮັບຊາບວ່າ: ສປປ ລາວ ໄດ້ຈັດປີທ່ອງທ່ຽວລາວມາແລ້ວ 2 ຄັ້ງ ຄື ປີ 1999-2000 ແລະ ປີ 2011-2012.
 |
| ສວນແຄນແດນສາລະວັນ ຮຸບໂດຍ: S-Media Sonepasit Sone |
ໂດຍເຫັນໄດ້ທ່າແຮງ ແລະ ຄວາມເປັນໄປໄດ້ ໃນການພັດທະນາວຽກງານທ່ອງທ່ຽວ ລັດຖະບານ ຈຶ່ງໄດ້ອະນຸມັດໃຫ້ຈັດປີທ່ອງທ່ຽວລາວ 2018 ຂຶ້ນ ເຊິ່ງປະກອບມີກິດຈະກຳທັງ ພາຍໃນ ແລະ ຕ່າງປະເທດ ຄື: ກິດຈະກຳສະເຫລີມສະຫລອງ ປີທ່ອງທ່ຽວຢູ່ບັນດາແຂວງມີ ທັງໝົດ 18 ກິດຈະກຳ ໃນບຸນປະເພ ນີຕ່າງໆ ຂອງບັນດາແຂວງໃນຂອບເຂດທົ່ວປະເທດ; ການເຄື່ອນໄຫວ ແລະ ກິດຈະກຳປິ່ນອ້ອມ ເປັນຕົ້ນ ການຈັດຂະບວນຄາລະວານລົດທ່ອງທ່ຽວ ຕາມເສັ້ນທາງແຫລ່ງທ່ອງທ່ຽວບາງແຂວງທາງພາກເໜືອ ແລະ ພາກໃຕ້, ລາຍການຢ້ຽມຢາມແຫລ່ງທ່ອງທ່ຽວ ສຳລັບສື່ມວນຊົນເພື່ອໂຄສະນາຜະລິດຕະພັນ ແລະ ແຫລ່ງທ່ອງທ່ຽວອັນໂດດເດັ່ນຂອງລາວ, ກິດຈະກຳສະເຫລີມສະຫລອງວັນທ່ອງທ່ຽວໂລກ, ບຸນມະໂຫລານສິລະປະການສະແດງພື້ນເມືອງ ບັນດາເຜົ່າທົ່ວປະເທດ ໃນບຸນພະທາດຫລວງວຽງຈັນ, ລາຍການທ່ອງທ່ຽວຂີ່ລົດ ຖີບອາຊຽນ, ການແຂ່ງລົດຈັກວິບາກ, ແຂ່ງລົດໃຫຍ່ວິບາກ, ກິດຈະກຳປີນໜ້າຜາ ແລະ ອື່ນໆ.
ສ່ວນລາຍການເຄື່ອນໄຫວ ແລະ ກິດຈະກຳທີ່ປິ່ນອ້ອມຢູ່ຕ່າງປະເທດ ປະກອບມີ ຈັດງານວັນລາວ ໃນງານ ATF 2018 ຢູ່ຊຽງໃໝ່ ປະເທດໄທ, ຈັດງານຄອກເທວ ຢູ່ ITB Berlin 2018 ປະເທດເຢຍລະມັນ, ງານວາງສະແດງທ່ອງທ່ຽວສາກົນ SMT ຢູ່ ປາຣີ ປະເທດຝຣັ່ງ, ຈັດງານວັນລາວ ທີ່ງານ Lao Festival ທີ່ໂຕກຽວ ປະເທດຍີ່ປຸ່ນ, ຈັດງານວັນລາວ ໃນງານ ITE HCM ຢູ່ ສສ ຫວຽດນາມ ແລະ ງານວາງສະແດງທ່ອງທ່ຽວສາກົນ WTM ຢູ່ ລອນດອນ ປະເທດອັງກິດ.
 |
| ພະພຸດທະຮູບທີ່ວັດສິສະເກດ ຮູບໂດຍ: kham kham |
ໃນໂອກາດນີ້, ທ່ານ ສອນໄຊ ສີພັນດອນ ໄດ້ສະແດງຄວາມເຊື່ອໝັ້ນວ່າ: ໃນການກະກຽມຈັດປີທ່ອງທ່ຽວລາວ 2018 ນີ້, ປາສະຈາກບໍ່ໄດ້ການຮ່ວມແຮງຮ່ວມໃຈ, ການຮ່ວມມື, ການປະກອບ ສ່ວນ ແລະ ສະໜັບສະໜູນເຊິ່ງກັນ ແລະ ກັນ ຂອງບັນດາຫົວໜ່ວຍທຸລະກິດ ຈາກພາກລັດ, ເອກະຊົນ ແລະ ບັນດາອົງການຈັດຕັ້ງສາກົນຕ່າງໆ ເພື່ອເປັນເຈົ້າພາບໃນການຈັດງານດັ່ງກ່າວ, ໃຫ້ບັນລຸຕາມຈຸດປະສົ່ງ ແລະ ຄາດໝາຍທີ່ວາງໄວ້.
 |
| ການໄຕ້ໂຄມໄຟໃນງານບຸນໄຫລເຮືອໄຟທີ່ຫຼວງພະບາງ ຮູບໂດຍ: pong phoonsab tvs |
 |
| ການໄຕ້ໂຄມໄຟໃນງານບຸນອອກພັນສາ ທີ່ວັດອົງຕື້ມະຫາວິຫານ ຮຸບໂດຍhoumphet manisouk |
 |
| ງານບຸນໄຫລເຮືອໄຟທີ່ຫຼວງພະບາງ ຮູບໂດຍ Noy Saylakham |
 |
| ງານບຸນໄຫລເຮືອໄຟທີ່ຫຼວງພະບາງ ຮູບໂດຍ Noy Saylakham |
 |
| ງານບຸນໄຫລເຮືອໄຟທີ່ຫຼວງພະບາງ ຮູບໂດຍ Noy Saylakham |
 |
| ງານບຸນໄຫລເຮືອໄຟທີ່ຫຼວງພະບາງ ຮູບໂດຍ Noy Saylakham |
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
