ແຂວງສາລະວັນຕັ້ງຢູ່ພາກໃຕ້ຂອງສປປລາວ, ນອນໃນເຂດສາມຫຼ່ຽມພັດທະນາ CLV ມີຊາຍແດນຕິດຈອດກັບບັນດາປະເທດ ແລະ ແຂວງໃກ້ຄຽງດັ່ງນີ້:
–ທິດເໜືອຕິດກັບແຂວງສະຫວັນນະເຂດ ຍາວ 275 km.
– ທິດໃຕ້ຕິດກັບແຂວງຈຳປາສັກ ລວງຍາວ 175 km.
– ທິດຕາເວັນອອກຕິດກັບແຂວງກວາງຈິ້ ແລະ ເທືອທຽນເຫວ້ (ສສຫວຽດນາມ) ລວງຍາວ 116 km ແລະ ແຂວງເຊກອງຍາວ 200 km.
– ທິດຕາເວັນຕົກຕິດກັບແຂວງອຸບົນຣາຊະທານີ (ຣາດຊະນາຈັກໄທ) ຍາວ 90 km.
ເນື້ອທີ່ຂອງແຂວງສາລະວັນ 10.691 ກິໂລຕາແມັດ; ປະກອບມີ 8 ເມືອງ ຄື: ສາລະວັນ, ເລົ່າງາມ, ວາປີ, ຄົງເຊໂດນລະຄອນເພັງ, ຕຸ້ມລານ, ຕະໂອ້ຍ ແລະ ສະໝ້ວຍ.
ປະຊາກອນທັງໝົດ 396.741 ຄົນ, ຍິງ 102.006 ຄົນ; ມີ 582 ບ້ານ, 54 ກຸ່ມບ້ານ, 72.112 ຄອບຄົວ, ຄວາມໜາແໜ້ນຂອງປະຊາກອນ 36ຄົນ/ກິໂລຕາແມັດ; ມີ 10 ຊົນເຜົ່າ, ເຜົ່າລາວກວມ 55%; ປະລິມານນ້ຳຝົນ 1.500-2.500 mm; ພູມສັນຖານແບ່ງອອກເປັນ 3 ເຂດຄື: ທົ່ງພຽງ, ພູພຽງແລະ ພູດອຍ.
+ ຍຸດທະສາດຮອດປີ2025
ພັດທະນາເສດຖະກິດຂອງແຂວງໃຫ້ມີການຂະຫຍາຍຕົວຢ່າງຕໍ່ເນື່ອງ ເພື່ອສ້າງປະຖົມປັດໃຈໃຫ້ແກ່ການຫັນເປັນອຸດສາຫະກຳແລະທັນສະໄໝ.ເຮັດໃຫ້ໂຄງປະກອບຂະແໜງອຸດສາຫະກຳແລະ ບໍລິການກວມ 77,3%, ລາຍໄດ້ສະເລ່ຍຕໍ່ຫົວຄົນຕໍ່ປີ 3.850 ໂດລາສະຫາລັດ, ສ້າງໂຄງປະກອບຂະແໜງກະສີກໍາໃຫ້ເປັນລະບົບຄົບຊຸດ, ປະກອບສ່ວນຢ່າງຕັ້ງໜ້າເຂົ້າໃສ່ການປະຕິບັດໂຄງການຄ້ຳປະກັນທາງດ້ານສະບຽງອາຫານ, ສົ່ງເສີມການຜະລິດກະສິກຳເປັນສິນຄ້າດ້ວຍການສົ່ງເສີມກະສີກຳອິນຊີ (ກະສິກໍາສະອາດ), ຮອດປີ2025 ອັດຕາເຂົ້າຮຽນສຸດທິຊັ້ນປະຖົມ 100%ແລະ ອາຍຸຍືນສະເລ່ຍປະມານ72ປີ.
ເພີ່ມປະລິມານ ແລະ ຄຸນນະພາບຂອງກໍາລັງແຮງງານໃນສັງຄົມໃຫ້ສູງຂຶ້ນ,ນຳໃຊ້ຜົນສຳເລັດທາງດ້ານວິທະຍາສາດ- ເຕັກໂນໂລຊີທີ່ທັນສະໄໝ ແລະ ແຫລ່ງຊັບພະຍາກອນທີ່ມີໃຫ້ເກີດປະໂຫຍດສູງສຸດ, ຫັນໄປສູ່ການບໍລິການປະຕູດຽວ ເພື່ອບຸກທະລຸທັງ 4 ດ້ານ, ຍາດໂອກາດໃນການພັດທະນາ, ການດັດສົມເສດຖະກິດຕະຫຼາດ, ການແກ້ງແຍ້ງ-ແຂ່ງຂັນແລະເຊື່ອມໂຍງກັບພາກພື້ນ-ສາກົນ, ຄຸ້ມຄອງລັດ -ຄຸ້ມຄອງສັງຄົມດ້ວຍລະບຽບກົດໝາຍຢ່າງເຂັ້ມງວດ,ສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງ-ຮອບດ້ານແລະສ້າງບ້ານເປັນຫົວໜ່ວຍພັດທະນາໃຫ້ເປັນຮູບປະທໍາຢ່າງແທ້ຈິງ.
ຖ່າຍພາບໂດຍ Tono Chormphachun
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
