ບ້ານກັນດອນໃໝ່ ຖືເປັນບ້ານການທ່ອງທ່ຽວທາງວັດທະນະທຳຂອງແຂວງເຊກອງ ໂດຍມີຈຸດເດັ່ນທີ່ ການຮັກສາໄດ່້ເອກະລັກຮີດຄອງປະເພນີດັ່ງເດີມຂອງຊາວບ້ານທີ່ຍັງຮັກສາໄວ້ ແລະ ຈະມີພິທີບຸນບ້ານຂຶ້ນທຸກໆປີໃນເດືອນ3.
ແຕ່ກ່ອນປະຊາຊົນເຜົ່າກະຕູບ້ານກັນດອນແມ່ນຢູ່ ເມືອງກະລຶມ ແຂວງແຊກອງ ຕິດກັບຊາຍແດນຫວຽດນາມ ມາຫຼາຍຟ້າຫຼາຍປີ ແຕ່ຍ້ອນການດຳລົງຊິວິດທຳມາຫາກິນບໍ່ພໍກຸ່ມຢູ້ກຸ່ມກິນ ແລະພຢູຄ່ຫ່າງໄກສອກຫລີກ ຫຍຸ້ງຍາກໃນການພັດທະນາ, ແຂວງເຊກອງຈິ່ງຕົກລົງຍົກຍ້າຍບ້ານດັ່ງກ່າວ ມາຕັ້ງຢູ່ເມືອງທ່າແຕງແຂວງເຊກອງໃນວັນທີ 5/3/1996 ໂດຍຕັ້ງຊື່ບ້ານວ່າບ້ານກັນກອນໃຫມ່.
ບ້ານກັນດອນໃໝ່ ເມືອງທ່າແຕງ ແຂວງເຊກອງ ເປັນບ້ານທ່ອງທ່ຽວ ທາງດ້ານວັດທະນະທຳ ຮີດຄອງປະເພນີ ແລະ ວິຖີຊີວິດ ຂອງປະຊາຊົນ ເຜົ່າກະຕູ ຫ່າງຈາກເທດສະບານ ເມືອງທ່າແຕງໄປທາງທິດໃຕ້ 17 Km ແລະ ຈາກເທດສະບານແຂວງໄປທາງທິດເໜືອ 32 Km.ພໍຮອດວັນທີ 5 ເດືອນ 3 ຂອງທຸກໆປີ ຈະມີການຈັດສະເຫຼີມສະຫຼອງງານບຸນປະເພນີຂອງເຜົ່າ ແລະ ຂອງບ້ານ.
ຈຸດເດັ່ນທີ່ດຶງດູດນັກທ່ອງທ່ຽວແມ່ນການຮັກສາໄວ້ເອກະລັກຮີດຄອງປະເພນີດັ່ງເດີມ. ໃນນີ້ຈະມີສາລາບ້ານ ທີ່ປຸກແບບດັ່ງເດີມເພືອ່ໃຊ້ໃນພິທີບຸນ ແລະ ຕ້ອງຮັບແຂກບ້ານແຂກເມືອງ. ປະຊາຊົນບ້ານໃນບ້ານຍັງມີເອກະລັກໃນການຕຳແຜ່ນແພຂອງຊົນເຜົ່າ
ໃນບ້ານກັນດອນຍັງມີການເຮັດໂຮມສະເຕ ເພື່ອຮອງຮັບນັກທ່ອງທ່ຽວທັງພາຍໃນແລະຕ່າງປະເທດທີ່ຢາກມາສຳຜັດວະຖີຊີວິດ ແລະ ວັດທະນະທຳຂອງເຜົ່າກະຕູ.
ຢ່າງໃດກໍຕາມ ຫາກຢາກພັດທະນາໃຫ່້ກາຍເປັນສະຖານທີທ່ອງທ່ຽວທາງວັດທະນະທຳທີ່ມີຊື່ສຽງຂອງແຂວງກໍຄືຂອງປະເທດ ກໍຍັງຈະຕ້ອງໄດ້ມີການປັບປຸງຫຼາຍຈຸດ ໂດຍສະເພາະການຕ້ອນຮັບນັກທ່ອງທ່ຽວ, ຄວນມີຫໍມູນເຊື້ອທີ່ມີຄວາມຫຼາກຫຼາຍ, ລວມເຖິງການພັດທະນາຜະລິດຕະພັນການທ່ອງທ່ຽວພາຍໃນບ້ານເມື່ອມີນັກທ່ອງທ່ຽວມາ ຄວນມີກິດຈະກຳຫຍັງໃຫ້ເບິ່ງໃຫ້ຊົມ ແລະວຽກງານອື່ນໆອີກ. ຢ່າລື່ມວ່າ ແຂກຕ່າງປະເທດທີ່ມາລາວ ສ່ວນໃຫຍ່ແມ່ນຢາກເຫັນວັດທະນຳແລະວິຖີຊີວິດດັ່ງເດີມຂອງຊາວບ້ານ ແລະນັັ້ນຖືເປັນຈຸດຂາຍທີ່ຍືນຍົງ.
ດັ່ງນັ້ນໃນປີ ທ່ອງທ່ຽວລາວ 2018 ຄວນຖືໂອກາດນີ້ ຄົ້ນຄວ້າ ຊອກຄົ້ນທ່າແຮງ ແລະ ພັດທະນາຜະລິດຕະພັນການທ່ອງທ່ຽວໃຫ້ມີຄວາມໂດດເດັ່ນຂຶ້ນ ແລະ ຍືນຍົງ.
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
