ວັນທີ 7 ພຶດສະພາ 2018 ເວລາ 10:00ໂມງ ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ໄດ້ຕ້ອນຮັບ ເຈົ້າຊາຍ ອານເຟຼດ (Alfred) ແຫ່ງ ປະເທດ ເລັກເຕນສະເຕນ ທັງເປັນປະທານ ສະພາທີ່ປຶກສາ ຂອງ ມູນນິທິສັນຕິພາບສາກົນ (International Peace Foundation) ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ.
ໂອກາດດັ່ງກ່າວ, ທ່ານ ທອງຜ່ານ ສະຫວັນເພັດ ໄດ້ສະແດງ ຄວາມຍິນດີຕ້ອນຮັບ ແລະ ຕີລາຄາສູງ ຕໍ່ເຈົ້າຊາຍ ອານເຟຼດ ແຫ່ງປະເທດ ເລັກເຕນສະເຕນ ທີ່ໄດ້ນຳພາຄະນະ ເດີນທາງມາ ຢ້ຽມຢາມ ສປປ ລາວ ໃນຄັ້ງນີ້, ເຊິ່ງ ເປັນການຮັດແໜ້ນການພົວພັນຮ່ວມມື ຮອບດ້ານ ລະຫວ່າງ ສອງ ປະເທດ ລາວ-ເລັກເຕນສະເຕນ ໃຫ້ໄດ້ ຮັບການພັດທະນາ ແລະ ຊ່ວຍເຫລືອເຊິ່ງກັນ ແລະ ກັນ ໃນທຸກຂົງເຂດວຽກງານ ຕະຫລອດໄປ.
ຈາກນັ້ນເວລາ11:50ໂມງ ເຈົ້າຊາຍ ອານເຟຼດ ໄດ້ເຂົ້າຢ້ຽມຂໍ່ານັບທ່ານ ນາງ ແສງເດືອນ ຫລ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາໂອກາດດັ່ງກ່າວ, ທ່ານ ນາງ ແສງເດືອນ ຫລ້າຈັນທະບູນ ໄດ້ສະແດງ ຄວາມຍິນດີຕ້ອນຮັບ ແລະ ຕີລາຄາສູງ ຕໍ່ເຈົ້າຊາຍ ອານເຟຼດ ແຫ່ງປະເທດ ເລັກເຕນສະເຕນ ທີ່ໄດ້ນຳພາຄະນະ ເດີນທາງມາ ຢ້ຽມຢາມ ສປປ ລາວ ໃນຄັ້ງນີ້, ເຊິ່ງ ເປັນການຮັດແໜ້ນການພົວພັນຮ່ວມມື ຮອບດ້ານ ໂດຍສະເພາະ ແມ່ນວຽກງານດ້ານການສຶກສາ ລະຫວ່າງ ສອງ ປະເທດ ລາວ-ເລັກເຕນສະເຕນ ໃຫ້ໄດ້ ຮັບການພັດທະນາ ແລະ ຊ່ວຍເຫລືອເຊິ່ງກັນ ແລະ ກັນ ໃນທຸກຂົງເຂດວຽກງານ ຕະຫລອດໄປ.
ໃນໂອກາດດຽວກັນ, ເຈົ້າຊາຍ ອານເຟຼດ ກໍໄດ້ສະແດງ ຄວາມຂອບໃຈ ຕໍ່ທ່ານ ນາງ ແສງເດືອນ ຫລ້າຈັນທະບູນ ທີ່ໄດ້ສະຫລະ ເວລາອັນມີຄ່າ ໃຫ້ການຕ້ອນຮັບ ອັນອົບອຸ່ນໃນຄັ້ງນີ້, ພ້ອມທັງລາຍງານໃຫ້ ທ່ານ ລັດຖະມົນຕີ ຊາບວ່າ: ມູນນິທິ International Peace Foundation ຈະຈັດຊຸດສຳມະນາ ທີ່ ຈະມີເຈົ້າຂອງລາງ ວັນໂນເບລ ທີ່ມີຊື່ສຽງ 4 ທ່ານ ມາເຜີຍແຜ່ບົດຮຽນວິຊາການ ດ້ານຟີຊິກສາດ, ເຄມີສາດ, ເສດຖະສາດ ແລະ ການແພດ ພາຍໃຕ້ຫົວຂໍ້ “Bridges-Dialogues towards a Culture of Peace” ໃຫ້ແກ່ນັກສຶກສາ ມະຫາວິທະຍາໄລແຫ່ງຊາດ, ມະຫາວິທະຍາໄລສຸພານຸວົງ ແລະ ມະຫາວິທະຍາໄລ ວິທະຍາສາດສຸຂະພາບ ໃນ 4 ໄລຍະ ຄື: ໄລຍະທີ I ລະຫວ່າງ ວັນທີ 20-24 ພະຈິກ 2018, ໄລຍະທີ II ລະຫວ່າງ ວັນທີ 15-19 ມັງກອນ 2019, ໄລຍະທີ III ລະຫວ່າງ ວັນທີ 8-15 ມີນາ 2019 ແລະ ໄລຍະ ທີ IV ລະຫວ່າງວັນທີ 13-17 ມີນາ 2019.
ຮູບໂດຍ: ທີມງານLao Postcard
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
