 |
| ຕາດເຜີ້ງ, ເມືອງປາກຊ່ອງ, ແຂວງຈຳປາສັກ |
ຕາດເຜີ້ງ ເວົ້າໄດ້ວ່າ ເປັນອີກຕາດທີ່ງົດງາມ ຂອງບັນດາຕາດຕ່າງໆ ໃນເຂດຕາດຕາຢຶກເສືອ, ເມືອງປາກຊ່ອງແຂວງຈຳປາສັກ. ເປັນຕາດທຳອິດ ທີ່ທ່ານຈະໄປເຖິງ ໂດຍການຍ່າງປະມານ 20 ກວ່ານາທີ່ ຈາກຈຸດ ຂອງຣີສອດ ຕາຢຶກເສືອ. ເສັ້ນທາງໄປຫາຕາດ ກໍ່ຖືວ່າທ້າທາຍສົມຄວນ, ມີຄວາມຄ້ອຍຊັນ ດັ່ງນັ້ນ ຕ້ອງລະວັງໃຫ້ດີທີ່ສຸດ. ພວກເຮົາສາມາດທີ່ຈະລົງໄປຮອດດ້ານລຸ່ມຂອງຕາດ ແລະ ຊົມຄວາມງົດງາມ. ລະອອງນ້ຳທີ່ ຟົ້ງມາຕາມກະແສລົມ ຈະເຮັດໃຫ້ທ່ານຮູ້ສຶກສົດຊື່ນ ແລະ ປຽກໂດຍບໍ່ຕ້ອງລົງອາບນ້ຳ. ດ້ານເທີງຂອງຂອງຕາດ ຈະພົບເຫດຮ່ອງຮອຍ ຂອງຫີນ ທີ່ຄ້າຍຄືກັບຮັງເຜີ້ງ, ນັ້ນແມ່ນຮ່ອງຮອຍຮັງເຜີ້ງ ທີ່ເຮັດມາຫຼາຍພັນປີ. ທີ່ມີຄວາມງົດງາມ ແລະ ເປັນເອກະລັກ. ເນື່ອງຈາກ ມີເຜີ້ງມາເຮັດຮັ່ງໃສ່ທີ່ນີ້, ຕາດດັ່ງກ່າວຈິ່ງຖືກຂະໜານນາມວ່າ ຕາດເຜີ້ງ ແລະ ບາງເທື່ອກໍ່ເອີ້ນວ່າ ຕາດນ້ອງ ເພາະວ່າດ້ານເທີງຂອງຕາດ ເຜີ້ງນີ້ຈະມີອີກຕາດໜື່ງ ຊື່ວ່າຕາດອ້າຍ.
ຊົມຄວາມງົດງາມຂອງຕາດເຜີງຈາກຄລີບດ້ານລຸ່ມໄດ້ເລີຍ.
