ຊື່ເຕັມ ແລະຄວາມຫມາຍ ຂອງ ເມືອງວຽງຈັນ

ຊື່ເຕັມ ແລະຄວາມຫມາຍ ຂອງ ເມືອງວຽງຈັນ

ວຽງຈັນທະບູຣີ ສຣີສັຕະນະຄະນະຫຸດ ອຸຕະມະຣາຊທານີ ສຣີສຸທັມມະວິສຸທພິເສຄ ນະຄະເຣາຊພູມິນທຣ໌ ສີ້ລນະສຣີຊະດາ ສຸວັນນະເກສປານະຄະເຣຊ ມະເຫສາວັຄພຣະນະຄອນ

ນາມສະຖາປະນາ ພຣະຣາຊທານໂດຍອົງສົມເດັຈ ພຣະເຈົ້າໄຊຍະເສດຖາທິຣາຊ ສຣີສັຕະນະຄະນະຫຸຕ ເມື່ອຄັ້ງຍົກຍ້າຍເມືອງເອກຈາກນະຄອນຊຽງທອງມາສູ່ ເມືອງວຽງຈັນທນ໌ ເມື່ອປີ ຄໍສໍ 1560

ເຊິ່ງແຕ່ລະຄຳ ມີຄວາມຫມາຍດັ່ງນີ້ :

- ວຽງ ເປັນຄຳລາວເດີມ : ເມືອງທີມີກຳແພງອ້ອມຮອບໄວ້.

- ຈັນທະບູຣີ : ຈັນທະນະ ( ໄມ້ຈັນຫອມ ) + ບູຣີ ( ເມືອງຫລືນະຄອ ນ) : ເມືອງແຫ່ງໄມ້ຈວງໄມ້ຈັນ ທັງເປັນພຣະນາມທີ່ມາຈາກເຈົ້າພຣະຍາຈັນທະບູຣີ ປຣະສິທທິສັກດີ໌ ( ບູຣີຈັນທນ໌ ຫລືປູ່ຈັນທນ໌ ຜູ້ເປັນເຈົ້າຄອງເມືອງຜູ້ທຳອິດນຳອີກ ).

- ສຣິສັຕນະຄະນະຫຸຕ : ສຣີ (ມິ່ງ, ແຫ່ ງ) + ສະຕະ ( ຮ້ອຍ ) + ນາຄ ( ຊ້າງໃຫຍ່ ຫລື ນາຄ ) + ນະຫຸຕະ ( ໜື່ນ ຫລື ສິບພັນ ) ຣວມຄວາມເປັນ ຮ້ອຍໜື່ນຊ້າງ ຫລື ລ້ານຊ້າງ : ລ້ານຊ້າງຮົ່ມຂາວ .

- ອຸຕະມະຣາຊະທານີ : ອຸຕະມະ ( ອຸດົມ ,ສົມບູນ ,ມັ່ງມີ ) + ຣາຊ ( ເຈົ້າແຜ່ນດິນ ) + ທານີ ( ເມືອງ ຫລືນະຄອນ ) : ນະຄອນເຈົ້ານັ່ງເກົ່າທີ່ອຸດົມສົມບູນ.

- ສຣີສຸທທັມມະວິສຸທພິເສຄ : ສຣີ + ສຸທັມ ( ເປັນທັມ, ໝັ້ນທ່ຽ ງ) + ວິສຸທທິ ( ຜ່ອງໃສ ,ບໍ່ເປັນຮອຍ) + ອະພິເສຄ ( ສ້າງຕັ້ງຂຶ້ນ , ອຸບັດຂຶ້ນ ) ສ້າງຕັ້ງຂຶ້ນໂດຍຊອບທັມ.

- ນະຄະເຣຊພູມິນທຣ໌ : ນະຄະເຣຊ ( ເມືອງ ຫລືນະຄອນ ) + ພູມີ ( ບ່ອນ, ທີ່, ສະຖານ ) + ອິນທຣາ ( ພຣະອິນທຣ໌ ) : ເມືອງຟ້າ ເມືອງພຣະອິນທຣາຮັກສາ.

- ສິລະນສຣີຊະດາ ສຸວັນນະເກສປານະຄະເຣຊ : ສີລ ( ຕັ້ງຢູ່ໃນຄວາມດີງາມ, ສີລ ໃນພຸທທະສາສະໜາ ) + ສຣີຊະດາ ( ຍົກໄວ້ທີສູງ ) + ສຸວັນ ( ຄຳ ,ຮຸ່ງເຮືອງ ) + ເກສ ( ຫົວ ,ຍອດ ) + ນະຄະຣາຊ ( ເມືອງຫລືນະຄອນ ) : ເມືອງສູນກາງພຸທທະສາສະໜາ ( ຮັກສາສິລ ).

- ມະເຫສາວັຄພຣະນະຄອນ : ມະຫາ ( ໃຫຍ່ , ຫລວງ ) + ສາວັຄ ( ຜູ້ຮັກສາ , ສາວົກ) ໃນນີ້ ມະຫາ + ສາວັຄ : ມະເຫສາວັຄ ຫລື ມະເຫສັກ ( ຜູ້ຮັກສາ, ເຈົ້າຖິ່ນເຈົ້າຖານ, ຜີເມືອງ ) + ພຣະນະຄອນ ( ເມືອງເອກ ) : ນະຄອນຫລວງອັນມີເຈົ້າຮັກສາ ( ຍາແມ່ສຼີເມືອງ ).

ຫວັງເປັນຢ່າງຍິ່ງວ່າ ຂໍ້ມູນນີ້ຈະເປັນປະໂຫຍດ ບໍ່ຫລາຍກໍ່ນ້ອຍໃຫ້ແກ່ບັນດາຜູ້ທີ່ສົນໃຈ ຫລືຍັງທີ່ບໍ່ຮູ້ຈັກຄວາມຫມາຍແລະຊື່ເຕັມຂອງເມືອງວຽງຈັນ
ຖ້າມີຂໍ້ຄວາມໃດ ບໍ່ຖືກບໍ່ຕ້ອງ ຂໍໃຫ້ແນະຄຳກັນຕື່ມເພື່ອເສີມແຕ່ງໃຫ້ຖືກຕ້ອງທີ່ສຸດ

ຂອບໃຈກັບຂໍ້ມູນຈາກ ນ້ອງຕະຄ່າຍຊັບ ທະວີໄຊ , ຂໍຂອບໃຈກັບບັນດາຮູບພາບທີ່ປະກອບ ແຕ່ບໍ່ຮູ້ແຫລ່ງທີ່ມາ

ພາບຖ່າຍທາງອາກາດຂອງເມືອງວຽງຈັນ ເມື່ອປີ 1921

ພິທີຈູດບັ້ງໄຟ ທີ່ຫາດດອນຈັນ ເມືອຍຸກປະມານປີ 1968s

ຮູບແຕ້ມຂອງນັກສຳຫລວດຕາເວັນຕົກທີ່ເຂົ້າມາດິນແດນລາວລ້ານຊ້າງໃນເມື່ອກ່ອນ