ປາກແບງເປັນເມືອງນ້ອຍໆ ແຕ່ໜ້າຢູ່ ຕົວເມືອງຢູ່ໂນນພູ ຈຸດທີ່ແມ່ນ້ຳຂອງ ແລະ ແມ່ນ້ຳແບ່ງ ໄຫລມາບັນຈົບກັນ ເປັນສູນກາງຂອງການແລ່ນເຮືອ ທີ່ສຳຄັນຂອງແມ່ນ້ຳຂອງ ຢູ່ລະຫວ່າງເສັ້ນທາງແລ່ນເຮືອຂອງຫລວງພະບາງ-ຫ້ວຍຊາຍ ແຂວງບໍ່ແກ້ວ. ຊາວບ້ານສ່ວນໃຫຍ່ ຈະອາໄສຢູ່ເທິງໂນນພູ ດຳລົງຊີວິດທີ່ລຽບງ່າຍ ຈະມີໂຮງແຮມ, ຮ້ານຄ້າ, ຮ້ານອາຫານ ຢ່າງຫລວງຫລາຍໄວ້ຄອຍຖ້າ ບໍລິການນັກທ່ອງທ່ຽວ ແລະ ບໍລິການເຮືອໄປຍັງຫລວງພະບາງ
ປັດຈຸບັນປາກແບງ ນັບເປັນເມືອງທ່ອງທ່ຽວໃໝ່ ຂອງລາວ ທີ່ໄດ້ຮັບຄວາມສົນໃຈຈາກນັກທ່ອງທ່ຽວ ເພາະການເດິນທາງໄປຕາມສາຍນ້ຳຂອງສາມາດເດິນທາງໄດ້ຕະຫລອດປີ ຕັ້ງແຕ່ໃນຊ່ວງລະດູຝົນ ເຖິງກາງລະດູໜາວ ລະດັບນ້ຳຂ້ອນຂ້າງສູງ ສອງຟາກຝັ່ງຈະຂຽວຂະຈີ ໄປດ້ວຍຕົ້ນໄມ້ນ້ອຍໃຫຍ່ ຖ້າມາຊ່ວງທ້າຍລະດູໜາວ ອາກາດຈະເຢັນສະບາຍ ນ້ຳເລີ່ມຫລຸດລະດັບລົງ ຈະເຮັດໃຫ້ເຫັນເກາະແກ່ງຫລວງຫລາຍໃຊ້ເວລາເດິນທາງດົນກວ່າ ແຕ່ຈະໄດ້ເຫັນຫາດຊາຍຂອງສອງຟາກຝັ່ງທີ່ສວຍງາມດ້ວຍ.
ຂົວຂ້າມນໍ້າຂອງປາກແບງ ເຊື່ອມຕໍ່ເມືອງເງິນ ແຂວງໄຊຍະບູລີ ເຮັດໃຫ້ດິນແດນປາກແບງເປີດສູ່ພາຍນອກຫຼາຍຂຶ້ນ. ການເດີນທາງມາປາກແບ່ງຈາກນະຄອນຫຼວງວຽງຈັນກໍງ່າຍ ແລະ ສັ້ນເຂົ້າດ້ວຍການເດີນທາງມາຕາມເສັ້ນທາງເລກ11 ນະຄອນຫຼວງວຽງວຽງຈັນ-ປາກລາຍ ຕໍ່ດ້ວຍປາກລາຍ-ໄຊຍິບູລີ.
ເມື່ອມາຮອດໄຊຍິບູລີ ກໍເດີນທາງຕໍ່ໄປຫົງສາ ແລ້ວ ກໍມຸງຫນ້າສູ່ເມືອງເງິນ ປາກແບງ ອອກສູ່ແຂວງອຸດົມໄຊ.
ບໍລິເວນປາກແບງ ຈະເປັນສູນກາງຂອງການທ່ອງທ່ຽວໃນແຂວງອຸດົມໄຊ ເພາະເປັນຈຸດເຄິ່ງກາງຂອງການແລ່ນເຮືອ ຈາກຫ້ວຍຊາຍ ແຂວງບໍ່ແກ້ວ ມາເຖິງ ເມືອງຫລວງພະບາງ ທີ່ພັກສ່ວນໃຫຍ່ ຈະຢູ່ບໍລິເວນທ່າເຮືອ ຈະເປັນບ້ານພັກນ້ອຍໆ ຢູ່ແບບລຽບງ່າຍ ລາຄາຍ່ອມເຍົາ ແຕ່ຖ້າຕ້ອງການຄວາມສະດວກສະບາຍຂຶ້ນກໍຕ້ອງໃຊ້ບໍລິການຂອງຫລວງໄຊລອດ ພາຍໃນຫ້ອງຈະຕົບແຕ່ງດ້ວຍໄມ້ທັງຫລັງ ມີບານປ່ອງຢ້ຽມ ທີ່ອອກແບບມາໃຫ້ເປີດຮັບລົມທຳມະຊາດໄດ້ ສາມາດຊົມທິວທັດຂອງລຳນ້ຳຂອງໄດ້ ມີອາຫານໃຫ້ບໍລິການທັງອາຫານເຊົ້າ ແລະ ອາຫານຄ່ຳ ມີການສະແດງຂອງຊົນເຜົ່າຕ່າງໆ.
ນີ້ຄືທ່າເຮືອທີ່ນັກທ່ອງທ່ຽວມາຈາກຫຼວງພະບາງ ຫລື ຫ້ວຍຊາຍຕ້ອງມາຈອດພັກແລະຄ້າງຄືນຢູ່ທີ່ນີ້ກ່ອນເດີນທາງຕໍ່ໄປ
ຢູ່ທ່າເຮືອນອກຈາກເປັນຈຸດຂົນສົ່ງນັກທ່ອງທ່ຽວແລ້ວ ຍັງມີການຂົນສົ່ງສິນຄ້າ ແລະ ບໍລິການຕ່າງໆ
ພາບມຸມສູງຈາກປາກແບງ ລົງໄປຫຼວງພະບາງ
---------------------
ປະເທດລາວ: ຄວາມງາມທີ່ສຳພັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
