ເຂດບ້ານຫ້ອມ ຖິ່ນເພຍ ສີຖານໃຕ້ ທ່າແຂກ... ເມືອງຫາດຊາຍຟອງ ນະຄອນຫລວງວຽງຈັນ ປະຊາຊົນຖິ່ນນີ້ ມີມູນເຊື້ອໃນການປູກຝັ່ງມາແຕ່ດຶກດຳບັນ ຈົນມີຄຳລ່ຳລືກັນວ່າ ຜູ້ໃດຢາກເປັນເຂີຍຂອງຄົນແຖບນີ້ຕ້ອງເປັນຄົນດຸຫມັ່ນ ປູກຝັ່ງເກັ່ງ ແລະທີ່ສຳຄັນ ຄ່າດອງແພງ ອີກນຳ ກໍ່ເນື່ອງມາຈາກຜູ້ຄົນຖິ່ນນີ້ເປັນຄົນດຸຫມັ່ນໃນການປູກຝັງ ເປັນສ່ວນໃຫຍ່ ຜູ້ໃດຢາກເປັນເຂີຍຂອງຄົນແຖວນີ້ຮີບມາຂໍໄວໆໆໆ ເພາະຖ້າເສັ້ນທາງແຕ່ 3 ແຍກຈີ່ນາຍໂມ ໄປຫາ ທາງອອກບ້ານສີຖານໃຕ້ ອອກເສັ້ນທາງທ່າເດື່ອ(ສະຖານີດາວທຽມ) ສຳເລັດແລ້ວ ຄ່າດອງຄົງຈະຂຶ້ນອີກຕື່ມເນາະ ?
ດິນແດນຂົງເຂດນີ້ເປັນດິນດຳນ້ຳຊຸ່ມ ເປັນຊຸມຊົນບູຮານ ເມື່ອກ່ອນແຖວນີ້ເອິ້ນວ່າ ເມືອງຊາຍຟອງ-ໜອງຄຳແສນ ເປັນດິນແດນກຳເນີດຂອງເລື່ອງລາວພຣະຍານາກຕ່າງໆ ເຊັ່ນ ພຣະຍາສຼີສັດຕະນາກ ກໍ່ກຳເນີດຈາກໜອງຄຳແສນ ນີ້ເອງ
ພຶດຜັກນາງໆພັນ ທີ່ຄົນສ່ວນໃຫຍ່ ບໍລິໂພກ ທີ່ນະຄອນຫລວງວຽງຈັນ ແລະເຂດແຂວງໃກ້ຄຽງ ກໍ່ແມ່ນມີການປູກຈາກປະຊາຊົນແຖບນີ້ ເຊັ່ນດັ່ງທີ່ເຫັນໃນຮູບພາບນີ້ກໍ່ແມ່ນ ການເກັບຜັກຫອມລາບ ເພື່ອສົ່ງໃຫ້ພໍ່ຄ້າ ແມ່ຄ້າ ທີ່ມາຮັບທີ່ສ່ວນແຫ່ງນີ້ເລີຍເພິ່ນຂາຍແມ່ນ ໝື່ນລະ 100,000 ກີບ (12 ກິໂລ/ລາຄາ 100,000 ກີບ)
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອະນຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
