ແຕ່ຕືນມາທ້ອງຟ້າກໍບໍ່ເປັນໃຈ ເລີຍຖ່າຍບຮູບດອກໄມ້ ຕາມສວນໃນຫົງສາຣີສອດ .
ຄືນຜ່ານມາ ພວກເຮົາໄດ້ຮັບການເອື້ອເຟື້ອສະຖານທີ່ ຈາກຫົງສາຣີສອດ ເຊິ່ງເປັນສະຖານທີ່ພັກ ທີ່ຈັດວ່າດີທີ່ສຸດໃນເມືອງຫົງສາກໍວ່າໄດ້ ນັບແຕ່ການອອກແບບ ແລະສະຖານທີ່ກວ້າງ ຕັ້ງຢູ່ຕາມເປີ້ນພູ
ທີມງານທັງ 5 ແອັກທ່າກ່ອນທີ່ຈະຮັບປະທານອາຫານເຊົ້າທີທາງຫົງສາຣີສອດກຽມໄວ້ໃຫ້ ເພື່ອເອົາແຮງກຽມເດີນທາງໄກໃນມື້ທີ 2 ຂອງທິມງານ ສອງລໍ້ວິຖີລາວ
ຫຼັງຈາກກິນເຂົ້າອີ່ມຮຽບຮ້ອງແລ້ວ ພວກເຮົາກໍເລີ່ມອອກເດີິນທາງຕອນປະມານ8:00ໂມງ ໂດຍມີປາຍທາງອັນແສນໄກທີ ເມືອງຫ້ວຍຊາຍ ແຂວງບໍ່ແກ້ວ ເບື້ອງຕົ້ນວ່າຈະອອກໄປທາງເມືອງຊຽງຮອນ ແຕ່ສຸດທ້າຍຕັດສິນໃຈຜ່ານປາກແບງອອກເມືອງຜາອຸດົມ ຜ່ານເມືອງປາກທາ ຈັງເຂົ້າຫ້ວຍຊາຍ ເພາະຫຼາຍຄົນຢາກຜ່ານ ປາກແບງ.
ລົດຈັກ 5 ຄັນແລ່ນຊ່້າໆ ຜ່ານຕົວເມຶອງຫົງສາຫນ້ອຍຫນຶ່ງກໍຮອດທົ່ງນາອັນຂຽວງາມ ໂດຍມີ ໂຮງໄຟຟ້າຫົງສາເປັນເບື້ອງຫຼັງ ຖືເປັນມູມມະຫາຊົນກໍວ່າໄດ້ທີ່ເຮັດໃຫ້ເຫັນການພັດທະນາແລະ ອະນຸລັກ ບໍ່ຮູ້ວ່າມູມນີ້ໃນອະນາຄົດ ຈະມີການປ່ຽນແປງຫຼາຍຫນ້ອຍປານໃດ.
ສ່ວນດ້ານຊ້າຍມື ກໍມີທົ່ງນາ ແລະ ຖຽງນານ້ອຍໃຫຍ່ ຢັງຢາງເປັນລັນໆ ໂດຍມີສາຍພູເປັນເບື້ອງຫລັງ
ໄປອີກບໍ່ໄກ ກໍຈະເປັນມູມສູງທີ່ຖາຍເຫັນທົ່ງນາເມືອງຫົງສາທີ່ພວມຂຽວກະຈີ່ຢູ່ດ້ານລຸມ ໃນຕົ້ນລະດູນາປີ
ຈາກຈຸດນີ້ທີມງານພວກເຮົາກໍ່ແລນລົດໄວ່ໆ ຕາມເສັ້ນທາງທີ່ລຽບງາມກວ້າງ ແລະ ໄດ້ມາດຕະຖານ ຈາກຫົງສາສູ່ເມືອງເງິນໄລຍະທາງປະມານ40ກິໂລແມັດ(ບໍ່ຈື່ແລ້ວວ່າທໍ່ໃດແທ້).
ກາຍຕົວເມືອງຫນ້ອຍຫນຶ່ງພວກກໍຍາດເວລາແວ່ ພະທາດໝັດຄຳ ພະທາດທີ່ເກົ່າແກ່ຄູບ້ານຄູ່ເມືອງເງິນມາຫຼາຍຮ້ອຍປີ( ສ່ວນປະຫວັດພະທາເນີ້ ໄດ້ ສະເຫນີ ເປັນບົດສະເພາະແລ້ວ)
ຜ່ານຈາກພະທາດໝັດຄຳ ກໍມີທົ່ງນາ ເຊິ່ງກໍແວ່ຫນ້ອຍຫນຶ່ງ ຈາກນັ້ນກໍແມ່ນການຂຶ້ນພູທີ່ສູງຊັນ ຈາກເມືອງເງິນ ແຂວງໄຊຍະບູລີ ສູ່ປາກແບງ ແຂວງອຸດົມໄຊ ເມືອງ ລັບແລທີ່ລື່ນາມ
ຕາມເສັ້ນທາງເມືອງເງິນ -ປາກແບງ ຫລື ເສັ້ນທາງ 2W ຈະມີສວນປະຊາຊົນ ທີ່ປຸກສາລີເປັນຈຳນວນຫຼວງຫຼາຍ
ແລະແລ້ວພວກເຮົາກໍເດິນທາງມາຮອດປາກແບງ ເມືອງລັບແລທີ່ງຽບສະຫງົບ ແລະ ງົດງາມ ຕັ້ງຢູ່ເທິງພູລຽບນໍ້າຂອງ (ຈາກເມືອງເງິນ-ປາກແບງ ປະມານ 50 ກິໂລແມັດ).
ປາກແບ່ງເປັນຈຸດແວ່ພັກຂອງເຮືອທ່ອງທ່ຽວຈາກຫຼວງພະາງໄປຫ້ວຍຊາຍ ແລະຈາກຫ້ວຍຊາຍໄປຫຼວງພະບາງ. ພາບທີ່ແນມເຫັນໄກໆ ນັ້ນແມ່ນຂົວຂ້າມນໍ້າຂອງເມືອງເງິນ-ປາກແບງ ທີ່ຫາກໍເປີດນຳໃຊ້ເຮັດໃຫ້ປາກແບງເປີດປະຕູສູ່ໂລດພາຍນອກຫຼາຍຂຶ້ນ ໂດຍສະເພາະແມ່ນການຮອງຮັບນັກທ່ອງທ່ຽວຈາກໄທ ທີ່ເດີນທາງເຂົ້າຜ່ານດ່ານເມືອງເງິນ ກໍມີໄລຍະທາງບໍ່ໄກເລີຍ
ທ່າເຮືອປາກແບງ ຈຸດຂຶ້ນລົງຂອງເຮືອໂດຍສານ ແລະ ເຮືອນຂົນສົ່ງສິນຄ້າ
ພາບການຂົນສົ່ງສິນຄ້າ ແລະ ໂດຍສານຢູ່ທ່າເຮືອປາກແບງ
ທິວທັດນໍ້າຂອງເມືອງປາກແບງ ແຂວງອຸດົມໄຊ
ຣິີສອດທີ່ກຳລັງສ້າງຈະສຳເລັດ ເຊິ່ງຈະເປັນແຮງຍູ້ສໍາຄັນຂອງການທ່ອງທ່ຽວຢູ່ປາກແບ່ງ ເພາະທີ່ຜ່ານມາ ການຮອງຮັບນັກທ່ອງທ່ຽວຢູ່ເມືອງລັັບແລແຫ່ງນີ້ ຖືວ່າຍັງບໍ່ພຽງພໍ ແລະ ທີ່ພັກທີ່ໄດ້ມາດຕະຖານກໍຍັງມີຫນ້ອຍ ເຮັດໃຫ້ລາຄາແພງ ເມືອທຽບໃສ່ເມືອງທ່ອງທ່ຽວອື່ນໆ.
ພວກເຮົາມາຮອດປາກແບງປະມານ 12 ໂມງ ເລາະຖ່າຍຮູບເລັກຫນ້ອຍ ຈາກນັ້ນກໍແວ່ກິນເຂົ້າເອົາແຮງ ກ່ອນທີ່ຈະເຂົ້າສູ່ເສັ້ນທາງພະຈົນໄພ (ປາກແບງ-ຜາອຸດົມ-ປາກທາ- ຫ້ວຍຊາຍ) ຍັງຜ່ານຫຼາຍເມືອງກວ່າຈະຮອດ ຫ້ວຍຊາຍແຂວງບໍ່ແກ້ວ ແຕ່ເວລາກໍຖືວ່າມີຫນ້ອຍ ສ່ວນໄລຍະທາງກໍບໍ່ຮູ້ວ່າແນນອນວ່າຍັງອີກໄກປານໃດ?.
ເອົາເປັນເວລາ ຂໍໂຈະການສຳສະເຫນີການເດີນທາງມື້ທີ່ 2 ເສັ້ນທາງຫົງສາ-ຫ້ວຍຊາຍໄວ້ທີ່ປາກແບງນີ້ກ່ອນ, ວັນສຸກ ຈະມານຳສະເຫນີເສັ້ນທາງປາກແບງ -ຫ້ວຍຊາຍກັນຕື່ມນໍ.
ຊ່ວຍຕິດຕາມ ແລະ ໃຫກ້ກຳລັງໃຈທີມງານພວກເຮົາດ້ວຍ ເພາະນອກຈາກການເດິນທາງເລາະຖ່າຍຮູບເກັບພາບຄວາມງົດງາມຂອງເມືອງລາວແລ້ວ(ທີ່ຜ່ານມາ ຈະເຫັນຮູບເມືອງລາວ ຈາກຊ່າງພາບຕ່າງປະເທດຫຼາຍກວ່າ ນັ້ນເຮັດໃຫ້ທີມງານເຮົາມີແຮງພັກດັນທີ່ຢາກເດີິນທາງທ່ອງທ່ຽວຖ່າຍຮູບເມືອງລາວຫຼາຍໃຫ້ຫຼາຍທີ່ສຸດ) ທີ່ສຳຄັນການເດີນທາງແຕ່ລະຄັ້ງພວກເຮົາຍັງໄດ້ນຳເອົາເຄູືອງຂອງ(ປຶ້ມ, ອຸປະກອນກີລາ, ເຂົ້າໜົມ ໄປຈຳນວນຫນຶ່ງ ເທົ່າທີ່ເອົາໄປໄດ້ ແລະມີເງິນຊື້ ໄປແຈກໃຫ້ບ້ານທີ່ເດີນທາງຜ່ານ)
ແຕ່ໃນອະນາຄົດຫາກມີຜູ້ອຸປະຖໍາສະຫນັບສະຫນູນ ພວກເຮົາກໍພ້ອມທີ່ຈະເດີນທາງຫລາຍຂຶ້ນ ແລະໃນຫຫຼາຍເຂດແຂວງຂອງປະເທດເພື່ອນຳເອົາສິງດີໆໄປມອບໃຫ້ແກ່ຊາວບ້ານທີ່ພວກເຮົາເດີນຜ່ານ.
(ຂໍຂອບໃຈທີ່ຕິດຕາມອ່ານ ຈົນຈົບ ພົບກັນໃຫມ່ ໃນຕອນຕໍ່ໄປວັນສຸກນີ້)
---------------------
ປະເທດລາວ: ຄວາມງາມທີ່ສຳພັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
