ສຳພັດຄວາມງົດງາມຂອງ ທຳມະຊາດ ຫີນຫງອກ ຫີນຍ້ອຍ ແຫ່ງ ຖ້ຳກອງລໍ ເມືອງ ຄູນຄຳ ແຂວງ ຄຳມ່ວນ

ສະບາຍດີ ຊາວແຟນເພຈ໌ ຮູບພາບເມືອງລາວ, ມື້ນີ້ແອັດເອົາຮູບມາຝາກອີກຄັ້ງ ກັບ ທຳມະຊາດ ທີ່ ຖ້ຳກອງລໍ ເມືອງ ຄູນຄຳ ແຂວງ ຄຳມ່ວນ ທີ່ ຄິດວ່າທ່ານໃດ ທີ່ເຄິຍໄປແລ້ວ ກໍຈະຕິດອົກຕິດໃຈກັບທຳມະຊາດ ອັນແສນທີ່ຈະຊວນຫລົງໄຫລ ແລະ ແອັດມິນເອງ ກໍ່ຄິດວ່າ ຫລາຍທ່ານບໍ່ເຄີຍໄປ ກໍຢາກຈະໄປສຳພັດທ່ຽວຊົມຈັກຄັ້ງໜື່ງໃນຊິວິດ. ສະນັ້ນ ແອັດຂໍເອົາຮູບງາມໆ ມາຝາກກ່ອນພ້ອມກັບ ຂໍ້ມູນ ທີ່ຈະໄປ.

ກ່ອນທີ່ເຮົາຈະໄປທ່ຽວຖ້ຳກອງລໍນັ້ນ ເຮົາຕ້ອງມາຮູ້ກ່ອນວ່າ ເສັ້ນທາງທີ່ເຮົາຈະໄປ ແລະ ວິທີການໄປໄດ້ແນວໃດແນ່ 

1. ແມ່ນເຮົາສາມາດທີ່ຈະເອົາລົດສ່ວນຕົວໄປ ກໍໄດ້ເພາະຫົນທາງກໍໄປມາສະດວກ

2. ທ່ານສາມາດທີ່ຈະຂີ່ລົດເມ ໄປ ກອງລໍໄດ້ ໂດຍມີ 2 ຖ້ຽວຕໍ່ວັນ ວຽງຈະ - ກອງລໍ 

ລາຄາປີ້ລົດ : 70,000 - 80,000 ກີບ ລົດເມ ເດີ້ ເວລາອອກ : 7 ໂມງເຊົ້າ ແລະ 8: 40 ຕອນເຊົ້າ ສອງຖ້ຽວ 

ສ່ວນຫລາຍປາຊາຊົນ ຊາວ ບ້ານ ກອງລໍ ແມ່ນເປັນຊາວກະສິກອນ ປູກໄຮ່ ໃສ່ນາ ຢາມແລ້ງ ປຸກຜັກ ປູກຕົ້ນຢາສູບ ສົ່ງຂາຍ 

ອາຊີບເສີມສຳລັບ ແມ່ນຍິງ ແລະ ທຸກໆເຮືອນຈະມີການທໍ່ຜ້າຕຳຫູກ ເກືອບໝົດທຸກຄອບຄົວ 

ກ່ອນທີ່ຈະເຂົ້າໄປຕອ້ງໄດ້ຊື້ປີ້ຜ່ານປະຕູກ່ອນເດີ້ ຄົນລາວ 2000 ກີບ ຕ່າງປະເທດ 5000 ກີບ

ງາມຫລາຍ ທຳມະຊາດ ຕົ້ນໄມ້ຮົ່ມເຢັນ ງາມຕາ

ກ່ອນທີ່ເຮົາຈະເຂົ້າໄປ ຕ້ອງໄດ້ຊື້ປີ້ເຮືອ ເພື່ອຂີ່ເຂົ້າໃນກ່ອງຖ້ຳ ເພື່ອຊົມ 

ລາຄາເຮືອ:
1 ຄົນ / ເຮືອ = 150,000
2 ຄົນ / ເຮືອ  = 120,000
3 ຄົນ / ເຮືອ = 115,000 ໝາຍເຫດ: ລາຄານີ້ ແມ່ນລວມທັງເສື້ອຊູຊີບ ແລະ ໂຄ້ມເຍື່ອງທາງ

ງາມຫລາຍ 

ທຳມະຊາດ ເມືອງລາວ 

ສຸດທ້າຍ ໄລຍະເວລາ ໃນການຂີ່ເຮືອ ໃຊ້ເວລາ ປະມານ 1 ຊົ່ວໂມງ ຄວາມຍາວຂອງ ຖ້ຳ 3ກີໂລປາຍ

ຈອດເຮືອໄວ້ ແລ້ວ ຂື້ນໄປກິນນ້ຳ ມີຮ້ານອາຫານ ແລະ ເຄື່ອງດີ່ມໄວ້ໃຫ້ທ່ານຫາຍເມື່ອຍ ກ່ອນກັບ ອີກດ້ວຍ

---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com