 |
| ຕະຫຼາດຍາມເຊົ້າທີ່ເມືອງໃຫມ່ ແຂວງຜົ້ງສາລິ |
ໃນກາງເດືອນຜ່ານມາ ທີມງານ 2 ລໍ້ວິຖີຊີວີດລາວ ໄດ້ລວມຕົວກັນອີກຄັ້ງນີ້ ພ້ອມປະກາດຫາສະມາຊິກເພີ່ມສຳລັບການເດີນທາງຈາກນະຄອນຫຼວງວຽງຈັນ ສູ່ ເມືອງຊາປາ ພາກເຫນືອຂອງຫວຽດ ນາມ. ໂດຍລວມກໍມີຫຼາຍຄົນສົນໃຈຖາມເຂົ້າມາ ແຕ່ກໍຫນ້ອຍຄົນທີ່ກ້າຈະໄປກັບພວກເຮົາ ເພາະບໍ່ສາມາດໃຫ້ຄຳຕອບໄດ້ວ່າຈະເອົາລົດຈັກຂ້າມດ່ານໄປຫວຽດນາມໄດ້ບ ຢ່າງເຕັມປາກເຕັມຄໍາ ຈິ່ງເຮັດໃຫ້ສະມາຊິກທີ່ຈະໄປບໍ່ຫຼາຍ ໂດຍມີພຽງ6 ຄົນ(ສະມາຊິກເກົ່າໃນປີຜ່ານມາ 4 ຄົນ ແລະ ໃຫມ່ອີກ 2 ຄົນ).
 |
| ຊາວຊົນເຜົ່າມາຂາຍເຮັດປວກທີ່ປາກນໍ້ານ້ອຍ ແຂວງຜົ້ງສາລີ |
ການເດີນທາງຂອງ ພວກເຮົາອອກ ຈາກນະຄອນຫຼວງວຽງຈັນ ຜ່ານວັງວຽງ, ຫຼວງພະບາງ, ອຸດົມໄຊ, ຜົ້ງສາລີ ແລ້ວອອກສູ່ດິນແດນຫວຽດນາມທີ່ດຽນບ້ຽນຟູ້ ຜ່ານແຂວງລາຍເຈົາ ເຂົ້າສູ່ແຂວງລາວກາຍ, ດ້ຽນບາຍ, ຟູເທາະ, ຕ່ຽນກວາງ, ໄທຫງຽນ, ຮາໂນ້ຍ, ຫົວບິງ ເຊິນລາ.
 |
| ຢູ່ແຂວງດຽນບ້ຽນຟູ້ ຫວຽດນາມ ຍັງໃຊ້ຄວາຍໄຖນາ |
ແລ້ວເຂົ້າສູ່ແຜນດິນລາວ ທີ່ດ່ານປ່າຮ່າງ ແຂວງຫົວພັນ, ຜ່ານຊຽງຂວາງ ແລະ ບໍລິຄໍາໄຊ ແລ້ວກັບສູ່ນະຄອນຫຼວງວຽງຈັນ ໃຊ້ເວລາ 12 ມື້11ຄືນ ລວມໄລຍະທາງກວ່າ3.000 ກິໂລແມັດ ດ້ວຍລົດຈັກ( ຂໍສະຫງວນຍີ່ຫໍ້ລົດເນາະ). ເປົ້າໝາຍການເດີນທາງຄັ້ງນີ້ ແມ່ນ ຊາປາ ມູກັງຈາຍ, ບັກເຊິນແລະ ຮາໂນ້ຍ.
 |
| ທົ່ງນາຕາມເສັ້ນທາງກ່ອນຈະເຖິງເມືອງປາຊາ ຫວຽດນາມ |
ເບື້ອງຕົ້ນທີມທີ່ຈະໄປ ມີ 6 ຄົນ ແຕ່ມີເຫດອ້າຍນ້ອງອີກສອງຄົນ ຕິດພາລະກິດກະທັນຫັນ ເລີຍເຫຼືອຢູ່ 4 ຄົນໃນການໄປອອກທິບ ໃນມື້ສຸດທ້າຍ. ເຊິ່ງພວກເຮົາອອກເດີນທາງໃນວັນທີ 16 ມິຖຸນາ ແລະ ກັບມາຮອດນະຄອນຫຼວງວຽງຈັນໃນວັນທີ 27 ມິຖຸນາ.
 |
| ຄວາມງົດງາມນາຂັ້ນໄດ ຢູ່ເມືອງຊາປາ ຫວຽດນາມ |
ຈຸດເດັ່ນຂອງການເດີນທາງດ້ວຍລົດຈັກຄັ້ງນີ້ ແມ່ນການເຫັນໄດ້ເຖິງທຳມະຊາດ, ວິຖີຊີວິດ ແລະ ວັດທະນະທຳຂອງສອງປະເທດ ໂດຍສະເພາະວິຖິຊີວິດທີ່ຍັງຄົງຄວາມເປັນເອກະລັກໃນຫວຽດນາມຕອນເຫນືອ ເຊິ່ງພາບທີ່ເຫັນກໍຄືບັນດາແມ່ຍິງ ຈະຍັງນຸ່ງຊຸດເຊົາເຜົ່າ ເຊິ່ງເປັນມົນສະເຫນທີ່ຫນ້າຫລົງໄຫລແລະປະທັບໃຈສຳລັບການເດີນທາງຄັ້ງນີ້.
 |
| ວິຖິຊີວິດຂອງຊາວຊົນເຜົ່າຢູ່ເມືອງຊາປາ |
ນອກນັ້ນຄວາມງົດງາມຂອງນາຂັ້ນໄດ ທັງຢູ່ຊາປາ ແລະ ມູກັງຈາຍ ກໍເປັນພາບທີ່ງົດງາມແລະຫນ້າຊື່ນຊົມຊວນນາຫວຽດນາມທີ່ສາມາດພິກປິ້ນຄວາມຫຍຸ້ງຍາກຂອງທໍາມະຊາດ ຈົນສາມາດປູກເຂົ້າຕາມສັນພູນ້ອຍໃຫຍ່ ແລະ ປັດຈຸບັນກາຍເປັນແຫລງທ່ອງທ່ຽວທີ່ໄດ້ຮັບຄວາມນິຍົມ ທີ່ດຶງດູດຄົນຈາກທົ່ວສາລະທິດເຂົ້າມາທ່ອງທ່ຽວໃນເຂດນີ້.
 |
| ຊາວຊົນເຜົ່າຢູ່ເມືອງຊາປາພວມໄຖນາ ປູກເຂົ້າ |
ສ່ວນການຂີ່ລົດຈັກໄປຫວຽດນາມ ຄຳຕອບຄືສາມາດເອົາເຂົ້າໄປໄດ້ ໂດຍຈ່າຍຄ່າທຳນຽມພຽງ30ພັນດົງ ປະມານ12ພັນກີບ ກີບ ແຕ່ເອກະສານລົດຕ້ອງຄົບຖ້ວນນໍ. ການຂັບຂີ່ຢູ່ຫວຽດນາມ ກໍຕ້ອງເພີ່ມສະຕິ ແລະ ມີຄວາມລະມັດລະວັງ ຫລີກລຽງການເກີດອຸບັດເຫດໄວ້ເປັນອັນດີທີ່ສຸດ.
 |
| ທົ່ງນາຢູ່ມຸກັງຈາຍ ຫວຽດນາມ |
ຄ່າໃຊ້ຈ່າຍໃນການເດີນທາງຄັ້ງນິ້ ກໍຖືວ່າບໍ່ຫລາຍທຽບໃສ່ຄວາມຄິດກ່ອນເດີນທາງ ເຊິ່ງຜູ້ຂຽນໝົດປະມານ 2 ລ້ານກີບຕົ້ນໆ ສ່ວນທີມງານທ່ານອື່ນກໍປະມານ 3 ລ້ານກີບ. ຄ່າໃຊ້ຈ່າຍຫຼັກໆ ກໍແມ່ນ ນໍ້າມັນລົດ, ທີ່ພັກ, ແລະ ອາຫານການກິນ. ນອກນັ້ນກໍແມ່ນການກວດເຊັກລົດ.
 |
| ຊາວນາຢູ່ມຸກັງຈາຍ ຫວຽດນາມ |
ຂໍ້ແນະນໍາໃນການເດີນທາງ
+ກວກກາສະພາບ ແລະ ເຕັກນິກລົດໃຫ້ລະອຽດ
+ກະກຽມອຸປະກອນແປງລົດ ແລະ ອາໄຫລ່ທີ່ຈຳເປັນ ໂດຍສະແມ່ນຢາງໃນ
 |
| ທົ່ງນາຕາມເສັນທາງຈາກມູກັງຈາຍສູ່ໄທຫງວຽນ |
+ກະກຽມຮ່າງກາຍໃຫ້ພ້ອມ
+ກະກຽມເຄື່ອງຂອງທີ່ຈໍາເປັນ, ຢາ, ເສື້ອກັນຝົນ, ຖົງຢາງກັນນໍ້າ
+ກະກຽມ ກ້ອງຖ່າຍຮູບເອົາສະເພາະທີ່ຈຳເປັນໃຊ້ ເພື່ອຄວາມສະດວກ
 |
| ທົ່ງນາກຳລັງຂຽວຢູ່ບັກເຊິນ ຫວຽດນາມ |
+ກະກຽມຫນັງສືລົດ, ຟາດສະປອດ
+ອັນສຸດທ້າຍ ກໍແມ່ນເງິນ
 |
| ທີມງານທັງ 4 ຂອງພວກເຮົາຂຶ້ນຖ່າຍຮູບຢູ່ຈຸດຊົມວິວຂອງບັກເຊິນ
ສ່ວນຕະຫຼອດ12ມື້11 ຄືນ ພວກເຮົາພົບພໍ້ຫຍັງແດ່ນັ້ນຈະມາເລົ່າຕື່ມໃນຫົວຂໍ້ຕໍ່ໄປນໍ... ຂໍຂອບໃຈ
|
 |
| ທົ່ງນາຢູ່ບັກເຊິນ |
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
