ມື້ນີ້ພວກເຮົາມາຮຽນຮູ້ບັນດາຮູບພາບຕ່າງໆ ໃນອະດິດ ວ່າແຕ່ລະຮູບ ແຕ່ລະຢ່າງເພິ່ນເອິ້ນຫຍັງແດ່ ໃຊ້ໃນພິທີຫຍັງແດ່ ເຄື່ອງໃນປະເພດນີ້ ເພິ່ນຈະໃຊ້ໃນການແຫ່ ທາງສາສະໜາ ແລະຣາຊພິທີໃນບັນດາຣາຊການໃນລາວເຮົາໃນສະໄຫມເປັນພຣະຣາຊອານາຈັກ ແຕ່ກ່ອນ ເພິ່ນເອິ້ນກັນວ່າ ເຄື່ອງສູງ ປະກອບດ້ວຍ :
- ຮົ່ມ ສີເຫລືອງ = ໄວ້ກັ້ງໃຫ້ພຣະພຸທທະຮູບ ພຣະສົງອົງຄະເຈົ້າ.
- ຮົ່ມ ສີຂາວ = ໄວ້ກັ້ງໃຫ້ເຈົ້າມະຫາຊີວິດ ( ວັງຫລວງ ) ຜູ້ທີ່ຢູ່ໃນຂະບວນນີ້ຈະຕ້ອງຖືສິນ 10 ນຸ່ງຂາວ ຮົ່ມຂາວ .
- ຮົ່ມ ສີຟ້າ = ໄວ້ກັ້ງໃຫ້ເຈົ້າຊີວິດ ( ວັງໜ້າ ).
- ຮົ່ມ ສີມ່ວງ = ໄວ້ກັ້ງໃຫ້ເຈົ້າຊີວິດ ( ວັງກາງ ).
- ຮົ່ມ ສີແດງ = ໄວ້ກັ້ງໃຫ້ເຈົາຊີວິດ ( ວັງຫລັງ). ນອກນັ້ນຍັງມີເຄື່ອງອື່ນໆອີກຄື :
- ບັງແສງ = ຈະບັງແສງແດດ ດ້ານຫລັງ ດ້ານຫນ້າ ບັງວິຊາອາຄົມ ຫລືສິ່ງຕ່າງໆ
- ບັງແສງ = ຈະບັງແສງແດດນ້ອຍ ແສງວິຊາອາຄົມ ບັງສິ່ງບໍ່ດີຕ່າງໆ ທາງດ້ານຂ້າງ.
- ບັງພັດ = ຈະບັງແລະພັດເປົ່າ ສິ່ງທີ່ເປັນອະປະມຸງຄຸນອອກໄປ.
- ບັງແສດ = ມີຄວາມໝາຍເຖິງແສງທີ່ເປັ່ງຣັດສະໝີອັນຮູ່ງເຮືອງ ປັດເປົ່າ ສິ່ງທີ່ມຶດມົວ ໃຫ້ຮູ່ງແຈ້ງ.
( ຮູບຮ່າງລັກສະນະຈຶ່ງເປັນຮູບດາວ ) ນອກນັ້ນຍັງມີ ບັງຈຳມອນ ( ບໍມີຮູບໃຫ້ເບິ່ງ ) ແຕ່ມີລັກສະນະ ຄ້າຍຄືໃບໂພ ແຕ່ບໍ່ປິ່ນປາຍແຫລມຂຶ້ນເທິງ ແຕ່ປິ່ນປາຍແຫລມໄປດ້ານຂ້າງໆ ພິທີເຄື່ອງສູງນີ້ຍັງມີຫລາຍໆສິ່ງປະກອບຢູ່ນຳຫລາຍຢ່າງ ແຕ່ທີ່ໃຫຍ່ໆ ກໍ່ປະກອບມີ ຮົ່ມ 2 ກອງ 4 ( ກອງ 4 ໜ່ວຍ ກອງນັ້ນຄ້າຍຄືກອງຕີແຫ່ພຣະບາງ ນັ້ນແລ )
ຂອບໃຈຂໍມູນທີ່ຫນ້າສຶກສານີ້ຈາກ ອ.ຈ ບັນນະລິດ ແລະ Art and Culture of Laos
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
