ຄໍາມ່ວນ ບໍ່ມີພຽງຖໍ້າ... ນໍ້າຕົກຕາດສະນາມ ກໍງາມລືຊື່

ເມື່ອເອີຍເຖິງການພັກຜ່ອນທ່ອງທ່ຽວຢູ່ແຂວງຄໍາມ່ວນ ທຸກຄົນຕ້ອງຄິດເຖິງເລື່ອງທ່ອງທ່ຽວຖໍ້າ. ແຕ່ຄວາມຈິງແລ້ວດິນແດນພະຍາສີໂຄດ ກໍມີນໍ້າຕົກທີ່ງົດງາມຈໍານວນຫນຶ່ງ ທີ່ເຫມາະສົມແຕ່ການພັກຜ່ອນ ທ່ອງທ່ຽວ ກິນເຂົ້າປ່າເບິ່ງຄວາມງາມທໍາມະຊາດ,  ນັ້ນຄືນໍ້າຕົກຕາມສະນາມ ເຊິ່ງຕັ້ງຢູ່ ເທດສະບານເມືອງ ຄູນຄໍາ.

ໃນໄລຍະທ້າຍລະດູຝົນປີ201 ຜູ້ຂຽນມີໂອກາດເດີນທາງໄປເມືອງຄູນຄໍາ ແຂວງຄໍາມ່ວນ ອີກຄັ້ງຫນຶ່ງ ເຊິ່ງເປັນຄັ້ງທີ 3 ທີ່ເດີນທາງໄປເມືອງທ່ອງທ່ຽວແຫ່ງນີ້ ດ້ວຍວັດຖຸປະສົງພັກຜ່ອນ ເກັບກໍາຂໍ້ມູນແຫລ່ງທ່ອງທ່ຽວ ແລະ ຖ່າຍຮູບຕາມພາສາຄົນສື່ມວນຊົນ ຫລັງຈາກກ່ອນລະດູຝົນ ໄດ້ເດີນທາງໄປສໍາຫລວດ ແລະ ຖ່າຍຮູບຖໍ້າຢູ່ເມືອງແຫ່ງນີ້ມາແລ້ວ.

ຕາດນໍ້າສະນາມ ນອນໃນເຂດປ່າສະຫງວນນໍ້າສະນາມ ບ້ານນາຫີນ ເມືອງຄູນຄໍາ ເຂວງຄໍາມ່ວນຫ່າງຈາກຕົວເມືອງທ່າແຂກປະມານ 150 ກິ ໂລແມັດ ແລະ ຫ່າງຈາກຈຸດທາງແບ່ງລະຫວ່າງທາງເລກທີ 13 ແລະ ທາງເລກ 8 ປະມານ 40 ກິໂລແມັດ. ເມື່ອເຖິງຕົວເມືອງຄູນຄໍາຈະມີທາງເຂົ້າໄປອີກປະມານ 3 ກິໂລແມັດ ຢູ່ດ້ານຊ້າຍມືຕາມເສັ້ນທາງເລກ 8 ມຸ່ງຫນ້າສູ່ເມືອງຄໍາເກີດ.

ການເຂົ້າເຖິງນໍ້າຕົກຕາດສະນາມໃນປີນັ້ນ ແມ່ນບໍ່ສະດວກປານໃດ ລົດຈັກສາມາດເຂົ້າໄປໄດ້

 ປະມານ 2ກິໂລແມັດ ແລ້ວສືບຕໍ່ດ້ວຍການຢ່າງອີກປະມານ1 ກິໂລແມັດຈິ່ງເຖິງນໍ້າຕົກ, ຖ້າເປັນລົດໃຫຍ່ ແມ່ນຕ້ອງໄດ້ຈອດໄວ້ທີ່ປ່ອນບໍລິການ(ຕິດກັບທາງເລກ8) ແລ້ວສືບຕໍ່ຍ່າງເຂົ້າໄປ. 

ແຕ່ບໍ່ແນ່ໃຈວ່າຜ່ານມາ3ປີແລ້ວ ຈະມີການປັບປຸງໃຫ້ສາມາດຂີ່ລົດເຂົ້າໄປໄດ້ໄກສຳໃດ ເພາະຫາກມີການບຸກເບີກເສັ້ນທາງກໍແລກກັບການຕັດໄມ່້ທີ່ດົກຫນາຕາມ2 ຂ້າງທາງອອກໄປເບິ່ງແລ້ວກໍບໍ່ຄຸ່ມຄ່າໃນຄວາມຍືນຍົງ.

 ຜູ້ຂຽນຂີ່ລົດຈັດເຂົ້າໄປ ເຊິ່ງກໍຕ້ອງໃຊ້ຄວາມວະມັດລະວັງພໍສົມຄວນ ເນື່ອງຈາກເສັ້ນທາງແຄບ ແລະ ມີຫີນ.ຂີ່ລົດເຂົ້າໄປປະມານ 2 ກິໂລແມັດ ກໍຈອດປະໄວ້ແລ້ວ(ຢ້ານຖືກລັກກະພໍປານນັ້ນ ເພາະບໍມີຄົນຍາມໃຫ້) ແລ້ວກໍ ສືບຕໍ່ຍ່າງຂຶ້ນໄປຕາມສາຍນໍ້າ ແລະ ສັ່ນພູອີກປະມານ1ກິໂລແມັດກໍຮອດ(ຈະມີລູກສອນຊີ້ບອກ ເສັ້ນທາງຍ່າງໄປເຖິງຕົວນໍ້າຕົກ)

ເມື່ອມາເຖິງກໍເຫັນວ່າເປັນນໍ້າຕົກຕາດທີ່ງົດງາມ ແລະ ຫນ້າທ່ຽວຊົມແຫ່ງຫນຶ່ງ ຂອງເມືອງລາວ ນ້ຳຕົກຕາດແຫ່ງນີ້ມີ  2 ສາຍທີ່ມີຄວາມສູງປະມານ70-100ແມັດ ເຊິ່ງເຮົາມາມາດເຂົ້າໄປເຖິງຈຸດນໍ້າຕົກເພື່ອຫລິ້ນນໍາຢ່າງຊຸມເຢັນ.ລະດູທີ່ເຫມາະສົມແກ່ການມາທ່ຽວນໍ້າຕົກຕາດສະນາມ ກໍຫນ້າຈະແມ່ນລະຫວ່າງເດືອນກັນຍາ ຫາເດືອນພະຈິກ ເນື່ອງຈາກນໍ້າຈະຫຼາຍ(ສ່ວນລະດູຝົນແທ້ ກໍອາດບໍ່ສະດວກປານໃດ ເພາະຫີນຕາມເສັ້ນທາງຂຶ້ນສູ່ຕາດຈະມື່ນແລະອັນຕະລາຍ ແຕ່ຜູ້ທີ່ມັກການຜະຈົນໄພແທ້ກໍບໍ່້ປັນບັນຫາ).  ສ່ວນນັບແຕ່ເດືອນທັນວາໄປນໍ້າກໍຈະມີຫນ້ອຍຫຼາຍ

 ສຳລັບການເຂົ້າທ່ຽວຕາດນິ້ແມ່ນເສຍຄ່າບໍລິການ ຜ່ານປະຕູ5.000ກີບຕໍ່ຄົນສໍາລັບຄົນລາວ

ຮູບໂດຍ: Noy Images
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com