ວາງສິລາເລິກ ກໍ່ສ້າງຫໍພິພິທະພັນ ພຣະອາຈານໃຫຍ່ ມະຫາຜ່ອງ ສະມາເລີກ

ຕອນເຊົ້າ ວັນທີ່ 07/10/2017 ທີ່ວັດອົງຕື້ ມະຫາວິຫານ ໄດ້ມີພິທີ ໃສ່ບາດຖວາຍທານ ເນື່ອງໃນວາຣະຄົບຮອບວັນມໍຣະນະພາບ ຂອງພຣະອາຈານໃຫຍ່ ມະຫາຜ່ອງ ສະມາເລີກ ອະດິດປະທານ ອພສ ສູນການ ຄົບຮອບ 2 ປີ ທີເພິ່ນມໍຣະພາບ ລະສັງຂາຣໄປ ເມື່ອວັນທີ່ 07/10/2015 ເວລາ 17:11 ນາທີ

 ຈາກນັ້ນກໍ່ໄດ້ ມີພິທີວາງສິລາເລີກ ການກໍ່ສ້າງຫໍພິພິທະພັນ ປະຫວັດສາດ ຂອງພຣະອາຈານໃຫຍ່ ມະຫາຜ່ອງ ສະມາເລີກ ເພື່ອເປັນບ່ອນວາງສະແດງ ເຄື່ອງໃຊ້ສ້ອຍ ວັດຖຸບູຮານ ແລະສິ່ງຂອງຕ່າງໆ ທີ່ເພິ່ນເກັບສະສົມແລະສ້າງມາ ເພື່ອໃຫ້ລູກຫລານພາຍຊ້ອຍ ຈະໄດ້ຮູ້ ຄວາມເປັນມາຂອງປະຫວັດສາດ ທີ່ກ່ຽວພັນກັບພຣະພຸດທະສາສະໜາ ວັດທະນະທຳ ສິລະປະ ວັດຖຸບູຮານຕ່າງໆ .... ຂອງເພິ່ນ

 ຫລັງຈາກແລ້ວພິທີນັ້ນ ທາງວັດອົງຕື້ ເພິນກໍ່ໄດ້ແຈກຢາຍ ພຣະຈຳລອງພຣະເຈົ້າໃຫຍ່ອົງຕື້ ແລະຫລຽນຫວ້ານຂອງພຣະອາຈານໃຫຍ່ ມະຫາຜ່ອງ ສະມາເລີກ ໃຫ້ກັບຜູ້ມາຮ່ວມພິທີນີ້ຢ່າງທົ່ວເຖິງກັນ

ຂ່າວແລະພາບໂດຍHoumphet Manisouk
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com