ແຕ່ການຈະໄປເຖິງສະຖານທີ່ແຫ່ງນີ້ກໍບໍ່ແມ່ນເລື່ອງງ່າຍເພາະມັນໄກຈາກນະຄອນຫຼວງວຽງຈັນນັບພັນກິໂລແມັດ ຂະນະທີ່ຂໍ້ມູນການເດີນທາງໄປສະຖານທີ່ດັ່ງກ່າວ ກໍຍັງບໍ່ມີຄວາມຊັດເຈນທີ່ພຽງພໍ.
ຢ່າງໃດກໍຕາມ ທີມງານພວກເຮົາກຕັດສິນໃຈວາງແຜນເດີນທາງສູ່ຕາດແຊປ້ອງໄລ ໃນທ້າຍເດືອນກັນຍາ ຜ່ານມາ ເພາະເຫັນວ່າຝົນເລີ່ມຮ້ວຍການເດີນທາງຄົງໄປມາສະດວກແດ່.
ພວກເຮົາມາຮອດເທດສະບານແຂວງອັດຕະປືໃນວັນທີ28 ກັນຍາ ຫລັງຈາກນັ້ນກໍຊອກທີ່ພັກ ຮຸ່ງເຊົ້າວັນໃຫມ່ ພວກເຮົາກໍເຂົ້າໄປພະແນກຖວທ ເພື່ອຫາລືເຖິງການເດີນທາງສູ່ຕາດ. ຫລັງຈາກນັ້ນປະມານ10 ໂມງເຊົ້າພວກເຮົາກໍເລີ່ມອອກລົດຈາກເທດສະບານແຂວງມຸງຫນ້າສູ່ຕາດແຊປ້ອງໄລທັນທີ.
ໄປຕາມເສັ້ນທາງ18 A ມຸ່ງຫນ້າສູ່ເມືອງສະຫນາມໄຊ.
ຕະຫຼອດເສັ້ໜທາງຖືດວ່າຫຍຸ້ງຍາກພໍສົມຄວນເພາະເສັ້ນທາງເປັນບວກແລະຂຸມຫຼາຍ ພວເຮົາວ້່ກິນເຂົ້າທ່ຽງຢູ່ເມືອງສະຫນາມໄຊ ພ່້ອມທັງຮັບເອົາພະນັກງານຈາກຫ້ອງການຖວທເມືອງໄປພ້ອມ ເຮັດໃຫ້ເວລານີ້ ທີມທີ່ພວກເຮົາໄປປະກອບດ້ວຍ5 ຄົນ.
ຫລັງຈາກນັ້ນກໍຂີ່ລົດໄປເລື້ອຍຕາມເສັ້ໜທາງທີ່18A ເຊິ່ງເກືອບວ່າບໍ່ມີບ່ອນໃດຮາບພຽງພໍໃຫ້ເລັ່ງຄວາມໄວລົດໄດເລີຍ ລົດໄດແຕ່ຄ່ອຍໆແລ່ນໄປດ້ວຍຄວາມລະມັດລະວັງ.
ຄວາມຈິງແລ້ວເສັ້ນທາງ18A ແມ່ນລົງມືປັບປຸງຍົດລະດັບມາແຕ່ປີ2013 ເຊິ່ງຕາມແຜນແມ່ນຈະໃຫ້ສຳເລັດໃນປີ2017ນີ້ ແຕ່ມາຮອດປານນີ້ໂຄງການກໍຍັງບໍ່ມີຄວາມຄືບຫນ້າຫຍັງເລີຍ.
ຕະຫຼອດເສັ້ນທາງຜ່ານຫຼາຍ ບ້ານສົມຄວນປະມານ 2ຊົ່ວໂມງເຄິ່ງ(ບໍ່ລວມເວລາພັກກິນເຂົ້້າທ່ຽງ)
ພວກເຮົາກໍມາຮອດ ຕາດແຊພະ ເຊິ່ງແມ່ນບໍລິສັດວົງວິໄລ ເປັນຜູ້ສຳປະທານພັດທະນາສະຖານທີ່ທ່ອງທ່ຽວແຊພະ-ແຊປ້ອງໄລ ລວມໄລຍະທາງເທດສະບານເມືອງສາມັກຄີໄຊ ຫາແຊພະກໍປະມານ75ກິໂລແມັດ.
ປະມານ15-20ນາທີ່ພວກເຮົາກໍມາຮອດຕາດແຊປ້ອງໄລ ດັງທີ່ໃຈໝາຍປອງ.
ພະນັກງານຈາກຫ້ອງການຖວທ ເມືອງບອກວ່າ ນໍ້າຕົກຕາດແຊປ້ອງໄລ ເປັນນໍ້າຕົກທີ່ງົດງາມທີ່ເກີດຈາກນໍ້າສາຍນໍ້າເຊປຽນ ມີຄວາມກວ້າງປະມານ 130 ແມັດ, ແບ່ງເປັນສອງສາຍດ້ານຊ້າຍ ມີຄວາມສູງປະມານ 20 ແມັດ ແລະດ້ານຂວາສູງປະມານ 30 - 40 ແມັດ. ໃນລະດູຝົນແມ່ນບໍ່ສາມາດລົງຫລິ້ນນໍ້າໄດ້ເນື່ອງຈາກະແສນໍ້າໄຫຼແຮງ ແຕ່ໃນລະດູແລ້ງ ສາມາດລົງລອຍຫລິ້ນໄດ້.
ເມື່ອມາຮອດທີມງານພວກເຮົາກໍບໍລໍຊ້າ ເຂົ້າສູ່ການປະຕິບັດພາລະກິດໃນການຖ່າຍຮູບແລະວິດີໂອທັນທີ ຜ່ານໄປປະມານ2 ຊົ່ວໂມງ ພວກເຮົາກໍກັບອອກມາແລ້ວແວ່ຖ່າຍຮູບຕາດແຊພະຕໍ່ ແລ້ວກໍເດີນທາງກັບເມືອງສາມັກຄິໄຊ ເທດສະບານອແຂວສງອັດຕະປື.
+ຂໍ້ມູນການເດີນທາງ
ການເດີນທາງໄປນໍ້າຕົກຕາດແຊປ້ອງໄລດັ່ງກ່າວມີ 3 ທາງຄື:
1.ເດີນທາງຈາກ ເມືອງປະທຸມພອນ: ຈາກທາງເລກທີ13 ໃຕ້ ທີ່ຫຼັກ48 ເມືອງປະທຸມພອນ ແຂວງຈຳປປາສັກ ລ້ຽວຊ້າຍເຂົ້າສູ່ເສັ້ນທາງ ເລກ 18A ຈາກເມືອງປະທຸມພອນ ແຂວງຈຳປາສັກ ສູ່ແຂວງອັດຕະປື ຮອດ 3 ແຍກ ບໍລິເວນບ້ານໃໝ່(ປະມານ60ກິໂລແມັດ) ໃຫ້ລ້ຽວຊ້າຍ ຂີ່ໄປຕາມເສັ້ນທາງຈາກສະຫນາມໄຊສູ່ເມືອງປາກຊ່ອງ ປະມານ ສິບປາຍກິໂລແມັດ ກໍຈະຮອດຕາດແຊພະ ສ່ວນເສັ້ນທາງແມ່ນບໍ່ສະດວກ ສາມາດໄປໄດ້ໃນລະດູແລ້ງ ສ່ວນລະດູຝົນອາດມີຄວາມຫຍຸ້ງຍາກໃນການຂ້າມນໍ້າຂ້າມຫ້ວຍທີ່ຍັງບໍ່ມີຂົວ.
2. ເສັ້ນທາງຈາກປາກຊ່ອງ: ໄປຕາມເສັ້ນທາງປາກຊ່ອງພະໜວນດົງ ແລ້ວລ້ຽວຊ້າຍທີ່ບ້ານປາກບ້ອງທີ່ເປັນເສັ້ນທາງທະລຸສູ່ເມືອງສະໜາມໄຊ ທີ່ເສັ້ນທາງເລກທີ 18A ໂດຍຈະມີ 3 ແຍກລ້ຽວຊ້າຍກ່ອນຈະເຖິງຕາດ ຂີ່ໄປບໍ່ດົນກໍຮອດ (ບໍ່ແນ່ໃຈວ່າຈັກກິໂລແມັດແທ້) ເປັນເສັ້ນທາງທີ່ສັ້ນຫຼາຍຫາກນັບແຕ່ເມືອງປາກຊ່ອງແຂວງຈຳປາສັກໄປ(ເປັນເສັ້ນທາງດິນແດງ)
3. ເສັ້ນທາງແຕ່ເທດສະບານແຂວງອັດຕະປື ໄປຕາມເສັ້ນທາງເລກທີ 18A ຜ່ານເມືອງຂະຫນາມໄຊ ຜ່ານບ້ານໃຫມ່ ແລ້ວລ້ຽວຂວາໄປຕາມເສັ້ນທາງສູ່ເມືອງປາກຊ່ອງ ບໍ່ດົນກໍມີທາງລ້ຽວຂວາອີກຂີ່ໄປບໍ່ຮອດ10 ກິໂລແມັດກໍຮອດຕາດແຊພະ ໄລຍະທາງ 75 ກິໂລແມັດ(ເປັນທາງດິນແດງ).
ການເຂົ້າເຖິງຕາດແຊປ້ອງໄລ ຖືວ່າບໍ່ສະດວກໃນລະດູຝົນ ເຊິ່ງເປັນຍາມທີ່ນໍ້າຕົກຕາດງາມທີ່ສຸດແມ່ນເຂົ້າຍາກມີພຽງແຕ່ລົດສູງ ມີໂຟວິນ ຫຼື ລົດຈັກ ບີບາກເທົ່ານັ້ນທີ່ພໍເຂົ້າໄດ້ ແຕ່ຖ້າໄປລະດູແລ້ງກໍພໍໄປໄດ້ ຂໍໃຫ້ເປັນລົດສູງໄວ້ຈະດີທີ່ສຸດ.
ສ່ວນການບໍລິການຢູ່ຕາດແຊພະ ແຊປອງໄລ ກໍຖືວ່າຍັງບໍ່ທັນໄດ້ຮັບການພັດທະນາປັບປຸງໃຫ້ດີເທົ່າທີ່ຄວນ ມີພຽງຕູບນັ່ງຫລິ້ນໆຫລາຍຕູຸບຢູ່ຫົວຕາດແຊພະ ສ່ວນຮ້ານອາຫານຫລືການຫານບໍລິການອຶື່ນໆໃນໄລຍະທີ່ທີມງານເຮົາໄປກໍບໍ່ມີຫຍັງເລີຍ ນອກຈາກຕູ້ແຊເຄື່ອງດື່ມ ຜູ້ທີ່ຈະໄປຕ້ອງໄດ້ກະກຽມອາຫານຮອງທ້ອງກໍດີ
ສ່ວນທີ່ຕາດແຊປ້ອງໄລ ກໍຍັງບໍ່ມີສິ່ງອໍານວຍຄວາສະດວກຫຍັງເທືຶ່ອ ນອກຈາກການຫລິ້ນນໍ້າຊົມຄວາມງົດງາມຂອງທຳມະຊາດແຫ່ງນີ້.ແຕ່ທີ່ສໍາຄັນທ່ານທີ່ໄປ ຄວນຮັກສາສິ່ງແວດລ້ອມຊ່ວຍກັນນໍ.
ຂໍຂອບໃຈທີ່ຕິດຕາມ ແລະ ອ່ານຈົນຈົບ
ທີມງານລາວໂພສກາດ ພ້ອມແລ້ວທີ່ຈະສ່ວນຫນຶ່ງໃນການໂຄສະນາສະຖານທີ່ທ່ອງທ່ຽວຂອງເມືອງລາວ ແລະ ພວກເຮົາຈະພະຍາມສັນຫາບັນດາສະຖານທີ່ທ່ອງທ່ຽວ ແລະການບໍລິການຕ່າງໆມານຳສະເຫນີຢ່າງຕໍ່ເນື່ອງນໍ...
ຊ່ວຍເປັນກຳລັງໃຈໃຫ້ທີມງານພວກເຮົາດ້ວຍ ຫລື ຫາກທ່ານໃດມີຮູບພາບແລະຂໍ້ມູນການທ່ອງທ່ຽວແລະບໍລິການຕ່າງໆ ກໍສົ່ງມາຫາທີມງານຂອງພວກເຮົາໄດ້ ຫລືຕ້ອງການໃຫ້ຣີວີວສະຖານທີ່ທ່ອງທຽວພັກຜ່ອນແລະບໍລິການຕ່າງໆ ພວກເຮົາກໍພ້ອມທີ່ຈະເປັນຂົວຕໍ່ໃນຄວາມສຳເລັດຂອງທ່ານ
ຂອບໃຈ...
ພົບກັນຕໍ່ໃນຫົວຂໍ້ຕໍ່ໄປ
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
