ພາກສ່ວນຕ່າງໆ ກຳລັງສຸ່ມສ່ການກະກຽມບູນນະມັດສະການພະທາດຫຼວງປິ2017 ເຊິ່ງປີນີ້ເປັນອີກປາງບຸນຫນຶ່ງທີ່ໃຫຍ່ ເນື່ອງຈາກຈະມິພິທີປະກາດເປີດປີທ່ອງທ່ຽວລາວ2018.
ສ່ວນອີກຫນຶ່ງກິດຈະກຳທີ່ໄດ້ຮັບຄວາມສົນໃຈຈາກສັງຄົມກໍແມ່ນເຮືອນຊົງລາວ ຫຼັງຈາກທີ່ປີຜ່ານມາໄດ້ຮັບການຍ້ອງຍໍແລະຄວາມສົນໃຈຈາກສັງຄົມເປັນຈຳນວນຫຼວງຫຼາຍ.
ທ່ານນາງ ຈັນນະພາ ວົງສະໝໍລະພູມ ປະທານບໍລິສັດ ຊີເອັນພີຂາອອກ-ຂາເຂົ້າ ສຳຫຼວດ ແລະ ຂຸດຄົ້ນບໍ່ແຮ່ ຈຳກັດ ຜູ້ຮັບຜິດຊອບສ້າງເຮືອນຊົງລາວ (ເຮືອນບູຮານ) ໃນງານບຸນນະມັດສະການພະທາດຫຼວງປະຈຳປີ 2017 ກ່າວວ່າ:ບຸນນະມັດສະການພະທາດຫຼວງປີ 2016 ຜ່ານມາ ບໍລິສັດໄດ້ສ້າງເຮືອນບູຮານ ຈຳນວນ 2 ຫຼັງ ເຫັນວ່າໄດ້ຮັບການຍ້ອງຍໍຊົມເຊີຍຈາກມວນຊົນທີ່ມາທ່ຽວຊົມງານບຸນເປັນຈຳນວນຫຼວງຫຼາຍ ສະນັ້ນ ປີ 2017 ບໍລິສັດຈຶ່ງໄດ້ສືບຕໍ່ສ້າງເຮືອນບູຮານເພີ່ມຂຶ້ນມີຈຳນວນທັງໝົດ 8 ຫຼັງ ແອ້ມ ແລະ ປູດ້ວຍໄມ້ ມຸງດ້ວຍໄມ້ສັບ ແລະ ດິນຂໍທີ່ມີຮູບຊົງລວດລາຍແຕກຕ່າງກັນ ພ້ອມນັ້ນ ພາຍໃນເຮືອນຈະມີການຕົບແຕ່ງແບບຊົງລາວດັ່ງເດີມທີ່ສວຍງາມ ໂດຍເລີ່ມລົງມືກໍ່ສ້າງມາແຕ່ເດືອນພຶດສະພາ 2017 ເປັນຕົ້ນມາ ໃຊ້ງົບປະມານທັງໝົດ 3,7 ຕື້ກີບ ປັດຈຸບັນ ສຳເລັດ 90%
ສຳລັບການເຂົ້າທ່ຽວຊົມບ້ານບູຮານ ບໍ່ມີການເກັບປີ້ເສຍຄ່າຜ່ານປະຕູແຕ່ຢ່າງໃດ ແຕ່ຈະມີທີມງານຂາຍນ້ຳດື່ມ ແລະ ອາຫານພື້ນເມືອງລາວ ເພື່ອນຳລາຍຮັບມາຊຸກຍູ້ທີມງານການສະແດງສິລະປະໃຫ້ບໍລິການ ນັບແຕ່ວັນທີ 27 ຕຸລານີ້ເປັນຕົ້ນໄປ ແລະ ພາຍຫຼັງທີ່ສຳເລັດບຸນນະມັດສະການພະທາດຫຼວງແລ້ວ ເຮືອນດັ່ງກ່າວຍັງສືບຕໍ່ໃຫ້ບໍລິການຕະຫຼອດປີທ່ອງທ່ຽວລາວ 2018 ສະນັ້ນ ຂໍເຊີນຊວນມວນຊົນທີ່ມາທ່ຽວຊົມງານບຸນນະມັດສະການພະທາດຫຼວງ ເຂົ້າແວ່ຢ້ຽມຊົມ ແລະ ໃສ່ຊຸດລາວແບບດັ່ງເດີມ ເພື່ອຖ່າຍຮູບເປັນທີ່ລະລຶກຕື່ມອີກ.
ຮູຸບໂດຍ:alaotheworld
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
