ຜ່ານໄປ3 ປີແລ້ວ ສຳລັບຮູບພາບຊຸດນີ້ ເຊິ່ງເປັນປີທຳອິດຂອງແອັດມີນ ທີ່ໃຊ້ລົດຈັກ ຮອນດາ ເວັບ100 ເດີນທາງຖ່າຍຮູບຕາມສະຖານທີ່ຕ່າງໆຂອງເມືອງລາວ ເພືອເກັບພາບຄວາມງົດງາມຂອງມຳມະຊາດແລະ ວິຖິຊີວິດຂອງປະເທດລາວໄວ້ໃຫ້ຫຼາຍສຸດທີ່ ກ່ອນທີ່ການພັດທະນາຈະຄືບຄານເຂົ້າມາປ່ຽນແປງສະພາບໄປ.
ສິ່ງທີ່ພັກດັນໃຫ້ເກີດການເດີນທາງຄັ້ງນີ້ ກໍຄືໃນນາມທີ່ເປັນຄົນລາວກໍຢາກໂຄສະນາເມືອງ
ລາວໃຫ້ສັງຄົມໄດ້ຮູ້ໄດ້ເຫັນທຳມະຊາດ
ວິຖີຊີວີດຕ່າງໆໃນປະເທດລາວ ຜ່ານຮູບພາບໃຫ້ຫຼາຍຂຶ້ນ
ເພາະທີ່ຜ່ານມາຮູບຂອງລາວທີ່ເຫັນໃນກູເກິລ
ລ້ວນແຕ່ແມ່ນຊ່າງພາບຫລືນັກທ່ອງທ່ຽວຈາກໄທ ຫລືຝຮັ່ງ, ແຕ່ຄົນລາວເດ
ມີຈັກຄົນທີ່ເດີນທາງຖ່າຍຮູບປະເທດຊາດບ້ານເກີດເມືອງນອນຂອງຕົນ ກໍເຫັນມີຢູ່
ແຕ່ກໍຫນ້ອຍສົມຄວນ ທັງທີ່ເງື່ອນໄຂຂອງເຮົາຫນ້າຈະດີກວ່າຄົນຕ່າງໆປະເທດດ້ວຍຊໍ້າ.
ຮູບຊຸດນີ້ແມ່ນຊຸດທົ່ງນາກຳລັງເຫລືອງຢູ່ເມືອງພຽງ ແຂວງໄຊຍະບູລີ ເຊິ່ງນັບເປັນອູ່ເຂົ້າອູ່ປາຂອງແຂວງໄຊຍະບູລີກໍວ່າໄດ້ ເຊິ່ງຖ່າຍເມື່ອກາງເດືອນຕຸລາ ປີ2015(ເປັນທຣີບ ທີ່ເດີນທາງໄກ1.000ກວ່າກິໂລແມັດ ຈາກນະຄອນຫຼວງວຽງຈັນ ສູ່ອຸດົມໄຊ ຕາມເສັ້ນທາງແຄມຂອງອອກສູ່ປາກລາຍ-ໄຊຍະບຸລີ-ຫົງສາ-ປາກແບ່ງ-ອຸດົມໄຊ; ແລ້ວກໍລົງມາສູ່ຫຼວງພະບາງ-ກາສີ -ວັງວຽງ -ນະຄອນຫຼວງວຽງຈັນ ໃຊ້ເວລາ 5 ມື້ 4ຄືນ)
ການເດີນທາງຄັ້ງນີ້ ເປັນຄັ້ງທຳອິດ ໃນການປະຕິບັດແຜນເລາະຖ່າຍຮູບບັນດາແຂວງຕ່າງໆຂອງປະເທດລາວໃຫ້ຄົບ ເຊິ່ງກໍບໍຮູ້ວ່າເມື່ອໃດຈະຄົບ ຈະໃຊ້ເວລາຈັກປີ ແຕ່ຂ້າພະເຈົ້າກໍຈະພະຍາຍາມທີ່ສຸດໂດຍອາໄສເວລາຫວ່າງ ກໍຄືມື້ພັກປະຈໍປີໃນການອອກເດີນທາງຍ່າງຫນ້ອຍກໍຕັ້ງຄວາມຫວັງໄວ້ວ່າປີລະຄັ້ງ2 ຄັ້ງກໍຍັງດີ ຕາມກຳລັງແຮງແລະກຳລັງຊັບທີ່ມີ...(ເປັນຈັງໃດກໍຊ່ວຍຕິດຕາມ ແລະໃຫ້ກຳລັງໃຈທີມງານພວກເຮົາດ້ວຍນໍ)
ເນື່ອງໃນໂອກາດທີ່ລັດຖະບານກະກຽມເປີດທີ່ທ່ອງທ່ຽວລາວ2018 ທີ່ຈະມີຂຶ້ນໃນວັນທີ28 ຕຸລານິ້. "lao postcard - ຮູບພາບເມືອງລາວ" ເຊິ່ງຕັ້ງຂຶ້ນມາເພື່ອເຜີຍແຜ່ວັດທະນະທຳ ຮີດຄອງປະເພນີອັນດີງາມຂອງຊາດ ໄປຈົນເຖິງການເຜີຍແຜ່ສະຖານທີ່ທ່ອງທ່ຽວຕ່າງໆຂອງປະເທດໃຫ້ສັງຄົມທັງພາຍໃນແລະຕ່າງປະເທດໄດ້ຮັບຮູ້ຫລາຍຂຶ້ນນັ້ນ ພວກເຮົາກໍພ້ອມທີ່ຈະເປັນສ່ວນຫນຶ່ງໃນການໂຄສະນາປີທ່ອງທ່ຽວລາວໃຫ້ມີບັນຍາກາດຫຼາຍຂຶ້ນນໍ ຈັງໃດກໍຊ່ວຍຕິດຕາມ ກົດໄລ ກົດແຊ ໃຫ້ພວກເຮົາດ້ວຍ ຂໍຂອບໃຈ
ຮູບຈາກທີມງານlao postcard - ຮູບພາບເມືອງລາວ
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
