ທິວທັດທຳມະຊາດ ຕາມເສັ້ນທາງຈາກ ໄຊຍະບູລີ ເຖິງຫົງສາ ອີກຫນຶ່ງເສັ້ນທາງການທ່ອງທ່ຽວທີ່ຫນ້າຄົ້ນຫາ

ຫລັງຈາກທີ່ກິນເຂົ້າທ່ຽງ ແລະ ພັກຜ່ອນເອົາແຮງຢູ່ເທດສະບານເມືອງໄຊຍະບູລີແລ້ວ  ຂ້ອຍກໍຈັບລົດ ຈັກຄູ່ໃຈເຄື່ອນຕົວອອກຈາກຕົວເມືອງ ໄຊຍະບູລີມຸ່ງຫນ້າສູ່ ເມືອງຫົງສາ ຢ່າງຊ້າໆ

ຈາກເມືອງໄຊຍະບູລີ ເຖິງຫົງສາ ມີໄລຍະທາງປະມານ 90 ກິໂລແມັດ ແຕ່ເສັ້ນທາງແມ່ນແຄບ

ຫຼາຍທັງຂຶ້ນພູລົງຄ້ອຍ ແລະ ຄົດລ້ຽວໄປມາ.

ຢ່າງໃດກໍຕາມ ໃນມື້ທີ2 ຂອງການເດີນທາງ (ຈາກປາກລາຍເຖິງຫົງສາ) ເສັ້ນທາງນີ້ ມີຄວາມງົດງາມແລະຫນ້າສົນໃຈເປັນພິເສດ ເນື່ອງຈາກລົດແລ່ນຕາມສັນພູທີສູງ ເຊິ່ງແນມເຫັນທິວທັດພຸມສັນຖານໃນເຂດດັ່ງກ່າວເປັນຢ່າງດີ  ເຖິງວ່າປ່າໄມ້ດົງຫນາ ຈະເຫລືອຫນ້ອຍ.

ເສັ້ນທາງນີ້ ຖືເປັນຫນຶ່ງເສັ້ນທາງການທ່ອງທ່ຽວທີ່ຫນ້າຄົ້ນຫາ ແລະມີຫລາຍຈຸດທີ່ເປັນທ່າແຮງ
ໃນການພັດທະນາເປັນສະຖານທີ່ທ່ອງທ່ຽວ ໂດຍສະເພາະພັດທະນາເປັນຈຸດຊົມວິວທິດທັດ ລວມເຖິງພັດທະນາເປັນຈຸດຊົມຕາເວັນຂຶ້ນແລະທະເລໝອກ ເຊິ່ງຈະສາມາດດຶງດູດນັກທ່ອງທ່ຽວ ຈາກປະເທດໄທໄດ້ດີ ເພາະມິີໄລບະທາງຈາກດ່ານເມືອງເງິນບໍ່ໄກປານໃດ.

ຕະຫຼອດການເດີນທາງຈະມີການແວ່ຖ່າຍຮູບປັນຈຸດໆ ຕາມພາສາຄົນຂີ່ລົດເລາະຖ່າຍຮູບນໍ. ຈົນຮອດເວລາ17 ໂມງ ຈິ່ງມາຮອດມາເຖິງເມືອງຫົງສາ   ຈາກນັ້ນກໍຊອກຫາທີ່ພັກຫຼັບນອນ ລວມໄລຍະທາງຂອງມື້ທີ 2 ກວ່າ200ກິໂລແມັດ.

---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com