ສືບສານປະເພນີແຜ່ຜາສາດເຜິ້ງ ບຸນນະມັດສະການພະທາດຫຼວງວຽງຈັນ ປີ2017

ໃນຕອນບ່າຍວັນທີ 2 ພະຈິກ 2017 ມວນຊົນລາວຈາກທົ່ວສາລະທິດ ໄດ້ຫຼັ່ງໄຫລເຂົ້າສູ່ພິທີແຫ່ຜາສາດງານບຸນນະມັດສະການພະທາດຫຼວງປີ2017 ເຊິ່ງເປັນປີທີ່ມີຄວາມຄວາມສຳຄັນ ເພາະການປະຕິສັງ ຂອນພະທາດຫຼວງຄັ້ງສຳຄັນທີ່ດຳເນີນມາແຕ່ປີ2016 ໄດ້ສຳເລັດ ແລະ ໄດ້ພິທີທີສົມໂພດໄປແລ້ວ ເມື່ອວັນທີ27ຕຸລາຜ່ານມາ.

ພະທາດໂລກກະຈຸລະມະນີ ມໍລະດົກແຫ່ງຊາດ, ສຸດຍອດແຫ່ງຊາດ, ສຸດຍອດສິລະປະ ສະຖາປັດຕະຍະກຳລາວ ທີ່ບັນຈຸພະສາລີ ຣິກະທາດ ຂອງພຣະພຸດທະເຈົ້າ, ເປັນສູນລວມແຫ່ງຈິດວິນຍານ ຂອງຄົນຊາວລາວ ແລະ ໄດ້ກາຍເປັນເຄື່ອງໝາຍຊາດ, ຄັ້ງທຳອິດສ້າງຂຶ້ນ ປີ ພສ 236 ໂດຍການນຳພາ ຂອງຈັນທະບູລີ ປະສິດທິສັກ ຫຼື ບຸລີຈັນ ເຈົ້າເມືອງວຽງຈັນ. 

ທຳອິດມີລັກສະນະຄ້າຍຄື ອຸໂມງ ກວ້າງ 10 ແມັດ, ສູງ 9 ແມັດ ແລະ ສ້າງຕໍ່ເຕີມ ໃນປີ ຄສ 1566 ໂດຍເຈົ້າໄຊຍະເສດຖາທິລາດ ຜູ້ສະຖາປະນາວຽງຈັນ ເປັນນະຄອນຫຼວງ ຂອງອານາຈັກລາວລ້ານຊ້າງ, ຖືກທຳລາຍໃນສະໄໝ ສະຫຍາມ ຮຸກຮານ ແລະ ໄດ້ຮັບການບູລະນະຄືນໃໝ່ເລີ່ມ ແຕ່ປີ 1953 ເປັນຕົ້ນມາ. 

 ຜູ້ຄົນທົ່ວທຸກສາລະທິດຕ່າງກໍ່ປາຖະໜາ ມາຮ່ວມໃນບຸນນະມັດສະການ ພະທາດຫຼວງ ທີ່ມີຂຶ້ນໃນ ວັນເພັງ ເດືອນສີບສອງ ຂອງທຸກໆປີ, ເປັນປາງບຸນປະເພນີ ທີ່ຍິ່ງໃຫ່ຍ, ເຊິ່ງສະແດງ ໃຫ້ເຫັນວັດທະນະທຳ, ປະເພນີອັນດີງາມຂອງລາວ ໂດຍມີພິທີສຳຄັນທາງສາດສະໜາ ເຊັ່ນ: ການແຫ່ຜາສາດເຜິ້ງ, ວຽນທຽນ, ຕັກບາດຖວາຍທານ, ຕີຄີ ແລະ ການສະແດງ ມະໂຫລີສີລະປະວັນນະຄະດີ.

 ໂຄງການ​ປະຕິສັງຂອນ ພິ​ພິ​ທະ​ພັນ​ພະ​ທາດຫຼວງ​ວຽງ​ຈັນ ຄັ້ງ​ທີ IV ໄດ້​ດຳເນີນ​ການ​ປະຕິ​ສັງຂອນ​ມາ​ແຕ່​ວັນ​ທີ 4 ກັນຍາ 2016 ມາ​ຮອດ​ປັດຈຸບັນ ໄດ້​ສຳເລັດ 08 ໜ້າ​ວຽກ​ສຳຄັນ ມີ​ມູນ​ຄ່າທັງ​ໝົດ 12.024.900.000 ກີບ.

ຜ່ານ​ມາ​ໄດ້​ຮັບ​ການສົມທົບ​ທຶນເປັນເງິນຈຳນວນຫຼາຍຕື້ສົມຄວນ.ພິເສດ ເປັນຄຳ​ຈຳນວນ 22 ກິໂລ 30,4 ບາດ 01 ສະຫຼຶງ 3,8 ຫຸນ 2,72 ກຣາມ, ໂດຍໄດ້ນຳ​ໃຊ້​ໂອບຍອດ​ພະ​ທາດຫຼວງ, ພຣະທາດ​ປາລະ​ມີ ແລະ ພຣະທາດ​ສີ​ທຳ​ມະຫາຍ​ໂສກ​ແລ້ວ 13 ກິ​ໂລ 02 ບາດ 01 ສະຫຼຶງ 3,8 ຫຸນ 2,72 ກຣາມ.

.

 ນອກນັ້ນຍັງຫລໍ່ ພະພຸດທະຮູບ ປາງຊະນະມານມີຊື່ວ່າ: ພະພຸດທະສຸວັນສາທາທຳມິ ກະຣາດ ຊຶ່ງມີຄວາມໝາຍວ່າ: ພະພຸດທະຮູບຄຳສ້າງຂຶ້ນໃນ ໄລຍະສາທາລະນະລັດ ໂດຍ ສືບສານຈາກມູນເຊື້ອວັດທະ ນະທຳໃນຍຸກລ້ານຊ້າງສະໄໝ ເຈົ້າໄຊຍະເສດຖາທິລາດ ແລະ ເຈົ້າສຸລິຍະວົງສາ ມີໜ້າຕັກ ກວ້າງ 29 ຊັງຕີແມັດ, ລວງສູງ 42 ຊັງຕີແມັດ, ຫຼໍ່ດ້ວຍຄຳ 100% ຫຼາຍກວ່າ 9 ກິໂລ ກຣາມ, ແຖ່ນພະມີຄວາມສູງ 35 ຊັງຕີແມັດ, ຖ້ານເບື້ອງເທິງ ກວ້າງ 33 ຊັງຕີແມັດ, ເບື້ອງລຸ່ມ ກວ້າງ 15 ຊັງຕີແມັດ, ຫຼໍ່ດ້ວຍ ທອງສຳລິດ ແລະ ຕິດດ້ວຍຄຳ ປິວ 100%

---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com