ມວນຊົນຮ່ວມເຮັດບຸນໃສ່ບາດ ບຸນທາດຫຼວງ

 ໃນຕອນເຊົ້າວັນທີ 3 ພະຈິກ 2017 ມວນຊົນລາວຈາກທົ່ວສາລະທິດ ໄດ້ຫຼັ່ງໄຫລເຂົ້າມາເຮັດບຸນໃສ່ບາດບຸນພະທາດຫຼວງວຽງຈັນປີ2017 ຢ່າງຫຼວງຫຼາຍ ແລະ ຫນາແຫນ້ນກວ່າທຸກປີ.
ເພື້ອເຮັດບຸນໃຫ້ແກ່ພະທາດໂລກກະຈຸລະມະນີ ມໍລະດົກແຫ່ງຊາດ, ສຸດຍອດແຫ່ງຊາດ, ສຸດຍອດສິລະປະ ສະຖາປັດຕະຍະກຳລາວ ທີ່ບັນຈຸພະສາລີ ຣິກະທາດ ຂອງພຣະພຸດທະເຈົ້າ, ເປັນສູນລວມແຫ່ງຈິດວິນຍານ ຂອງຄົນຊາວລາວ ແລະ ໄດ້ກາຍເປັນເຄື່ອງໝາຍຊາດ, ຄັ້ງທຳອິດສ້າງຂຶ້ນ ປີ ພສ 236 ໂດຍການນຳພາ ຂອງຈັນທະບູລີ ປະສິດທິສັກ ຫຼື ບຸລີຈັນ ເຈົ້າເມືອງວຽງຈັນ.

 ທຳອິດມີລັກສະນະຄ້າຍຄື ອຸໂມງ ກວ້າງ 10 ແມັດ, ສູງ 9 ແມັດ ແລະ ສ້າງຕໍ່ເຕີມ ໃນປີ ຄສ 1566 ໂດຍເຈົ້າໄຊຍະເສດຖາທິລາດ ຜູ້ສະຖາປະນາວຽງຈັນ ເປັນນະຄອນຫຼວງ ຂອງອານາຈັກລາວລ້ານຊ້າງ, ຖືກທຳລາຍໃນສະໄໝ ສະຫຍາມ ຮຸກຮານ ແລະ ໄດ້ຮັບການບູລະນະຄືນໃໝ່ເລີ່ມ ແຕ່ປີ 1953 ເປັນຕົ້ນມາ.

 
ຜູ້ຄົນທົ່ວທຸກສາລະທິດຕ່າງກໍ່ປາຖະໜາ ມາຮ່ວມໃນບຸນນະມັດສະການ ພະທາດຫຼວງ ທີ່ມີຂຶ້ນໃນ ວັນເພັງ ເດືອນສີບສອງ ຂອງທຸກໆປີ, ເປັນປາງບຸນປະເພນີ ທີ່ຍິ່ງໃຫ່ຍ, ເຊິ່ງສະແດງ ໃຫ້ເຫັນວັດທະນະທຳ, ປະເພນີອັນດີງາມຂອງລາວ ໂດຍມີພິທີສຳຄັນທາງສາດສະໜາ ເຊັ່ນ: ການແຫ່ຜາສາດເຜິ້ງ, ວຽນທຽນ, ຕັກບາດຖວາຍທານ, ຕີຄີ ແລະ ການສະແດງ ມະໂຫລີສີລະປະວັນນະຄະດີ.

ຂອບໃຈຮູບງາມຈາກ noy saylakham
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com