ວັດໃຈ ແລະ ຄວາມກ້າ ທ້າຂີ່ສະລິງ ຊົມຄວາມງາມ ແລະ ລຶກລັບ ຂອງນໍ້າຕົກຕາດຟານ

ສະບາຍດີເຊົ້າວັນສຸກຫັນສາພາເພີນຂອງຫຼາຍໆຄົນ ເພື່ອໃຫ້ເຂົ້າກັບບັນຍາກາດທ້າຍອາທິດແບບນີ້ຫລາຍໆຄົນຄົງວາງແຜນໄປເລາະໄປທ່ອງໃນວັນເສົາ-ອາທິດ.
ແອັດມີນຈິ່ງຈະພາມາຣີວິວ ອີກຫນຶ່ງກິດຈະກຳການທ່ອງທ່ຽວທີ່ກຳລັງຮິດໃນເວລານິ້ຢູ່ເມືອງປາກຊ່ອງນັ້ນກໍຄື ການຂີ່ສະລິງ ຊົມຄວາມງາມນໍ້າຕົກຕາດຟານ.

 ທີມງານຂີ່ສະລິງອອກໄປ ວັດໃຈ ແລະ ຄວາມກ້າ ເພື່ອຖ່າຍຮູບຄວາມງາມ ລຶກລັບດ້ານລຸ່ມ ຂອງນໍ້າຕົດຕາດຟານ

ຕາດຟານເປັນນໍ້າຕົກຕາດທີ່ງົດງາມທີ່ສຸດແຫ່ງຫນຶ່ງຂອງເມືອງປາກຊ່ອງແຂວງຈຳປາສັກ ເມືອງແຫ່ງນໍ້າຕົກຕາດທີ່ມີຢັງຢາຍນັບສິບໆແຫ່ງໃນເມືອງແຫ່ງນີ້. ດັ່ງນັ້ນຕະຫຼອດຫລາຍປີຜ່ານມາ ຄົນທີ່ເດີນທາງກາຍໄປມາທາງແຂວງຈຳປາສັກ ລ້ວນແລ້ວແຕ່ເຄີຍມາແວ່ສຳຜັດທັງນັກທ່ອງທ່ຽວພາຍໃນແລະຕ່າງປະເທດ . ແຕ່ສິ່ງທີ່ຫລາຍຄົນມາແລ້ວຕັ້ງຄໍາຖາມ ເຮັດຈັງໃດຈັງຈະໄດ້ສຳຜັດກັບຄວາມງາມແບບໃກ້ສິດ ຫລື ລົງໄປເຖິງດ້ານລຸ່ມຂອງນໍ້າຕົກແຫ່ງນີ້ໄດ້ນໍ.

ກຽມຕົວກຽມໃຈ ທ້າຄວາມກ້າກ່ອນລຸຍ

ຫາຍໃຈເຂົ້າ ຫາຍໃຈອອກເລີດກຽມພ້ອມທີ່ຈະໄປເສັ້ນທຳແິດ ຄວາມຍາວປະມານ470ແມັດ ໂອໂຫ...ໄປ

ຈົນໃນທີ່ສຸດ ບໍລິສັດກຣິນດິສໂຄເວີຣີລາວ ໄດ້ຮ່ວມກັບຜູ້ສຳປະທານຕາດຟານ ພັດທະນາສະລິງ ຂຶ້ນມາໃນບໍ່ເທົ່າໃດເດືອນຜ່ານມາ ເພື່ອເປັນກິດຈະກຳໃຫມ່ໃຫ້ສະຖານທີ່ທ່ອງທ່ຽວແຫ່ງນີ້ ດ້ວຍການຂະຫຍາຍຈຸດແຂງຂອງຕາດຟານອອກໄປອີກນັ້ນກໍຄືການພາໃຫ້ນັກທ່ອງທ່ຽວໄດ້ສຳຜັດຄວາມຕື່ນເຕັ້ນ ແລະ ຄວາມງົດງາມຂອງທໍາຊາດ ນໍ້າຕົກຕາດແຫ່ງນີ້.

ໃນໂອກາດເດີນທາງສູ່ດິນແດນ 4 ແຂວງຂອງລາວຕອນໃຕ້ ເມື່ອທ້າຍເດືອນກັນຍາ ເປົ້າໝາຍຫນຶ່ງທີ່ສຳຄັນຂອງທຣິບຄັ້ງນີ້ແມ່ນ ການໄປຂີ່ສະລິງທີ່ນໍ້າຕົກຕາດຟານນັ້ນເອງ ເຊິ່ງທາງພວກເຮົາກໍຂໍຂອບໃຈບໍລິສັດກຣິນດິສໂຄເວີຣີ ທີ່ສະຫນັບສະຫນູນກິດຈະກຳທີ່ຕາດຟານໃຫ້ແກ່ທີມງານຂອງເຮົາ

ສະລິງອິກເສັ້ນທີ່ບໍ່ຍາວປານໃດ ຈາກທັງຫມົດ 4 ເສັ້ນ

ຜູ້ພາທ່ຽວສະແດງທັກສະການຂີ່ສະລິງ

ພວກເຮົາອອກເດີນທາງຈາກນະຄອນຫຼວງວຽງຈັນ ສູ່ແຂວງຈຳປາສັກໃນວັນທີ 25 ກັນຍາ ໂດຍມາຮອດຕົວເມືອງປາກເຊຕອນ5ໂມງແລງຫຼັງຈາກນັ້ນຖ່າຍຮູບຢູ່ພູສ່າເຫຼົ້າເລັກຫນ້ອຍ ພວກເຮົາກໍມຸ່ງຫນ້າສູ່ທີ່ພັກ(ສະບາຍດີວັນເລ ທີ່ເມືອງປາກຊ່ອງທັນທີ).
ຮຸ່ງອາລຸນວັນໃຫມ່ທີ່ສະບາຍດີວັນເລ ອາກາດ ເຢັນສະບາຍ ທ່າມກາງແດດແລະຝົນປ່ຽນໄປປ່ຽນມາ. ຫຼັງຈາກນັ້ນພວກເຮົາກໍມຸ່ງຫນ່້າສູ່ຕາດຟານ ເຊິ່ງຢູ່ຫ່າງຈາກສະບາຍດີວັນເລປະມານ 5 ກິໂລແມັດ ຂັບລົດບໍ່ດົນກໍຮອດ.

ຕອນລອຍໂຕກາງສາຍສະລິງເສັ້ນທຳອິດທີ່ຍາວ470ແມັດ ເພື່ອຖ່າຍຮູບດ້ານລຸ່ມຂອງນໍ້າຕົກ

ຕອນລອຍໂຕກາງສາຍສະລິງເສັ້ນທຳອິດທີ່ຍາວ470ແມັດ ເພື່ອຖ່າຍຮູບດ້ານລຸ່ມຂອງນໍ້າຕົກ ມີກໍສັ່ນ ຫົວໃຈກໍເຕັ້ນໄວຂຶ້ນ ແຕ່ເພື່ອພາລະກິດ ກໍຕ້ອງລຸຍ

ທີ່ຕາດຟານອາກາດໃນມື້ນັ້ນກໍ ມີທັງຝົນຕົກ ນໍ້າໝອກ ແລະ ແສງແດດສາດສ່ອງອອກມາ. ຫລັງຈາກທີ່ກຽມຈິດກຽມໃຈ ແລະ ຮັບຟັງເຕັກນິກການບັງຄັບສະລິງຈາກຜູ້ພາທ່ຽວແລ້ວ ກໍເຖິງເວລາທີ່ຕ້ອງພົບກັບຄວາມທ້າທາຍຕື່ນເຕັ້ນ ແລະ ມ່ວນກັນແລ້ວ...

ຜູ້ຂຽນຕ້ອງຖອນຫາຍໃຈເຂົ້າອອກ ສອງສາມເທື່ອຈິ່ງກ້າ ປ່ອຍຕົວອອກຈາກຈຸດປ່ອຍ; ດ້ວຍຄວາມຍາວຂອງສາຍລະລິງປະມານ470ແມັດ(ເກືອບເຄິ່ງຫຼັກ) ເຮັດໃຫ້ສະລິງນໍາພາໄປໄວພໍສົມຄວນພ້ອມກັບຄວາມຕື່ນຕາຕື່ນໃຈທີ່ໄດ້ເຫັນຄວາມງົດງາມຢູ່ດ້ານລຸ່ມຂອງນໍ້າຕົກແຫ່ງນີ້(ບໍ່ກ້າທີ່ຈະແນມເລີຍ).

ຂຶ້ນນັ້ນໄດເພື່ອໄປສູ່ຈຸດປ່ອຍສະລິງອີກເສັ້ນ

ຂຶ້ນນັ້ນໄດເພື່ອໄປສູ່ຈຸດປ່ອຍສະລິງອີກເສັ້ນ

ຂຶ້ນນັ້ນໄດເພື່ອໄປສູ່ຈຸດປ່ອຍສະລິງອີກເສັ້ນ

ຫຼັງຈາກທີ່ທົດສອບຄວາມກ້າຮອບທໍາອິດຜ່ານແລ້ວ ພວກເຮົາກໍຕັດສິນໃຈອອກມາອີກ ໂດຍໃຫ້ໄກ ພາໄປຢຸດຢູ່ໃນຈຸດທີ່ເຫມາະແກ່ການຖ່າຍຮູບ ແລະ ຊົມຄວາມງົດງາມຂອງນໍ້າຕົກຕາດໃຫ້ອີ່ມຕາອີ່ມໃຈອີກຄັ້ງ ເຊິ່ງຕ້ອງບອກວ່າງົດງາມອີ່້ຫລີ ເສຍດາຍໃນມື້ນໜັ້ມີເວລາຫນ້ອຍແລະສະພາບອາຫກາດບໍ່ອໍອານວຍແານໃດ ຈິ່ງບໍ່ໄດ້ນັ່ງຈິບກາເຟ ກາງສານສະລິງດັ່ງທີ່ເຫັນຫລາຍຄົນຣີວີວ.

ສະລິງຢູ່ນໍ້າຕົກຕາດຟານ ມີທັງຫມົດ 4 ເສັ້ນ ແລະມີການຍ່າງປ່າຕື່ມອີກເລັກຫນ້ອຍ; ໃນນັ້ນເສັ້ນທີ່ເດັ່ນແລະງົດງາມທີ່ສຸດແມ່ນເສັ້ນທີ 1  ຍາວປະມານ470 ແມັດເພາະເຫັນຄວາມງົດງາມຂອງນໍ້າຕົກ ແລະ ທິວທັດອ້ອມຮອບທີ່ຫຼາຍຄົນຢາກຮູ້ມາດົນວ່າເບື້ອງລຸ່ມຂອງນໍ້າຕົກເປັນຄືແນວໃດ?.

ບາງຄັ້ງການອອກໄປຂ້າງນອກທົດລອງແນວໃຫມ່ ກໍເຮັດໃຫ້ເຮົາເຫັນຫຼາຍສິງຫຼາຍຢ່າງ ແລະ ມີຊີວີຊິວາຂຶ້ນຕື່ມ

ກິດຈະກຳນີ້ໃຊ້ເວລາປະມານ 30ນາທີ ໂດຍມີຄ່າບໍລິການໃນໄລຍະນີ້ສຳລັບຄົນລາວແມ່ນ250,000 ກີບ.
ຫາກທ່ານໃດໄດ້ລົງໄປໃຕ້ ຫລື ຢາກໄປຂີ່ສະລິງເບິ່ງຄວາມງົດງາມຂອງນໍ້າຕົກແຫ່ງນີ້ກໍສາມາດເດີນທາງໄປໄດ້.

ນໍ້າຕົດກຕາດຟານຕັ້ງຢູ່ບ້ານຫລັກ38  ຫລື ຫ່າງຈາກຕົວເມືອງປາກເຊໄປຕາມເສັ້ນ ປາກຊ່ອງປະມານ38ກິໂລແມັດ ແລ້ວຈະມີປ້າຍຊີ້ບອກຢູ່ກໍ້າຂວາມື ເດີນທາງໄປອີກປະມານເຄິ່ງຫຼັກກໍຮອດ.

ຫຼັງຈາກຂີ່ສະລິງ4 ເສັ້ນແລ້ວ(ບໍ່ລວມເສັ້ນສັ້ນໆ) ກໍເຖິງເວລາຍ່າງກັບຈຸດເດີ່ມ ເປັນອັນວ່າການຂີ່ສະລິງຊົມຕາດຟານກໍສິ້ນສຸດລວມເວລາກໍປະມານ 20-30 ນາທີ

ຫຼັງຈາກຂີ່ສະລິງ4 ເສັ້ນແລ້ວ(ບໍ່ລວມເສັ້ນສັ້ນໆ) ກໍເຖິງເວລາຍ່າງກັບຈຸດເດີ່ມ ເປັນອັນວ່າການຂີ່ສະລິງຊົມຕາດຟານກໍສິ້ນສຸດລວມເວລາກໍປະມານ 20-30 ນາທີ

ຢູ່ຕາດຟານນີ້ ຍັງມີຣິສອດ ແລະ ຮ້ານອາຫານ ທີ່ເຫມາະແກ່ທ່ານມີມັກນອນຄ້າງຄືນທ່າມກາງ
ທຳມະຊາດ ແລະ ສາຍນໍ້າເພື່ອຕືນເຊົ້າມາຈະໄດ້ສໍາຜັດກັບກິ່ນອາຍທພມະຊາດອັບໍ່ລິສຸດ ເພືອ່ເຄື່ມພະລັງຊີວິດເຫນັຈາກມົກມຸ້ນເຮັດວຽກມາຫຼາຍມື້.

ຄວາມງາມດ້ານລຸ່ມຂອງນໍ້າຕົກຕາດຟານ

ຄວາມງົດງາມຂອງຕາດຟານດ້ານລຸ່ມ ປັດຈຸບັນ ບໍລິສັດກຳລັງສຶກສາຄວາມເປັນໄປໄດ່້ໃນການພັດທະນາການບໍລິການທ່ອງທ່ຽວຢູ່ຈຸດດັ່ງກ່າວ ຄິດວ່າຄົງບໍ່ໄກເກີນໄປຫລາຍຄົນກໍຈະໄປເຖິງຈຸດນັ້ນ

ຄວາມງົດງາມຂອງຕາດຟານ ເມືອງປາກຊ່ອງ ແຂວງຈຳປາສັກ

---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com