ແຂວງຈຳປາສັກເປັນຈຸດໝາຍການທ່ອງທ່ຽວທີ່ສຳຄັນລະດັບຕົ້ນໆຂອງປະເທດດັ່ງນັ້ນການບໍລິການດ້ານທີ່ພັກຢູ່ໃນແຂວງແຫ່ງນີ້ ຈິ່ງມີໃຫ້ເລືອກຢ່າງຫຼວງຫລາຍຕາມເມືອງທ່ອງທ່ຽວທີ່ສຳຄັນທັງປາກເຊ, ຈໍປາສັກ ເມືອງໂຂງ ລວມເຖິງເມືອງປາກຊ່ອງ.
ຈາກທີ່ຕັ້ງອັນເໝາະສົມສະບາຍດີວັນເລ່ ໄດ້ຖືກພັດທະນາ ມາຮອງຮັບນັກທ່ອງທ່ຽວທີ່ເຂົ້າມາ ແຂວງຈຳປາສັກ ກໍຄືເມືອງປາກຊ່ອງ ໃນເນື້ອທີ່50ໄລ່ ໂດຍມີຈຸດເດັ່ນທີ່ການອອກແບບສະຖານທີ່, ຫ້ອງພັກເປັນແບບວິນລາ ແລະ ສວນດອກໄມ້ທີ່ງົດງາມ ເຮັດໃຫ້ຜູ້ມາພັກຜ່ອນຮູ້ສຶກສະບາຍ ແລະ ຜ່ອນຄາຍ ເຮັດໃຫ້ມື້ພັກຜ່ອນທ່ອງທ່ຽວ ເຕັມໄປດ້ວຍຄວາມສຸກ.
ກ້າວທໍາອິດທີ່ແອັດມີນ ຍ່າງເຂົ້າສະບາຍດີວັນເລ່ ກໍເໝືອນມີມົນສະເຫນດຶງດູດໃຫ້ຢາກພັກກາຍ
ຜ່ອນໃຈຢູ່ສະຖານທີ່ແຫ່ງນີ້ດົນໆ.
ແມ່ນຫຍັງຄືຈຸດເດັ່ນຂອງສະບາຍດີວັນເລ່ ຈາກການໄດ້ນອນພັກຢູ່ທີນີ້ 2 ຄືນ ຈິ່ງຢາກສະຫລຸບ 5 ຈຸດເດັ່ນທີ່ເໝາະແກ່ການມາພັກຜ່ອນທີ່ນີ້ດັ່ງນີ້
1. ການຕົກແຕ່ງສະຖານທີ່ໂດດເດັ່ນ
ນັບແຕ່ການອອກແບບຕົກແຕ່ງຂອງທີ່ພັກ ແລະ ສວນດອກໄມ້ ເຮັດໃຫ້ເມື່ອຍ່າງກ້າວເຂົ້າມາ
ແລ້ວຮູ້ສຶກອົບອຸ່ນ ແລະ ມີມົນສະເຫນ່ເຮັດມໃຫ້ຢາກຢຸດພັກຜ່ອນຢູ່ທີ່ນີ້ດົນໆ ທ່າມກາງ
ກິ່ນອາຍທໍາມະຊາດ ນັ່ງຈິບກາເຟ ຊົມຕາເວັນຂຶ້ນສົ່ງແສງອະຫຼ່າມຍາມເຊົ້າອັນງົດງາມ
2. ຫ້ອງພັກ
ສະບາຍດີວັນເລ່ເນັ້ນການອອກແບບຫ້ອງທີ່ບອກວ່າຖືກໃຈເລີຍ ພາຍໃນບັນຍາກາດແບບວິນລາ ມີຄວາມເປັນສ່ວນຕົວ ພ້ອມສິ່ງອໍານວຍຄວາມສະດວກໃນຫ້ອງທີ່ຄົບເຄື່ອງ ເຮັດໃຫ້ສາມາດມາ
ພັກຜ່ອນແບບກຸ່ມໃຫຍ່ ຫລື ຄອບຄົວໄດ້ເລີຍ ໂດຍມີໃຫ້ເລືອກຫລາກຫຼາຍແບບຈາກຈຳ
ນວນ26ຫລັງໃນນັ້ນຫາກເປັນຄອບຄົວໃຫຍ່ກໍເອົາແບບ ວິນລາຄູ່ ຫລື ຟູລວິນລາທີ່ມີສະລອຍ
ນໍ້າສ່ວນຕົວ ກາຍແຈ້ງຊົມແສງແດດແລະສາຍໝອກ. ສ່ວນລາຄາ ກໍຖືວ່າເຫມາະສົມ ໄປທາງຂ້ອນຂ້າງວ່າຄຸ້ມດ້ວຍຊໍ້າ ກັບສິ່ງອໍານວຍຄວາມສະດວກ ແລະ ບັນຍາກາດທີ່ມີ.
ນອກນັ້ນທີ່ນີ້ຍັງມີລານກິດຈະກຳທີ່ກວ້າງຂວາງທີ່ເຫມາະແກ່ການນອນເຕັ້ນທ້າຄວາມຫນາວ
ນຳອີກ
3.ສວນດອກ ແລະ ພື້ນທີ່ກວ້າງຂວາງ
ສະບາຍດີວັນເລ່ ເນັ້ນການອອກແບບຕົກແຕ່ງສາວໃຫ້ມີພື້ນທີ່ສີຂຽວ, ສວນດອກໄມ້ ລານກິດຈະກຳ ເມື່ອຕື່ນເຊົ້າກໍສາມາດເອົາລົດຖີບຂີ່ອ້ອມບໍລິເວນສະບາຍດີວັນເລ ເປັນການອອກກຳລັງກາຍແລະ
ສູບອາກາດບໍ່ລິສຸດເຂົ້າປອດ.
4. ບັນຍາກາດດີ ທີ່ພັກເປັນຈຸດໃຈກາງ
ບັນຍາກາດທີ່ນີ້ດີບໍ່ໜາວເກີນໄປອຸ່ນຫະພູມພໍດີ ຫາກຂຶ້ນໄປເຖິງຕົວປາກຊ່ອງອາກາດຈະເຢັນຫຼາຍ ເຮັດສາມາດພັກຢູ່ທີ່ນີ້ໄດ້ຢ່າງອົບອຸ່ນ. ອັນສໍຄັນອີກຖືວ່າເປັນຈຸດໃຈກາງໃນການຈະໄປທ່ອງທ່ຽວຈຸດອື່ນໆ ເຊັ່ນຂຶ້ນໄປບັນດານໍ້າຕົກຕາດຕ່າງຢູ່ເມືອງປາກຊ່ອງ ອີກ3ກິໂລແມັດກໍຮອດຕາດອີ່ຕູ້ ຕາດດ້ວຍ ຕາດຟານແລະຕາດເຍືອງ ຫລື ຈະລົງໄປທາງສາລະວັນ ກໍຫ່າງຈາກທາງແບ່ງຫຼັກ21 ບໍຮອດ 10ກິໂລ ແລະ ຫ່າງປາກເຊກໍພຽງ33ກິໂລແມັດ
ແນ່ນອນສຳລັບການທ່ອງທ່ຽວພັກຜ່ອນ ອາຫານການກິນ ຖືວ່າເປັນປັດໄຈສຳຄັນຂອງຫລາຍໆຄົນ ແລະ ສະບາຍດີວັນເລ່ ທີ່ມີຈຸດເລີ່ມຈາກຮ້ານອາຫານ. ດັ່ງນັ້ນທີ່ນີ້ ຈິ່ງມີລາຍການອາຫານທີ່ຫຼາກ
ຫລາຍ ແລະໃຫ້ເລືອກນັບແຕ່ອາຫານທີພື້ນບ້ານຈົນເຖິງອາຫານຢູໂຣບ, ນອກນັ້ນຍັງມີຮ້ານກາເຟ ທີ່ທ່ານໃດມາປາກຊ່ອງແລ້ວບໍ່ຄວນພາດທີ່ຈະລອງແລະຊີມ; ຫລື ເມື່ອຈະໂງໂຄ້ງຕ່າວເມືອກໍແວ່ຮ້ານ
ຂາຍເຄື່ອງທີ່ລະນຶກ ຊື້ສິ່ງຂອງເມືອຕ້ອນຄົນຮັກ ແລະ ຄອບຄົວ.
ສະບາຍດີວັນເລ່ເລີ່ມຕົ້ນຈາກຮ້ານອາຫານເພື່ອຫວັງພຽງສ້າງໃຫ້ພໍ່ຄ້າ, ນັກລົງທຶນ ແລະ ນັກທ່ອງທ່ຽວ ໄດ້ມີບ່ອນຝາກທ້ອງ ຕໍ່ຈາກນັ້ນກໍໄດ້ສ້າງຫ້ອງພັກໃນແບບວິນລາ (Deluxe) ປັດຈຸບັນມີ 26 ຫຼັງ.
ສະບາຍດີວັນເລ່ຕັ້ງຢູ່ຫຼັກ 33 ຖະໜົນເລກທີ16 ເມືອງ ປາກຊ່ອງ ແຂວງຈຳປາສັກ. ຫາກທ່ານມີ
ແຜນໄປທ່ຽວພາກໃຕ້ກໍຍ່າລື່ມແວ່ພັກ ຫລື ເຊັກອິນໄດ້ທີ່ສະບາຍດີວັນເລ; ຫລື ສາມາດເຂົ້າໄປເບິ່ງ
ຂໍ້ມູນເພີ່ມຕື່ມໄດ້ທີ່ເວັບໄຊ: www.sabaideevalley.com.
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
