ແຂວງຄຳມ່ວນ ເປັນແຂວງຫນຶ່ງທີ່ທ່າແຮງໃນການບໍລິການທ່ອງທ່ຽວ ເນື່ອງຈາກເປັນແຂວງທີ່ມີຖໍ້າທີ່ມີຊື່ສຽງ, ສະຖານທີ່ປະຫວັດສາດ ແລະ ພູຜາອັນງົດງາມ. ສະຖິຕິໃນປີ2015 ມີສະຖານທີ່ທ່ອງທ່ຽວເຖິງ198ແຫ່ງ ເຊີ່ງມື້ນີ້ ຈະພາມາຮູ້ຈັກ ຈຸດຊົມວິວຢູ່ຖໍ້າຊ້າງ
ຖໍ້າຊ້າງຕັ້ງຢູ່ຫນ້າຜາບໍລິເວນບ້ານຖໍ້າ ເມືອງທ່າແຂກແຂວງຄໍາມ່ວນ ຫ່າງຈາກເທດສະບານແຂວງປະມານ8 ກິໂລແມັດຕາມເັ້ນທາງເລກທິ12. ຢູ່ພາຍໃນຖໍ້າມີຫີນປູນຄ້າຍຄືຊ້າງເລີຍໄດ້ຊື່ວ່າຖໍ້າຊ້າງ.ໃນຖໍ້າຍັງມີພະພຸດທະຮູບ ແລະ ຮຸບປັ້ນຕ່າງໆ
ໍ
ຈຸດເດັ່ນຂອງຖໍ້າຊ້າງ ແມ່ນມີເສັ້ນທາງຂຶ້ນໄປສູ່ຈຸດຊົມວິວ ໂດຍຍ່າງລຽບຕາມຜາຫີນ ຂັນໄດໄມ້
ປະມານ 20ນາທີ່ຫໍຮອດຈຸດເຊິ່ງເບື້ອງລຸ່ມແມ່ນທົ່ງນາອັນກວ້າງໃຫຍ່ ແລະ ສາຍນໍ້າຂອງທີ່ຢູ່ໄກອອກໄປ.
ຢ່າງໃດກໍຕາມການຂຶ້ນຈຸດຊົມວິວນີ້ແມ່ນມີຄວາມຫຍຸ້ງຍາກສົມຄວນ ແລະ ຍັງບໍ່ໄດ້ຮັບການພັດທະນາທີ່ດີພໍ ສະນັ້ນຜູ້ທີ່ຂຶ້ນໄປເຖິງຖືວ່າມີຫນ້ອຍ ແລະ ຮູບຊຸູດນີ້ທີມງານຂອງພວກເຮົາກໍຂຶ້ນໄປຖ່າຍແຕ່ປີ2014 ເຊິ່ງບໍ່ຮູ້ວ່າປັດຈຸບັນໄດ້ມີການປັບປຸງຫຍັງຕື່ມ ແຕ່ຫາກມີການພັດທະນາຕື່ມ ກໍພໍມີທ່າແຮງຢູ່ ໂດຍສະເພາະສຳລັບນັກທ່ອງທ່ຽວທີ່ມັກຄວາມທ້າທາຍ.
ທີ່ຕັ້ງ: ແຂວງຄໍາມ່ວນເປັນແຂວງໜຶ່ງຂອງ ສາທາລະນະລັດປະຊາທິປະໄຕປະຊາຊົນລາວຕັ້ງຢູ່ພາກກາງຂອງປະເທດ,ນອນຢູ່ໃນເສັ້ນຂະໜານທີ 16° 70΄ເຖິງ 18°00΄ ແລະເສັ້ນແວງທີ 104°ເຖິງ 105°, ຫ່າງຈາກນະຄອນຫລວງວຽງຈັນໄປທາງທິດໃຕ້ປະມານ 360 ກິໂລແມັດ (Km) ເຊິ່ງເປັນຈຸດທີ່ແຄບທີ່ສຸດໃນແຜນທີ່ ສປປ ລາວ, ນັບແຕ່ຊາຍແດນຕາເວັນຕົກ(ແມ່ນ້ຳຂອງ)ຫາຊາຍແດນຕາເວັນອອກ (ລາວ-ຫວຽດນາມ ພຽງ 145 ກິໂລແມັດ, ມີເນື້ອທີ່ທັງໝົດ 16.315 ກມ2, ທິດເໜືອຕິດກັບແຂວງ ບໍລິຄໍາໄຊມີຄວາມຍາວ 162ກມ, ທິດໃຕ້ຕິດກັບແຂວງສະຫວັນນະເຂດ ມີຄວາມຍາວ 174 ກມ, ທິດຕາເວັນອອກຕິດກັບແຂວງກວາງບິ່ງ ແລະ ຮ່າຕິງ ສສ ຫວຽດນາມ ມີເສັ້ນຊາຍແດນຮ່ວມກັນຍາວ 237 ກມ ແລະ ທິດຕາເວັນຕົກ ຕິດກັບ ຈັງຫວັດນະຄອນພະນົມ ລາຊອາຈັກໄທມີຊາຍແດນຮ່ວມກັນ153 ກມ
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
