ຄູອາບາ-ອ້າຍຈົວ ຢູ່ແຂວງຊຽງຂວາງ ເຊິ່ງນຳໂດຍ ຄູບາ Sengthong Phimmasone ຈາກວັດໄຫຫິນມີໄຊຍະຣາມ ໄດ້ພ້ອມພາປະຊາຊົນເຂົ້າໄປປົວປແປງວັດຮ້າງທີ່ຖືກປ່ອຍປະມາຫຼາຍຮ້ອຍປີ ຢູ່ບ້ານວຽງນາຄວນ ເຂດລາດບວກ ເມືອງແປກ ແຂວງຊຽງຂວາງ.
ວັດພູກະດີຄອງ ຢູ່ບ້ານວຽງນາຄວນ ເຂດລາດບວກ ເມືອງແປກ ແຂວງຊຽງຂວາງ ເປັນວັດເກົ່າແກ່ ບໍ່ມີຍາຄູ ຖືກປ່ອຍປະຮ້າງມາ300ປີ ເຊິ່ງປັດຈູບັນ ຍັງມີຮ່ອງຮອຍພະພຸກດທະຮູບໃຫຍ່ຫລົງເຫລືອຢູ່ ຫາກປ່ອຍປະໄປດົນອາດສູນເສຍໄປ.
ດັ່ງນັ້ນຄູບາ Sengthong Phimmason ຈິ່ງນຳພາຈົວນ້ອຍແລະປະຊາຊົນເຂົ້າໄປບູລະນະໃນເບື້ອງຕົ້ນ ເຮັດຫໍພຣະ ຈາກນັ້ນກໍຈະໄດ້ເປີດໜ້າທາງ ເພື່ອໃຫ້ລົດໃຫຍ່ຂຶ້ນເມືອໄດ້.
ຄູບາ Sengthong Phimmason ຍັງບອກອີກວ່າ:
ຖ້າມີສັດທາມາເລື້ອຍໆ ກໍຈະໄດ້ ເອົາໄຟຟ້າເຂົ້າ ເອົານໍ້າລິນລົງມາ ສ້າງຫ້ອງນ້ຳ ສ້າງສາລາ ຕາມອົງປະກອບຂອງວັດ.
ແຕ່ໃນເບື້ອງຕົ້ນແມ່ນກຳລັງດຳເນີນການປົວແປງແທ່ນພະອົງໃຫຍ່ທີ່ເກົ່າແກ່. ພ້ອມນັ້ນກໍກຽມເປີດບັນຊີລວມເພື່ອລະດົມທຶນໃນການບູລະນະ.
ພະພຸດທະຮູບອົງເກົ່າແກ່ນີ້ສັນນິຖານເບື້ອງຕົ້ນຄາດວ່າຈະສ້າງຂຶ້ນໃນສະໄຫມເຈົ້າລ້ານຄຳກອງ ປົກຄອງເມືອງພວນ ເຊິ່ງຄູບາ Sengthong Phimmasone, ໃຫ້ຂໍ້ມູນອີງຕາມເອກະສານທີ່ກ່າວເຖິງເຈົ້າລ້ານຄຳກອງປົກຄອງເມືອງພວນແມ່ນມີອາຍຸບໍ່ຄໍ່າກວ່າ600ປີ ແຕ່ຍັງບໍມີການຢັ້ງຢຶນທີ່ຊັດເຈນວ່າວັດແຫ່ງນີ້ຖືກສ້າງຂຶ້ນເມື່ອໃດຕ້ອງໄດ້ສຶກສາຄົ້ນຄວ້າຄວາມເປັນມາຕື່ມອີກຈັງຈະເປັນທີ່ຊັດເຈນ.
ແຫລ່ງທີ່ມາຈາກSengthong Phimmasone
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
