ພຣະພຸດທະຮູບເກົ່າແກ່ຢູ່ຂ້າງທາດດຳ ປັດຈຸບັນປະດິດສະຖານຢູ່ວັດພຣະທາດຝຸ່ນ

ອີງຕາມຂໍ້ມູນຈາກເຟຈ Art and Culture of Laosໃຫ້ຮູ້ວ່າ: ພຣະພຸດທະຮູບປາງຢືນຫ້າມຍາດ ເນື້ອທອງສຳຣິດ ທີ່ເຄີຍປະດິດສະຖານຢູ່ຂ້າງພຣະທາດດຳ ນະຄອນຫລວງວຽງຈັນ ມາແຕ່ອະດີດ ແລະເຄີຍເຫັນໃນຍຸກປີ ຄສ 1930 ເຊິ່ງນັບວ່າເປັນພຣະພຸດທະຮູບທີ່ມີຫລັກຖານຮູບພາບໃຫ້ເຫັນອົງດຽວ ໃນບໍລິເວນອ້ອມພຣະທາດດຳນີ້ ປະຈຸບັນນີ້ຫລາຍໆ ຄົນກໍ່ມີຄຳຖາມວ່າ ນຳໄປປະດິດສະຖານຢູ່ບ່ອນໃດແລ້ວ ?

 ມື້ນີ້ ຈະນຳພາມານະມັດສະການພຣະທອງສຳຣິດ ປາງຫ້າມຍາດອົງນີ້ກັນ ຫລັງຈາກປີ ຄສ 1930s ມີການບູຣະນະປະຕິສັງຂອນໃຫ້ມີສະພາບກັບຄືນມາແລ້ວ ພຣະພຸດທະຮູບອົງນີ້ຖ້າປະປ່ອຍຕັ້ງຕາກແດດ ຕາກຝົນແບບເກົ່ານີ້ກໍ່ຄົງຈະບໍ່ດີ ເປັນແນ່ແທ້ ດັ່ງນັ້ນ ເພິ່ນຈຶ່ງພ້ອມພາກັນຍົກຍ້າຍພຣະພຸດທະຮູບອົງນີ້ໄປປະດິດສະຖານໄວ້ທີ່ວັດທາດຝູ່ນ ຈົ່ງມາຮອດທຸກມື້ນີ້

ເມື່ອປະມານ 10 ປີທີ່ຜ່ານມາ ທາງວັດເພິ່ນກໍ່ໄດ້ຫລໍ່ພຣະພຸດທະຮູບທອງສຳຣິດ ທີ່ມີຫນ້າຕາ ນ້ຳຫນັກ ພຸດທະລັກສະນະຄ້າຍຄືກັນກັບພຣະພຸດທະຮູບປາງຫ້າມຍາດທີ່ນຳມາຈາກພຣະທາດດຳນັ້ນ ຂຶ້ນໃຫມ່ ແລະໄດ້ຕັ້ງໄວ້ຂ້າງພຣະປະທານພາຍໃນສາລາໂຮງທັມຂອງວັດທາດຝຸ່່ນ ແຫ່ງນີ້.

ຜູ້ໃດໄດ້ໄປວັດທາຕຸຝຸ່ນ ລອງເຂົ້າໄປເບິ່ງວ່າ ພຣະພຸດທະຮູບປາງຫ້າມຍາດ ທີ່ຢູ່ດ້ານຂວາ ຫລືດ້ານຊ້າຍ ອົງໃດ ເປັນພຣະທີ່ຫລໍ່ຂຶ້ນມາໃຫມ່ ແລະອົງໃດເປັນພຣະພຸດທະຮູບທີ່ນຳມາຈາກພຣະທາດດຳ ? ຖ້າໄດ້ຄຳຕອບແລ້ວຢ່າລືມມາບອກກ່າວກັນແດ່ເດີ.

                                     

ຮູບພາບແລະຂໍ້ມູນຈາກ Art and Culture of Laos
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com