ຖ້ຳສະຫວັນຮັກແມ່ນຕັ້ງຢູ່ຫ່າງຈາກເທດສະບານເມືອງໄຊຍະບູລີໄປທາງທິດເໜືອປະມານ 12 ແມັດ ແລະ ຫ່າງ ຈາກບ້ານຫ້ວຍຊ່າວໄປຫາຈຸດຖ້ຳປະມານ 2 ແມັດ ກວ່າ,ເປັນເສັ້ນທາງດີນແດງ.ຂອບເຂດບໍລິເວນຖ້ຳມີເນືອທີປະມານເກືອບ 2 ເຮັກຕາ.
ຕາມການເລົ່າຂານເຊື່ອຖືຂອງເຖົ້າແກ່ ບ້ານຫ້ວຍຊ່າວຕໍ່ທີມງານຂ່າວ ແຂວງໄຊຍະບູລີວ່າ ຖ້ຳດັ່ງກ່າວໃນເມື່ອກ່ອນເຄີຍເລົ່າລືກັນວ່າ ຖ້ຳລະຄັງສະຫວັນຍ້ອນວ່າຢູ່ໃນຖ້ຳມີກ້ອນຫີນໃຫຍ່ໜ່ວຍໜຶ່ງຕັ້ງຢູ່ຈຸດປາກຖ້ຳໃນສູງປະມານ 2 ແມັດເມື່ອເອົາກ້ອນຫີນເຄາະຈະດັງຄືກັບສຽງລະຄັງແຕ່ວ່າຈະເຖິງຈຸດລະຄັງແມ່ນຈະເຫັນຮູບຄ້າຍຄືກັບອະໄວຍະວະເພດຂອງເພດຊາຍ ຖັດໄປປະມານ 4 ແມັດຈະເຫັນເປັນຖານບູຊາດອກ. ອອກຈາກນັ້ນໄປຈະເປັນຖ້ຳສູງປະມານ 20 ກ່ວາແມັດກວ້າງ 7 ແມັດເລີກເຂົ້າໄປປະມານ 10 ແມັດຖືວ່າເປັນບ່ອນທີ່ຢູ່ຂອງເຈົ້າຖີ່ນເຈົ້າຖານ, ທັດໄປປະມານ 10 ແມັດ ຈະຮອດຖ້ຳລະ ຄັງສະຫວັນ.
ອອກຈາກຖ້ຳລະຄັງສະຫວັນໄປປະມານ 7 ແມັດ ຈະເຫັນບ່ອນຊົມວິວຂອງເຈົ້າຖີນເຈົ້າຖານ - ທັດໄປປະມານ 4 ແມັດຈະເຫັນຮູບແບບຫົວໃຈສອງດວງເພີນເອີ້ນວ່າ ຫົວໃຈສະຫວັນຮັກ.ທັດໄປປະມານ 10 ແມັດຈະເຫັນຖ້ຳລັກສະນະຄ້າຍຄືກັບງວງຊ່າງຢູ່ໃນຖ້ຳສູງປະມານ 3 ແມັດ.ກວ້າງເກືອບ 1 ແມັດຕັ້ງຢູ່ໃນຖ້ຳຈຶ່ງເອີ້ນກັນວ່າ ຖ້ຳງວງຊ້າງນອກຈາກນັ້ນໃນສະຖານທີ່ອອມຮອບຂອງຖ້ຳແມ່ນຈະເຫັນທຳມະຊາດປ່າໄມ້ຫີນຜາເກາະກ່າຍກັນຍາວຍຽດໃນສະຖານທີ່ແຫ່ງນີ້ຍັງມີສາຍນ້ຳຫ້ວຍໄຫຼຜ່ານຕະຫຼອດປີຟັງສຽງນ້ຳຕົກຕາດປະສານກັບສຽງຝຸງສັດກູນາຮ້ອງສົ່ງຟັງແລ້ວເປັນໜ້າສະອ່ອນໃຈ.
ເມື່ອທ່ານໃດມາທ່ຽວຖ້ຳແຫ່ງນີ້ແລ້ວຈະໄດ້ເຫັນ ແລະ ສຳພັດກັບທຳມະຊາດທີ່ສວຍສົດງົດງາມອາກາດເຢັນສະບາຍພ້ອມນີ້ທ່ານຈະຍັງໄດ້ທ່ຽວຊົມສີນຄ້າຫັດຖະກຳທີ່ເປັນເອກະລັກຂອງຊາວບ້ານຫ້ວຍຊ່າວນັ້ນ ກໍ່ຄືຕັ່ງຫວາຍໂດຍນຳໃຊ້ເສັ້ນຫວາຍມາສານເປັນຕັ່ງເໝາະແກ່ການຊື້ເປັນຂອງຕ້ອນຂອງຝາກໃຫ້ໝູ່ຄູ່ເພື່ອນມິດສະຫາຍອີກດ້ວຍ.
ສະຖານທີ່ທ່ອງທ່ຽວແຫ່ງນີ້ພ້ອມແລ້ວໃນການຕ້ອນຮັບນັກທ່ອງທ່ຽວ ໃນໂອກາດແຂວງໄຊຍະບູລີຈະເປິດ ປີທ່ອງທ່ຽວປີ 2018 ແລະ ງານມະຫາກຳບຸນຊ້າງເຊິ່ງຈະໄດ້ຈັດຂື້ນໃນວັນທີ 17 ກຸມພາ ປີ 2018ນີ້ຫຼັງຈາກນັ້ນການນຳຂອງເມືອງໄຊຍະບູລີ ແລະ ແຂວງໄຊຍະບູລີ ກໍ່ຈະໄດ້ຮ່ວມກັນເປິດຖ້ຳສະຫວັນຮັກເປັນບ່ອນທ່ອງທ່ຽວຢ່າງເປັນທາງການເຊັ່ນດຽວກັນ.
ຂ່າວ: ບຸນທີ,ໄຊຍະບູລີ
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
