ສີສັນ ງານບຸນກິນຈຽງເຜົ່າມົ້ງ ເມືອງລ້ອງຊານ ແຂວງໄຊສົມບູນ

ປະເພນີບຸນກິນຈຽງ ຂອງພີ້ນ້ອງຮ່ວມຊາດເຜົ່າມົ້ງ ເຂດບ້ານຄອນວັດ ເມືອງລ້ອງຊານ ແຂວງໄຊສົມບູນ ພິທີເລີ່ມຕັ້ງແຕ່ວັນທີ່ 17-24/12/2017 ເຊິ່ງປີນີ້ເປັນປີທຳອິດທີ່ ມີການຈັດຂຶ້ນທີ່ເຂດບ້ານຄອນວັດ ເພາະເປັນສະຖານທີ່ກວ້າງຂວາງ ຮົ່ມເຢັນ ທັດສະນີຍະພາບງົດງາມ ມີລານເດິ່ນກ້ອງຮົ່ມໄມ້ ໃຫ້ບັນດາສາວໆ ບ່າວໆ ໄດ້ພາກັນໂຢນຫມາກຄອນກັນ ພ້ອມນັ້ນຍັງມີເວທີ່ສິລະປະ ຕ່າງໆຄື : ຟ້ອນ ຂັບມົ້ງ ເປົ່າແຄນ ເປົ່າຂຸ່ຍໆໆໆ... 

 ທຸກໆຕອນເຊົ້າກໍ່ຈະມີການຊົນງົວກັນທີ່ລານເດີນກວ້າງ ດ້ານຂ້າງຂອງສະຖານທີ່ແຫ່ງນີ້ ໃນແຕ່ລະມີ້ແມ່ນມີຄົນມາຮ່ວມບຸນກິນຈຽງເປັນຈຳນວນຫລາຍ ນອກນັ້ນກໍ່ມີການຈັດກງານຕະຫລາດນັດຂາຍສິນຄ້າ ອາຫານ ເຄື່ອງຫລິ້ນເດັກນ້ອຍ ໃນສະຖານແຫ່ງນີ້ອີກດ້ວຍ .

 ເມືອງລ້ອງຊານເປັນເມືອງທີ່ມີເນື້ອທີ່ ກວ້າງຂວາງ ເຊິ່ງມີທີ່ຕັ້ງຢູ່ທິດໃຕ້ ຫ່າງຈາກເທດສະບານແຂວງໄປປະມານ 88 ກິໂລແມັດ, ມີເຂດແດນຕິດກັບບັນດາເມືອງອ້ອມຂ້າງຄື:
- ທິດເໜືອ ຕິດກັບເມືອງອະນຸວົງ( ເມືອງເອກຂອງແຂວງໄຊສົມບູນ )
- ທິດໃຕ້ຕິດກັບເມືອງທຸລະຄົມ ຂອງແຂວງວຽງຈັນ ແລະ ເມືອງທ່າພຣະບາດ ແຂວງບໍລິຄຳໄຊ
- ທິດຕາເວັນອອກຕິດກັບເມືອງຮົ່ມ
- ທິດຕາເວັດຕົກ ຕິິດກັບ ເມືອງແກ້ວອຸດົມ ແຂວງວຽງຈັນ

ການເດິນທາງໄປເມືອງລ້ອງຊານ ຄັ້ງນີ້ແມ່ນເດີນທາງຈາກນະຄອນຫລວງໄປຕາມເສັ້ນທາງເລກທີ່ 13 ໃຕ້ ຈົນຮອດເມືອງທ່າພຣະບາດ ເຂດທ່າບົກ ແລ້ວລ້ຽວ ເຂົ້າໄປທາງຂວາ ທາງຈະໄປຕາດເລີກ ປະມານ 50-60 ກິໂລແມັດ ຈຶ່ງຮອດເມືອງລ້ອງຊານ ນັບແຕ່ທາງແຍກເລກທີ່ 13 ໃຕ້ເຂົ້າໄປ ເສັ້ນທາງມີເປັນບາງບ່ອນ ທີ່ເປັນດິນແດນ ແລະບາງບ່ອນເປັນທາງປຸຢາງ ກ່ອນຈະເຂົ້າຮອດເມືອງລ້ອງຊານ ເສັ້ນທາງກໍ່ປູຢາງ ການເດິ່ນທາງໄປ ຈະໃຊ້ເວລາປະມານ 2-3 ຊົ່ວໂມງກໍ່ຮອດແລ້ວ ທີ່ສຳຄັນຜູ້ໃດຈະໄປທ່ຽວ ກໍ່ຕ້ອງມີການຕິດຕໍ່ບັນດາເຮືອນພັກໄວ້ລ້ວງຫນ້າກ່ອນເດີ ເພາະເຮືອນພັກມີນ້ອຍ ໃນໄລຍະບຸນແບບນີ້ ແມ່ນເຕັມ.

ບົດແລະຮູບໂດຍ: Houmphet Manisouk
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com