ຈຸດຊົມວີວພູຜາຫມ່ານ ເມືອງຄູນຄຳ ແຂວງຄຳມ່ວນ ທີ່ຄວນມີການປັບປຸງພັດທະນາການບໍລິການໃຫ້ຫຼາກຫຼາຍຂຶ້ນ

 ຈຸດຊົມວິວພູຜາຫມ່ານ ຫ່າງຈາກ ບ້ານນາຫີນ ເມືອງຄຸນຄຳ ແຂວງຄຳມ່ວນ ປະມານ 10 ກມ ໄປທາງທິດຕາເວັນຕົກ ຕາມເສັ້ນທາງເລກທີ 8 ເຊິ່ງເປັນຈຸດຊົມຄວາມງົດງາມທາງທຳມະຊາດສ້າງຂຶ້ນ ເຊິ່ງໃນບໍລິເວນນີ້ຈະສາມາດແນມເຫັນຫີນໜາມໜໍ່ ທີ່ເກີດຂຶ້ນເປັນເວລາຫຼາຍລ້ານປີ.

ໜ້າຜາ, ຮອຍແຍກແຕກແຮງ, ຮອງຫີນປູນ ທີ່ເກີດຈາກຂະບວນການທາງທໍລະນີນີ້ ຍັງສາມາດເປັນບ່ອນລີ້ຊ້ອນຂອງສັດສາວາສິ່ງທີ່ສາມາດປັບຕົວເຂົ້າກັບບໍລິເວນນີ້ໄດ້

 ທີ່ນີ້ຈະເປັນຈຸດພັກຂອງນັກເດີນທາງທີ່ມັກແວ່ພັກຊົມຄວາມງົດງາມຂອງທຳມະຊາດ. ຢ່າງໃດກໍຕາມໃນປີທ່ອງທ່ຽວລາວ2018 ຄວນມີການປັບປຸງພັດທະນາຕື່ມ ເພາະໃນແຕ່ລະມື້ມີຄົນກາຍທາງຈອດລົດຜັກຜ່ອນຢູ່ຈຸດນີ້ຫລາຍສົມຄວນນໍ ໂດຍສະເພາະກໍແມ່ນຜູ້ທີ່ຈະໄປທ່ຽວຖໍ້າກອງລໍ ກໍມັກມາແວ່ຢູ່ຈຸດນີ້.

ປັດຈຸບັນມີທັງໝົດ 198 ແຫ່ງ, ໃນນັ້ນມີແຫລ່ງທ່ອງທ່ຽວທາງທຳມະຊາດ 139 ແຫ່ງ, ທາງປະຫວັດສາດມີ 29 ແຫ່ງ ແລະ ທ່ອງທ່ຽວທາງວັດທະນະທຳມີ 30 ແຫ່ງ, ພ້ອມນັ້ນຢູ່ແຂວງຄຳມ່ວນຍັງມີການທ່ອງທ່ຽວຢ້ຽມຊົມວິຖີຊີວິດຂອງປະຊາຊົນ ບັນດາເຜົ່າຢູ່ແຕ່ລະເມືອງນຳອີກ

 ຮູບໂດຍ: anouphon phomhacsar
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com