ສີພັນດອນ ສີສັນແຫ່ງລາວໃຕ້ ຖ່າຍທອດຜ່ານເລນກ້ອງໂດຍAnouphon Phomhacsar

ສີພັນດອນ ເປັນຊື່ທີ່ພວກເຮົາໄດ້ຍິນມາແຕ່ນ້ອຍທີ່ເປັນຕົວແທນເອີ້ນດອນນັບພັນກາງແມ່ນ້ຳຂອງທາງພາກໃຕ້ຂອງລາວ ແລະໃນຕອນນີ້ຂ້ອຍ(Anouphon Phomhacsar)ໄດ້ໄປສຳພັດກັບມັນແລະຖ່າຍທອດອອກມາຜ່ານເລນ ວິຖີຊີວິດຂອງຊາວດອນກາງແມ່ນ້ຳຂອງ ດອນເດດແລະດອນຄອນເປັນອີກແຫຼ່ງທ່ອງທ່ຽວທີ່ສະຫງົບງຽບເໝາະແກ່ການພັກຜ່ອນຍາວໆສຳພັດວິຖີຊີວິດຊາວບ້ານທີ່ຍັງຄົງຢູ່ກັບການດຳລົງຊີວິດ.

 ໃນຮູບນີ້ກໍ່ຈະມີບາງສະຖານທີ່ທ່ອງທ່ຽວທີ່ຄົນລາວຍັງບໍ່ເຄີຍເຫັນຫຼືໄປບໍ່ຮອດເທື່ອເພາະຈາການສອບຖາມຊາວບ້ານກໍ່ຈະມີແຕ່ນັກທ່ອງທ່ຽວຕ່າງປະເທດໄປຮອດ ລອງມາສຳພັດກັບຄວາມສວຍງາມຂອງບ້ານເຮົາເບີ່ງເດີແລ້ວທ່ານຈະຮູ້ວ່າບ້ານເຮົາຍັງມີຫຼາຍສີ່ງໃຫ້ຄົ້ນຫາຍັງບໍ່ສິ້ນສຸດ.

 ມະຫານະທີ ສີພັນດອນ ເຂດເມືອງໂຂງ ແຂວງຈຳປາສັກ ໄດ້ກາຍເປັນເຂດທ່ອງທ່ຽວທີ່ນິຍົມກັນຫຼາຍທັງພາຍໃນແລະຕ່າງປະເທດ ດ້ວຍຄວາມເປັນສະຖານທີ່ທ່ອງທ່ຽວທີ່ອຸດົມໄປດ້ວຍຊັບພະຍາກອນທາງທຳມະຊາດ

 ອີກທັງທິວທັດທີ່ໂດດເດັ່ນ ແລະ ສວຍງາມ ສ້າງຄວາມປະທັບໃຈໃຫ້ແກ່ຜູ້ພົບເຫັນ ເກີດຈາກທຳມະຊາດເຊິ່ງປະກອບດ້ວຍປ່າຕຶບໜາອັນຂຽວງາມ ແລະ ໜ່ວຍພູສູງທຽມຟ້າ, ເມື່ອແນມໄປທາງຕາເວັນຕົກ ຫຼື ທິດໃຕ້ ຈະເຫັນທຳມະຊາດທີ່ກົມກືນເຂົ້າກັບດອນຕ່າງໆ,ຫາດຊາຍ,ປ່າຊາຍ,ເກາະດອນນ້ອຍໃຫຍ່ ເຕັມໄປທົ່ວລຳແມ່ນ້ຳຂອງທີ່ກວ້າງໃຫຍ່,ມີໂງ່ນຫີນ ແລະ ໜ້າຜາທີ່ສະຫຼັບສັບຊ້ອນຈົນກາຍເປັນແຫຼ່ງນ້ຳຕົກຕາດ,ແກ້ງ,ດອນຫຼວງຫຼາຍເກີນທີ່ຈະບັນຍາຍ ແລະທີ່ສຳຄັນ ເຂດມະຫານະທີສີພັນດອນຍັງເປັນທີ່ຕັ້ງຂອງ “ນ້ຳຕົກຕາດຄອນພະເພັງ”ແລະ“ນ້ຳຕົກຕາດສົມພະມິດ ຫຼື ຫຼີຜີ” ທີ່ມີຊື່ສ່ຽງໂດ່ງດັງພາຍໃນ ແລະ ຕ່າງປະເທດ.

ຮູບໂດຍ: Anouphon Phomhacsar
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com