​ໄປ​ອັ​ດຕະປືຢ່າ​ລືມ​ແວ່ ວັດທາດຈຸນລະມະນີ ( ວັດ​ພະ​ເຈົ້າ​ໄຊ​ຍະ​ເຊ​ດຖາ​ທິຣາຊ) ທີ່ບັນ​ຈຸອັດທິຂອງ ພະເຈົ້າໄຊຍະເສດຖາທິຣາຊ ວິລະກະສັດລາວ

ວັດທາດຈຸນລະມະນີ ຕັ້ງຢູ່ບ້ານ ວັດທາດ ເມືອງ ໄຊເສດຖາ ແຂວງ ອັດຕະປື ສ້າງຂຶ້ນໃນປີ ພສ 2120 ຫຼື ຄສ 1577 ເປັນສະຖານທີ່ຕັ້ງຂອງ ພະທາດບັນຈຸ ອັດທິຂອງ ພະເຈົ້າໄຊຍະເຊດຖາທິຣາຊ.

ພະທາດເກັບອັດທິ ພະເຈົ້າໄຊຍະເສດຖາທິລາດ

ພະທາດທີ່ຢູ່ບໍລິເວນອອ້ມຮອບພະທາດບັນຈຸອັດທິ ພະເຈົ້າໄຊຍະເສດຖາທິລາດ 

ວັດທາດຈຸນລະມະນີສ້າງໂດຍ ທ້າວ ພະໄຊ ເຊິ່ງເປັນ ໂອຣົດ ຂອງພະເຈົ້າໄຊຍະເຊດຖາທິຣາຊ ເຊິ່ງປະສູດຈາກ ນາງ 3 ສີ ຣາດຊະທິດາຂອງພະຍາເມືອງອົງການ ( ຫຼື ແຂວງອັດຕະປື ໃນປັດຈຸບັນ ).

ວັດທາດຈຸນລະມະນີ ເຊິ່ງປັດຈຸບັນຫລາຍຕົນນິຍົມເອີ້ນວ່າ ວັດພະເຈົ້າໄຊຍະເຊດຖາທິຣາຊ ຕັ້ງຢູ່ ບ້ານ ວັດທາດ ເມືອງ ໄຊເສດຖາ ຫ່າງຈາກຕົວເມືອງສາມັກຄີໄຊ ເທດສະບານແຂວງອັດຕະປື ປະມານ 15 ກິໂລແມັດ ເຊິ່ງຕ້ອງໄດ້ຂ້າມຂົວນ້ຳເຊຂະໜານ.

ຫາກທ່ານໃດ ໄດ້ເດີນທາງໄປແຂວງອັດຕະປື ກໍ່ຢ່າລືມແວ່ຢ້ຽມຢາມ ແລະ ສັກກະລະບູຊາ ພ້ອມທັງສຶກສາປະຫັວດສາດ ຊົມຄວາມງາມທາງດ້ານສິລະປະ ແລະ ພຸດທະສາສະໜາ.

“ລຳນ້ຳໃສ ປ່າໄມ້ຂຽວ ທ່ອງທ່ຽວໜອງຟ້າ ຊົມຜາຮຽງຊານໄຊ ໄຫວ້ພຣະອົງແສນ ພັກແດນສາ ມັກຄີ” ເປັນຄຳຂວັນຂອງແຂວງອັດຕະປືທີ່ອຸດົມສົມບູນໄປດ້ວຍຊັບໃນດິນສິນໃນນ້ຳ ຈົນກ່າວຂານກັນວ່າ “ອັດຕະປືປຶ້ງ ຂາຍຄຳແລກໄກ່” ເຊິ່ງພັນລະນາເຖິງຄວາມຈະເລີນຮຸ່ງເຮືອງຂອງດິນແດນອັດຕະປືແຫ່ງນີ້.

เพิ่มคำอธิบายภาพ

ລວຍລາຍບານປ່ອງຢ້ຽມ 

ແຂວງອັດຕະປືຕັ້ງຢູ່ພາກໃຕ້ຂອງປະເທດເຮົາ, ມີເນື້ອທີ່ທັງໝົດ 10.000 ກວ່າກິໂລຕາແມັດ, ປະກອບມີ 5 ເມືອງຄື: ເມືອງໄຊເຊດຖາ, ເມືອງສາມັກຄີໄຊ, ເມືອງສະໜາມໄຊ, ເມືອງຊານໄຊ ແລະ ເມືອງພູວົງ, ແລະ ມີພົນລະເມືອງຫຼາກຫຼາຍຊົນເຜົ່າອາໄສຢູ່ປະມານ 2 ແສນຄົນ. ແຂວງອັດຕະປື ມີປະຫວັດຄວາມ ເປັນມາອັນຍາວນານ ແລະ ເປັນບ່ອນທີ່ເຈົ້າໄຊຍະເສດຖາທິລາຊ ກະສັດລາວຜູ້ລືຊື່ໄດ້ສີ້ນພະຊົນ (ເສຍຊີ ວິດ) ລົງໃນປີ ຄສ 1572.

ພະທີ່ໄດ້ຮັບການບູລະນະຈາກຮ່ອງຮອຍເກົ່າ ບໍລິເວນຂ້າງ ເຮືອນທີ່ປະທັບ

ປັດຈຸບັນແຂວງອັດຕະປື ໄດ້ກາຍເປັນເຂດ 3 ຫຼ່ຽມພັດທະນາເສດຖະກິດ ລະ ຫວ່າງ 3 ຊາດ ລາວ-ຫວຽດນາມ-ກຳປູເຈຍ ຕິດພັນກັບການພັດທະນາ ເພື່ອສົ່ງເສີມການຄ້າ ແລະ ການທ່ອງທ່ຽວ, ເຊິ່ງມີສະຖານທີ່ທ່ອງທ່ຽວທີ່ໂດດເດັ່ນທີ່ສຸດ ກໍ່ແມ່ນໜອງຟ້າອັນສວຍສົດງົດງາມເປັນໜ້າ ງຶດງໍ້ອັດສະຈັນໃຈ.

ພະທາດເກັບອັດທິ ພະເຈົ້າໄຊຍະເສດຖາທິລາດ

ພາບໂດຍ: ໄກ່ແກ້ວ ໄຊຍະສານ
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com