ໃນຕອນແລງຂອງວັນທີ 02 ເມສາ 2018 ທີ່ແຂວງສາລະວັນ ໄດ້ຈັດພິທີສະເຫຼີມສະຫຼອງປີທ່ອງທ່ຽວລາວ 2018 ຂອງແຂວງດັ່ງກ່າວຂຶ້ນ ໂດຍການໃຫ້ກຽດເຂົ້າຮ່ວມ ແລະ ລັ່ນຄ້ອງ 9 ບາດຂອງ ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ທັງເປັນປະທານຊີ້ນໍາຈັດງານປີທ່ອງທ່ຽວລາວ 2018 ລະດັບຊາດ
ແຂວງສາລະວັນໃນການສຳຫຼວດຊອກຄົ້ນແຫຼ່ງທ່ອງທ່ຽວ ທີ່ມີເງື່ອນໄຂ ແລະ ໄດ້ຂຶ້ນບັນຊີໄວ້ແລ້ວ ຈຳນວນ 96 ແຫ່ງ. ໃນນັ້ນ, ເປັນແຫຼ່ງທ່ອງທ່ຽວທາງທຳມະຊາດ 53 ແຫ່ງ, ວັດທະນະທຳ 37 ແຫ່ງ, ປະຫວັດສາດ 6 ແຫ່ງ.
ສິ່ງທີ່ຈະສ້າງຄວາມປະທັບໃຈ ໃຫ້ແກ່ນັກທ່ອງທ່ຽວ ແມ່ນການທ່ອງທ່ຽວວັດທະນະທຳ ທີ່ມີຄວາມຫຼາກຫຼາຍຂອງ 10 ຊົນເຜົ່າ, ການມ່ວນຊື່ນກັບສຽງຂັບລຳສາລະວັນ ທີ່ເປັນຕຳນານເລົ່າຂານກັນວ່າ “ລຳມະຫາອຳນາດ” ຊຶ່ງເປັນມໍລະດົກພູມປັນຍາຂອງບັນພະບຸລຸດ ທີ່ສືບທອດກັນມາຫຼາຍເຊັ່ນຄົນ ຕາມທຳນອງທີ່ມີຄວາມອ່ອນຊ້ອຍ ແຕ່ແອບແຝງດ້ວຍກົດຄຳສັ່ງຂອງອຳນາດ ຄື: ການສັ່ງໃຫ້ຄູ່ຟ້ອນກ້ຽວກັນ, ໃຫ້ເຕັ້ຍລົງ, ລຸກຂຶ້ນ, ກ້າວໄປ, ບາຍຫູ, ຂາດຽວ ແລະ ອື່ນໆ.
ເນື້ອໃນຮຽບຮຽງຈາກ:http://www.laogov.gov.la
ຂອບໃຈຮູບງາມໆໂດຍ: Tono Chormphachun
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty
ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com
All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com
