ຈຸດຊົມວິວ ເມືອງຍົມມະລາດ ຕາມສາຍທາງເລກທີ 12 ອີກຫນຶ່ງສະຖານທີ່ທ່ອງທ່ຽວຂອງແຂວງຄຳມ່ວນ ທີ່ຫນ້າສົນໃຈ

ໃນທ້າຍອາທິດຜ່ານມາ ແອັດມີນ ມີໂອກາດ ໄດ້ເດີນທາງລົງໄປດິນແດນ ແຂວງຄຳມ່ວນ ເລີຍຍາດເວລາ ໄປທ່ຽວຈຸດຊົມວິວຢູ່ເມືອງຍົມມະລາດ ເຊິ່ງບໍ່ໄກຈາກ3 ແຍກຍົມມະລາດປານໃດ ເຊິ່ງຣີສອດ ສວນນໍ້າລິນສົມພູ ເປັນຜູ້ສ້າງທາງຂຶ້ນໃນປີຜ່ານມາ.

  ຈຸດເດັ່ນແມ່ນເມື່ອຂຶ້ນໄປຮອດສາລາຊົມວິວແລ້ວ ຈະສາມາດແນມເຫັນຕົວເມືອງຍົມມະລາດ ແລະສາຍພູຜາທີ່ອ້ອມຮອບເມືອງແຫ່ງນີ້ເປັນຢ່າງດີ. ຢ່າງໃດກໍຕາມ ຍາມນີ້ ເປັນລະດູແລ້ງ ພາບຕົວເມືອງຫລື ທຳມະຊາດ ຈິ່ງບໍ່ຄ່ອຍງາມປານໃດ ແຕ່ຫາກໄປໃນຕົ້ນລະດູຝົນ ຫລື ຍາມເຮັດນາ ຈົນເຖິງກ່ອນເກັບກ່ຽວ ຈະມີຄວາມງົດງາມເປັນພິເສດກວ່ານີ້ແນ່ນອນ.

ແຂວງຄຳມ່ວນມີຄະນົບທຳນຽມຮີດຄອງປະເພນີອັນດີງາມ, ປະຊາ ຊົນຊາວແຂວງຄຳມ່ວນ ເປັນຄົນທີ່ມີຈິດໃຈໂອບເອື້ອເພື່ອແຜ່, ຮັກແພງແຂກຕ່າງດ້າວ-ທ້າວຕ່າງແດນ, ແຂວງຄຳມ່ວນ ເປັນ ດິນແດນທີ່ມີແຕ່ສັນຕິສຸກ, ມີແຫລ່ງທ່ອງທ່ຽວທີ່ເລື່ອງລືທົ່ວໂລກເປັນຕົ້ນແມ່ນ: ຖໍ້າມະຫັດສະຈັນກອງລໍ-ນາຕານ, ຖໍ້ານໍ້າ ລອດເຊບັ້ງໄຟ, ຖໍ້ານາງແອ່ນ, ຂຸນກອງແລງ, ນໍ້າຕົກຕາດນໍ້າສະນາມ, ປ່າສະຫງວນພູຫີນໜາມໜໍ່ ທີ່ສວຍງາມເຊິ່ງກຽມຮັບ ຮອງເປັນມໍລະດົກໂລກທາງທຳມະຊາດ ແລະ ສະຖານທີ່ອື່ນໆ ທີ່ທ່ານຄວນເລືອກເປັນຫນຶ່ງໃນເປົ້າໝາຍປາຍທາງການທ່ອງທ່ຽວ.

 ນອກນັ້ນຍັງມີແຫລ່ງທ່ອງທ່ຽວທີ່ສຳຄັນທາງປະຫວັດສາດ ແລະ ວັດທະນະທຳຫລາຍແຫ່ງທີ່ເປັນມົນສະເໜ່ມັດໃຈຜູ້ຄົນທີ່ມາທົ່ວສາລະທິດ ໃນນີ້ມີພະທາດສີໂຄດຕະບອງ ເຊິ່ງເປັນປູ ຊະນີຍະສະຖານ ແລະ ເປັນສັນຍາລັກຂອງປະຊາຊົນຊາວແຂວງຄຳມ່ວນ, ມີພະທາດຕຸ້ມພະວັງ ຢູ່ບ້ານນາວາງ, ຫໍໄຫວ້ປະ ທານໂຮຈິມິນ ຢູ່ບ້ານຊຽງຫວາງ ເມືອງໜອງບົກ….

ຈາກການສຳຫລວດແຫລ່ງທ່ອງທ່ຽວຢູ່ແຂວງ ຄຳມ່ວນ ປະຈຸບັນມີທັງໝົດ 198 ແຫ່ງ, ໃນນັ້ນມີແຫລ່ງທ່ອງທ່ຽວທາງທຳມະຊາດ 139 ແຫ່ງ, ທາງປະຫວັດສາດມີ 29 ແຫ່ງ ແລະ ທ່ອງທ່ຽວທາງວັດທະນະທຳມີ 30 ແຫ່ງ

---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com