ມສ ຫ້ວຍເລິກ ຈັດງານປະກວດສິລະປະ-ວັນນະຄະດີຂອງນ້ອງນັກຮຽນ ປະຈໍາສົກຮຽນ 2017-2018

 ເພື່ອເຮັດໃຫ້ການຮຽນ-ການສອນຕາມ 3 ລັກສະນະ ແລະ 5 ຫຼັກມູນຂອງຂະແໜງການສຶກສາ ໂດຍສະເພາະແມ່ນວຽກງານສິລະປະ-ວັນນະຄະດີ. ທັງເປັນການຊອກແຫຼ່ງທຶນ ເພື່ອນໍາໃຊ້ເຂົ້າໃນການປັບປຸງພື້ນຖານໂຄງລ່າງຂອງໂຮງຮຽນເຊັ່ນ: ຮົ້ວໂຮງຮຽນ, ອາຄານຮຽນ ແລະ ຊື່ອຸປະກອນທີ່ຈໍາເປັນຕໍ່ວຽກງານການຮຽນ-ການສອນນັ້ນ. ໂຮງຮຽນມັດທະຍົມສົມບູນຫ້ວຍເລິກ ເມືອງແກ່ນທ້າວ ແຂວງໄຊຍະບູລີ ໄດ້ຈັດງານປະກວດສິລະປະ-ວັນນະດີ ປະຈໍາສົກຮຽນ 2017-2018 ຂອງນ້ອງນັກຮຽນຂຶ້ນໃນຄໍ່າຄືນວັນທີ 27ມີນາ 2018 ນີ້, ຢູ່ທີ່ເດີນໂຮງຮຽນດັ່ງກ່າວ.

 ການປະກວດສິລະປະໃນຄັ້ງນີ້, ມີບົດຟ້ອນຂອງນ້ອງນັກຮຽນທັງໝົດ 16 ລາຍການ, ໃນນີ້ ຊັ້ນມໍຕົ້ນ 4 ລາຍການ ແລະ ຊັ້ນມໍປາຍ 12 ລາຍການ.

 ຜ່ານການປະກວດຊັ້ນມໍຕົ້ນທີ 1 ໄດ້ແກ່ບົດຟ້ອນສັນລະເສີນເຈົ້າອະນຸວົງ ຊັ້ນມໍ 4, ທີ 2 ບົດຟ້ອນເຂົ້າໜຽວສຽງແຄນຊັ້ນມໍ 1 ແລະ ທີ 3 ບົດຟ້ອນບ້ານແມ່ເຮົາຊັ້ນມໍ 2. ສ່ວນຊັ້ນມໍປາຍທີ 1 ໄດ້ແກ່ບົດຟ້ອນເຊີ້ງຂໍຝົນຫ້ອງມໍ 7/1, ທີ 2 ບົດຟ້ອນສາຍໃຈລາວ-ຫວຽດຫ້ອງມໍ 5/2, ທີ 3 ບົດຟ້ອນມ່ວນຊື່ນຫາປາ-ເທີນທູນບຸນຄຸນພັກຫ້ອງມໍ 6/1 ແລະ ບົດຟ້ອນສະຫຼອງສອງວັນປະຫວັດສາດຫ້ອງມໍ 6/3. ລາງວັນຂວັນໃຈມວນຊົນໄດ້ແກ່ຫ້ອງມໍ 7/1 ບົດຟ້ອນເຊີ້ງຂໍຝົນ.

ແຫລ່ງທີ່ມາຈາກເມືອງແກ່ນທ້າວ
---------------------
ປະເທດລາວ: ຄວາມງາມທີ່ສຳຜັດໄດ້
LAOS: Touchable Beauty

ທຸກຮູບພາບແມ່ນລິຂະສິດ ຂອງນັກຖ່າຍຮູບ, ຫາກທ່ານຕ້ອງການນຳໃຊ້ຮູບພາບໃນເວັບໄຊ www.laopostcard.com ຫຼື ເພຈ www.facebook.com/LaoPostcard ກະລຸນາພົວພັນ ຂໍອານຸຍາດ ນຳເຈົ້າຂອງພາບ ຫຼື ຕິດຕໍ່ laopostcard@gmail.com

All photos are copyright! if you wish to use photos whether from www.laopostcard.com or www.facebook.com/LaoPostcard kindly contact photographers directly or you can email laopostcard@gmail.com